ຄະນະສະເພາະກິດແຂວງຫຼວງພະບາງ ປຶກສາຫາລືວຽກງານຕ້ານໂຄວິດ

219

ໂດຍການເປັນປະທານຂອງ ທ່ານ ບຸນເລື່ອມ ມະນີວົງ ຮອງເຈົ້າແຂວງຫຼວງພະບາງ ຫົວໜ້າຄະນະສະເພາະກິດຂັ້ນແຂວງ, ມີຄະນະສະເພາະກິດ ແລະ ກອງເລຂາ ເຂົ້າຮ່ວມໃນວັນທີ 2 ສິງຫາ 2021 ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດພະຍາດໂຄວິດ – 19.

May be an image of 2 people, people sitting and people standing

ຕໍ່ກັບມາດຕະການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ – 19 ຢູ່ແຂວງຫຼວງພະບາງ ອັນພົ້ນເດັ່ນໃນການປຶກສາຫາໃນຄັ້ງນີ້ແມ່ນກໍລະນີມີເຫດການສຸກເສີນເກີດຂຶ້ນຢູ່ໂຮງໝໍສາກົນລາວ – ຈີນ ທີ່ມີກໍລະນີສະແດງອອກຄ້າຍຄືກັບອາການຂອງພະຍາດໂຄວິດ – 19 ພາຍຫຼັງທີມງານຕອບໂຕ້ເກັບຕົວຢ່າງໄປກວດ ຜົນອອກມາເປັນລົບ ແລະ ໄດ້ເກັບຕົວຢ່າງແຮງງານກັບມາແຕ່ໄທ ທີ່ໄດ້ກວດພົບເຊື້ອຢູ່ນະຄອນຫຼວງວຽງຈັນ ແລະ ໄດ້ປິ່ນປົວຄົບ 14 ວັນ, ຈາກນັ້ນໄດ້ສົ່ງເຂົ້າສູນຢູ່ເມືອງນານ ແລະ ສູນຫ້ວຍມາວ. ພາຍຫຼັງທີມງານໄດ້ເກັບຕົວຢ່າງໄປກວດຄືນຜົນອອກມາເປັນບວກ ແລະ ກໍໄດ້ສົ່ງໄປປິ່ນປົວຢູ່ໂຮງໝໍແຂວງຫຼວງພະບາງ.

ໃນກອງປະຊຸມທ່ານຮອງເຈົ້າແຂວງ ໄດ້ໃຫ້ທິດຊີ້ນຳເພື່ອສືບຕໍ່ 5 ວຽກງານຕົ້ນຕໍ ເຊັ່ນ: ວຽກງານສຸຂະສຶກສາ ແມ່ນໃຫ້ສືບຕໍ່ໂຄສະນາໃຫ້ທົ່ວສັງຄົມໄດ້ຮັບຮູ້ ແລະ ມີສະຕິລະວັງຕົວຢູ່ສະເໝີ, ວຽກງານກວດກາກັ່ນກອງ 5 ຈຸດ ບວກກັບສະໜາມບິນແມ່ນໃຫ້ເອົາໃຈໃສ່ເພີ່ມມາດຕະການກວດກາຢ່າງເຂັ້ມງວດ, ວຽກງານສູນກັກບໍລິເວນ ແມ່ນໃຫ້ກະກຽມສະຖານທີ່ຮອງຮັບ, ພ້ອມນັ້ນກໍໃຫ້ຂຶ້ນແຜນສ້ອມແປງສະຖານທີ່ກັກບໍລິເວນແຮງງານນຳເຂົ້າຢູ່ບັນດາເມືອງທີ່ມີຄວາມສ່ຽງ ກໍຄືນະຄອນຫຼວງພະບາງ, ວຽກງານປິ່ນປົວຜູ້ຕິດເຊື້ອໃໝ່ ແມ່ນໃຫ້ຄະນະຮັບຜິດຊອບຜັດປ່ຽນກັນຖະແຫຼງຂ່າວຢ່າງເປັນປົກກະຕິ ເພື່ອໃຫ້ສັງຄົມໄດ້ຮັບຮູ້ ແລະ ບໍ່ຕື່ນຕົກໃຈ, ພ້ອມກັນເສບຂ່າວຢ່າງມີສະຕິ, ວຽກງານສຸດທ້າຍກໍແມ່ນອີກວຽກງານໜຶ່ງທີ່ສຳຄັນ ຄືວຽກງານໃຫ້ວັກແຊັງ, ກ່ອນຈະໃຫ້ວັກແຊັງຕ້ອງມີມາດຕະການຢ່າງເຄັ່ງຄັດ, ວາງແຜນຢ່າງຮັດກຸມເພື່ອຫຼີກເວັ້ນຫາງສຽງຈົ່ມວ່າຂອງສັງຄົມ.