ການນຳແຂວງສະຫວັນນະເຂດ ລົງຊຸກຍູ້ວຽກງານປ້ອງກັນການພະຍາດໂຄວິດ – 19 ໃຫ້ເມືອງພີນ

313

ທ່ານ ວຽງທະວີສອນ ເທບພະຈັນ ຮອງເຈົ້າແຂວງສະຫວັນນະເຂດ ພ້ອມຄອບຄົວນັກທຸລະກິດ ໄດ້ນຳເອົາເຄື່ອງຊ່ວຍເຫຼືອ ເພື່ອຊຸກຍູ້ວຽກງານປ້ອງກັນການແຜ່ລະບາດພະຍາດໂຄວິດ – 19 ມາມອບໃຫ້ກັບຄະນະສະເພາະກິດ ປ້ອງກັນ ຄວບຄຸມ ແລະ ສະກັດກັ້ນການແຜ່ລະບາດພະຍາດໂຄວິດ – 19 ເມືອງພີນ ໃນຕອນເຊົ້າວັນທີ 19 ສິງຫາ 2021.

ທ່ານຮອງເຈົ້າແຂວງໄດ້ມອບເງິນສົດ ຈຳນວນ 5 ລ້ານກີບ, ຄອບຄົວ ທ່ານ ຄໍາພູມີ ມີໄຊ ມອບເງິນສົດ ຈໍານວນ 5 ລ້ານກີບ, ໝີ່ 1 ແກັດໃຫຍ່, ປາກະປ໋ອງ 1 ແກັດ ໃຫຍ່, ກະທິງແດງ 1 ແກັດ, ພະແນກສາທາລະນະສຸກແຂວງສະຫວັນນະເຂດ ມອບຜ້າອັດປາກ – ດັງ ຈໍານວນ 30 ກັບ ຕາງໜ້າຮັບເຄື່ອງໃນຄັ້ງນີ້ໂດຍແມ່ນ ທ່ານ ສາລີ ວິນລາວັນ ເຈົ້າເມືອງພີນ ເພື່ອມອບຕໍ່ໃຫ້ກັບຄະນະສະເພາະກິດຂັ້ນເມືອງຕໍ່ໄປ.