ໂຄງການກໍ່ສ້າງເສັ້ນທາງເລກທີ 11ຕອນເຫນືອ ແຕ່ຂົວນໍ້າສັງ ຫາ ບ້ານຄົກເຂົາດໍ ຍາວ 122 ກິໂລແມັດ ຄືບໜ້າ 58%,

274

ໂຄງການກໍ່ສ້າງເສັ້ນທາງເລກທີ 11ຕອນເຫນືອ ແຕ່ຂົວນໍ້າສັງ ຫາ ບ້ານຄົກເຂົາດໍ (ຂົວຂ້າມນໍ້າຂອງ ແຂວງໄຊຍະບູລີ)ລວງຍາວທັງຫມົດ 122 ກິໂລແມັດ ຄືບໜ້າ 58%.

ຄວາມກວ້າງຫນ້າທາງແບ່ງອອກເປັນ 2ເຂດ ເຂດທົ່ງພຽງກວ້າງ 10ມ ແລະເຂດພູສູງຊັນ ກວ້າງ 11.25ມເປັນເສັ້ນທາງເຊື່ອມຕໍ່ລະຫວ່າງ ນະຄອນຫລວງ-ແຂວງວຽງຈັນ-(ຂົວຂ້າມນໍ້າຂອງ)ແຂວງໄຊຍະບູລີ.


ທ່ານວັນທອງ ພົນລະລີ ຄະນະຮັບຜິດຊອບໂຄງ ການ(ສັງກັດ ຂະແຫນງຂົວທາງ ພະແນກ ຍທຂ ນວ)ໄດ້ໃຫ້ສຳພາດກັບທີມງານຂອງພວກເຮົາວ່າ ໂຄງການກໍ່ສ້າງເສັ້ນ ທາງດັງກ່າວ ແມ່ນກຳລັງຈັດຕັ້ງປະຕິບັດ (ປະຕິບັດໄດ້ 58%) ຈະສຳເລັດໃນທ້າຍປີ 2022 ຕາມສັນຍາ.

ການກໍ່ສ້າງນີ້ແມ່ນມີທັງຂໍ້ສະດວກແລະຫຍຸ້ງຍາກ (ອີງໃສ່ບັນຫາສະພາບ ການແຜ່ລະບາດຂອງພະຍາດໂຄວິດ) ເພື່ອໃຫ້ບັນລຸເປົ້າຫມາຍປະຕິບັດໃຫ້ໄດ້ຕາມແຜນທີ່ກຳນົດໄວ້ ທາງຄະນະໂຄງການໄດ້ເອົາໃຈໃສ່ຕິດຕາມວຽກງານຕ່າງໃຫ້ສຳເລັດຕາມແຜນ ພ້ອມນີ້ກໍມີຄວາມໃກ້ຊິດຕິດແທດທາງຂັ້ນເທິງ(ກົມຂົວທາງ)ກໍ່ໄດ້ລົງຊຸກຍູ້ ຊີ້ນຳຢູ່ປະຈຳ ແລະ ອຳນາດການປົກຄອງທ້ອງຖີ່ນຂັ້ນເມືອງ ສັງທອງ,ເມືອງໝື່ນ,ເມືອງຊະນະຄາມ ພ້ອມດ້ວຍອຳນາດການປົກຄອງບ້ານ ມີສ່ວນຮ່ວມເປັນຢ່າງດີ.


ພ້ອມກັນນັ້ນຍັງໄດ້ຮຽກຮ້ອງ ໃຫ້ຜູ້ຂັບຂີ່ໃຊ້ລົດໃຊ້ຖະຫນົນ ທີ່ຈະເດີ່ນທາງມາຕາມເສັ້ນທາງດັ່ງກ່າວ ຂໍໃຫ້ລະມັດລະວັງ ການໄປມາໃຫ້ປະຕິບັດຕາມປ້າຍເຕືອນຢ່າງເຂັ້ມງວດ ເພື່ອຫລີກລ່ຽງອຸບັດເຫດ.

ຂໍມູນຂ່າວ:ພະແນກ ຍທຂ ນະຄອນຫລວງວຽງຈັນ