ການລົງຕິດຕາມຊຸກຍູ້ວຽກງານຕ້ານໂຄວິດ – 19 ຢູ່ເມືອງຈຳພອນ ຂອງທ່ານຮອງເລຂາພັກແຂວງສະຫວັນນະເຂດ

224

ທ່ານ ພູວັງ ເກດແກ້ວພົມພອນ ຮອງເລຂາພັກແຂວງສະຫວັນນະເຂດ ຜູ້ຊີ້ນຳຂົງເຂດວຽກພັກ – ພະນັກງານ ໄດ້ລົງເຄື່ອນໄຫວຕິດຕາມ ແລະ ຊຸກຍູ້ວຽກງານປ້ອງກັນ, ຄວບຄຸມ ແລະ ສະກັດກັ້ນການລະບາດຂອງພະຍາດໂຄວິດ – 19 ເມື່ອບໍ່ດົນມານີ້ ທີ່ເມືອງຈຳພອນ ພ້ອມໃຫ້ທິດຊີ້ນໍາຕໍ່ຄະນະສະເພາະກິດໃຫ້ເພີ່ມທະວີມາດຕະການປ້ອງກັນຢ່າງເຂັ້ມງວດ ໂດຍການຕ້ອນຮັບຂອງ ທ່ານ ຄຳລຸຍ ຍາດຕິວົງ ກຳມະການພັກແຂວງ ເລຂາພັກເມືອງເຈົ້າເມືອງຈຳພອນ, ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າ – ຮອງຫົວໜ້າຫ້ອງການທີ່ກ່ຽວຂ້ອງເຂົ້າຮ່ວມ.

May be an image of one or more people, people standing and outdoors

ຄະນະສະເພາະກິດເມືອງຈຳພອນ ລາຍງານວ່າ: ພາຍຫຼັງທີ່ພະຍາດໂຄວິດ – 19 ໄດ້ກັບມາລະບາດອີກຄັ້ງໃໝ່ ທາງເມືອງໄດ້ຕັ້ງສູນກັກກັນຊົ່ວຄາວເປັນ 2 ສູນ ຄື: ໂຮງຮຽນ ມ.ຕົ້ນ ແກ້ງກອກເໜືອ ແລະ ມ.ປາຍ ແກ້ງກອກ ເພື່ອຮອງຮັບສຳລັບຜູ້ກັກຕົວແລ້ວ 14 ວັນ ຢູ່ແຂວງ, ຈຳນວນຜູ້ກັກກັນທັງໝົດຢູ່ເມືອງຈຳພອນ ມີ 339 ຄົນ ຍິງ 126 ຄົນ. ໃນນີ້, ສູນ ມ.ຕົ້ນ ແກ້ງກອກ 177 ຄົນ ຍິງ 55 ຄົນ; ສູນ ມ.ປາຍ ແກ້ງກອກ ມີ 162 ຄົນ ຍິງ 71 ຄົນ. ໃນນີ້, ມີຜູ້ຕິດເຊື້ອ 247 ຄົນ ຍິງ 121 ຄົນ, ປິ່ນປົວດີກັບບ້ານແລ້ວ 137 ຄົນ ຍິງ 70 ຄົນ, ຍັງປິ່ນປົວຢູ່ແຂວງ 110 ຄົນ ຍິິງ 51 ຄົນເສຍຊີວິດ 0 ຄົນ.

ໃນຄັ້ງນີ້ທ່ານຍັງໄດ້ມອບເຄື່ອງຈຳນວນໜຶ່ງ ເຊິ່ງປະກອບມີຜ້າອັດປາກ 60 ກັບ, ຊຸດ ພີພີອີ 50 ຊຸດ, ແວ່ນຕາ 50 ອັນ, ນໍ້າດື່ມ 36 ແພັກ, ໝີ່ເຄິ່ງສຳເລັດຮູບ 1 ແກັດ, ປາກະປ໋ອງ 1 ແກັດ, ແພມເພີດ 1 ແກັດ ລວມມູນຄ່າ 7.570.000 ກີບ ພ້ອມເງິນສົດ 5 ລ້ານກີບ.