ທຳລາຍສິນຄ້າເຄື່ອງອຸປະໂພກ – ບໍລິໂພກ ຜິດລະບຽບກົດໝາຍຢູ່ເມືອງວິລະບູລີ

286

ທ່ານ ບຸນເນືອງ ຈັນຫອມ ຮອງເຈົ້າເມືອງວິລະບູລີ ຜູ້ຊີ້ນໍາວຽກງານເສດຖະກິດ, ມີທ່ານ ນາງ ບຸນລັບ ທໍາມະຈັກ ປະທານແນວລາວສ້າງຊາດເມືອງ ແລະ ບັນດາພາກສ່ວນທີ່ກ່ຽວຂ້ອງເຂົ້າຮ່ວມ ທີ່ຫ້ອງການອຸດສາຫະກໍາ ແລະ ການຄ້າເມືອງວິລະບູລີ ແຂວງສະຫວັນນະເຂດ ໄດ້ຈັດພິທີຈູດທໍາລາຍສິນຄ້າອຸປະໂພກ – ບໍລິໂພກທີ່ເສື່ອມຄຸນໝົດອາຍຸ ແລະ ສິນຄ້າລະເມີດລະບຽບກົດໝາຍ ຂຶ້ນທີ່ເດີ່ນຂອງຫ້ອງການດັ່ງກ່າວ.

May be an image of 1 person, standing, fire and outdoors
ທ່ານ ພູວະນາດ ບຸນສີພົມ ຫົວໜ້າຫ້ອງການອຸດສາຫະກໍາ ແລະ ການຄ້າເມືອງວິລະບູລີ ໄດ້ລາຍງານໃຫ້ຮູ້ວ່າ: ການເຄື່ອນໄຫວຈັດຕັ້ງປະຕິບັດວຽກງານກວດກາການຄ້າ ແມ່ນໄດ້ເລີ່ມປະຕິບັດນັບແຕ່ເດືອນມັງກອນ 2021 ເປັນຕົ້ນມາ ເຊິ່ງປະຕິບັດຢູ່ໃນ 5 ເຂດ ຄື: ພາຍໃນຂອບເຂດເທສະບານເມືອງວິລະບູລີ ( ກຸ່ມບ້ານທີ 13 ), ເຂດກຸ່ມບ້ານທີ 12, ເຂດກຸ່ມບ້ານທີ 5, ເຂດຈຸດສຸມກະແຕບນາຜາດ່າງ ແລະ ເຂດຈຸດສຸມເມືອງວັງ.

May be an image of 3 people, people sitting, people standing, fire and outdoors

ຜ່ານການຈັດຕັ້ງປະຕິບັດການກວດກາຕົວຈິງ ສາມາດກວດພົບເຫັນສິນຄ້າຕ່າງໆທີ່ຜິດຕໍ່ລະບຽບກົດໝາຍ ແລະ ລະບຽບການ ລວມມູນຄ່າທັງໝົດ 10 ລ້ານກວ່າກີບ.