ປະຊາຊົນແຂວງຫຼວງນໍ້າທາ ພາກັນຕື່ນຕົວໄປສັກວັກແຊັງປ້ອງກັນພະຍາດໂຄວິດຫຼາຍຂຶ້ນ

295

ທ່ານ ດຣ. ພູວຽງ ດວງດາລາ ຮອງອຳນວຍການໂຮງໝໍແຂວງ ຫຼວງນໍ້າທາ ໄດ້ໃຫ້ສຳພາດວ່າ: ໂຮງໝໍແຂວງຫຼວງນໍ້າທາ ສັກວັກແຊັງໃນຮອບທີ 1 ໄດ້ 1.764 ຄົນ, ຮອບ 2 ໄດ້ 3.647 ຄົນ ແລະ ຮອບ 3 ສັກໄດ້ 6.595 ຄົນ, ເບື້ອງຕົ້ນປະຊາຊົນກໍມີຄວາມຢ້ານກົວ, ຢ້ານມີຜົນຂ້າງຄຽງອື່ນໆ ເມື່ອເຫັນວ່າຫຼາຍພາກສ່ວນມີການໂຄສະນາ ກ່ຽວກັບຄວາມສຳຄັນຂອງການສັກວັກແຊັງ ປະຊາຊົນກໍຕື່ນຕົວເຂົ້າມາສັກວັກແຊັງຢູ່ໂຮງໝໍເຮົາເປັນຈຳນວນຫຼາຍ ລວມປະມານ 12 ພັນກວ່າຄົນ.

May be an image of 1 person

ກຸ່ມເປົ້າໝາຍທີ່ພວກເຮົາສັກແມ່ນແຕ່ 18 ປີຂຶ້ນໄປຫາ 60 ປີ ທີ່ມີສຸຂະພາບແຂງແຮງ ແລະ ແຕ່ລະທີມພວກເຮົາກໍຈະແບ່ງອອກເປັນໜ່ວຍ ຄື: ໜ່ວຍຄັດກອງ, ຕໍ່ມາແມ່ນແພດສອບຖາມປະຫວັດ, ຈາກນັ້ນຈຶ່ງຈະສົ່ງໄປຫາໜ່ວຍງານສັກຢາ, ສິ່ງສຳຄັນແມ່ນພວກເຮົາເນັ້ນໃຫ້ຜູ້ມາສັກວັກແຊັງຮັກສາໄລຍະຫ່າງ, ໃສ່ຜ້າອັດປາກດັງ, ທ່ານ ດຣ. ພູວຽງ ດວງດາລາ ກ່າວ.

ທ່ານ ດຣ. ຄຳສອນ ຈັນທະດາລາ ຫົວໜ້າຫ້ອງການສາທາລະນະສຸກເມືອງຫຼວງນໍ້າທາ, ທັງເປັນຮອງຄະນະສະເພາະກິດຂັ້ນເມືອງ ໄດ້ກ່າວວ່າ: ຜ່ານມາພວກເຮົາກໍໄດ້ລົງພື້ນທີ່ ເພື່ອໂຄສະນາຢູ່ແຕ່ລະບ້ານ ເຊິ່ງເມືອງຫຼວງນໍ້າທາ ມີ 78 ບ້ານ ທົວເຮົາກໍໄດ້ເຮັດຄລິບສຽງສົ່ງໃຫ້ແຕ່ລະບ້ານເປີດຜ່ານໂທລະໂຄງບ້ານ ເຮັດໃຫ້ພໍ່ແມ່ປະຊາຊົນຮັບຮູ້ ແລະ ເຂົ້າໃຈຫຼາຍຂຶ້ນ.