ວາລະສານຟອບ ເອເຊຍ Forbes Asia ໄດ້ຈັດ ບໍລິສັດ ໂລກ້າ ເຂົ້າໃນລາຍຊື່ 100 ບໍລິສັດທີ່ໜ້າຕິດຕາມ

305

ວາລະສານ ຟອບ ເອເຊຍ ( Forbes Asia ) ມີການປະກາດລາຍຊື່ຂອງ 100 ບໍລິສັດ ທີ່ໜ້າຕິດຕາມໃນຂົງເຂດພາກພື້ນອາຊີປາຊີຟິກ ໃນວັນທີ 10 ສິງຫາ 2021 ທີ່ຜ່ານມາ, ໃນນັ້ນລວມມີ ບໍລິສັດ ໂລກ້າ ເຊິ່ງເປັນບໍລິສັດສະຕາດອັບຈາກປະເທດລາວ ທີ່ບໍລິຫານໂດຍ ທ່ານ ສຸລິໂຍ ວົງດາລາ ຈາກການຄັດເລືອກ ແລະ ພິຈາລະນາຈາກຈໍານວນ 900 ກວ່າບໍລິສັດ ຂົງເຂດພາກພື້ນອາຊີປາຊີຟິກ. ສຳລັບລາຍລະອຽດ ແລະ ຂໍ້ມູນເພີ່ມຕື່ມສາມາດເບິ່ງໄດ້ທີ່ www.forbes.com/100towatch.

May be an image of text that says 'ForbesAsia Asia 100 TO WATCH'

ເຊິ່ງໄດ້ຄັດເອົາລາຍຊື່ຂອງສະຕາດອັບ ແລະ ທຸລະກິດຂະໜາດນ້ອຍ ທີ່ໄດ້ມີການເຕີບໂຕຢູ່ໃນຂົງເຂດພາກພື້ນອາຊີປາຊີຟິກ ແລະ ເຖິງວ່າຈະໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ – 19 ບັນດາບໍລິສັດທີ່ຢູ່ໃນລາຍຊື່ນີ້ ກໍຍັງມີການຂະຫຍາຍຕົວຢ່າງຕໍ່ເນື່ອງ.

ບໍລິສັດໂລກ້າ ໄດ້ສ້າງຕັ້ງຂຶ້ນໃນປີ 2018 ເຊິ່ງເປັນແພຼັດຟອມທຳອິດທີ່ໃຫ້ບໍລິການເອີ້ນລົດແທັກຊີອອນລາຍຂອງປະເທດລາວ, ໃຫ້ບໍລິການຕະຫຼອດ 24 ຊົ່ວໂມງ ມີປະກັນໄພຄຸ້ມຄອງໃນຖ້ຽວສູງສຸດເຖິງ 500 ລ້ານກີບ ປັດຈຸບັນໂລກ້າ ກໍຍັງໄດ້ມີການຂະຫຍາຍບໍລິການໄປທີ່ປາກເຊ ແຂວງຈຳປາສັກ ເປັນແຂວງທີ 3 ຕໍ່ຈາກນະຄອນຫຼວງວຽງຈັນ ແລະ ຫຼວງພະບາງ.