ໂຄງການກໍ່ສ້າງທາງລົດໄຟລາວ-ຈີນຢູ່ແຂວງຫລວງນໍ້າທາ ສໍາເລັດການຈ່າຍຄ່າຊົດເຊີຍແລ້ວ 91,4%

63

ມາຮອດປັດຈຸບັນ, ການເບີກຈ່າຍເງິນຄ່າຊົດເຊີຍໃຫ້ປະຊາຊົນທີ່ໄດ້ຮັບຜົນກະ ທົບຈາກໂຄງການກໍ່ສ້າງທາງລົດໄຟ ລາວ-ຈີນຢູ່ແຂວງຫລວງນໍ້າທາ ສໍາເລັດ 9 ງວດ, ມີ 269 ຄອບຄົວ, ເທົ່າກັບ 91,4% ຂອງຈໍານວນຄອບຄົວທີ່ໄດ້ຮັບຜົນກະທົບທັງ ໝົດ ໄດ້ຮັບເງິນຊົດເຊີຍແລ້ວ ແລະ ຄາດວ່າການເບີກຈ່າຍຊົດເຊີຍທີ່ເຫລືອ ຊຶ່ງເປັນງວດສຸດທ້າຍຈະຈັດຕັ້ງປະຕິບັດໃນໄວໆນີ້

ທ່ານ ຈັນທະຈອນ ແກ້ວນະຄອນ, ຜູ້ປະສານງານໂຄງການກໍ່ສ້າງທາງລົດໄຟລາວ-ຈີນ ແຂວງຫລວງນໍ້າທາ ໃຫ້ສໍາພາດວ່າ: ທາງລົດໄຟລາວ-ຈີນ ສະເພາະຜ່ານແຂວງຫລວງນໍ້າທາ ມີຄວາມຍາວ 16,9 ກິໂລແມັດ, ມີປະຊາຊົນ 4 ບ້ານຢູ່ເມືອງຫລວງນໍ້າທາ ໄດ້ຮັບຜົນກະທົບ ຄື: ບ້ານ ບໍ່ເຕ່ນ, ບ້ານ ບໍ່ປຽດ, ບ້ານ ຕິນຕົກ ແລະ ບ້ານ ນາເຕີຍ, ເລີ່ມແຕ່ເດືອນ ກໍລະກົດ ປີ 2018 ເປັນຕົ້ນມາ ປະຊາຊົນທີ່ໄດ້ຮັບຜົນກະທົບໄດ້ຮັບເງິນຊົດເຊີຍຢ່າງເປັນປົກ ກະຕິ ແລະ ຕໍ່ເນື່ອງ ເພາະລັດຖະບານຖືເອົາການຊົດເຊີຍຜົນກະທົບຂອງໂຄງການກໍ່ສ້າງທາງລົດໄຟ ລາວ-ຈີນ ເປັນບຸລິມະສິດທີ 1 ໃນການຈັດສັນງົບປະງານໃຫ້ບັນດາແຂວງທີ່ໄດ້ຮັບຜົນກະທົບ. ມາຮອດປັດຈຸບັນ ແຂວງໄດ້ຮັບເງິນຊົດເຊີຍແລ້ວທັງໝົດ 9 ງວດ ຈຳນວນ: 154.046.385.748 ກີບ ແລະ ໄດ້ເບີກຈ່າຍໃຫ້ປະຊາ ຊົນໄປແລ້ວ 269 ຄອບຄົວ ເທົ່າກັບ 91,4% ຂອງຈໍານວນຄອບຄົວທີ່ໄດ້ຮັບຜົນກະທົບທັງໝົດ. ສໍາລັບສ່ວນທີ່ຍັງເຫຼືອຄາດວ່າຈະໄດ້ເບີກຈ່າຍໃນໄລຍະໄວໆນີ້ ຊຶ່ງຈະເປັນງວດທີ 10 ແລະ ເປັນງວດສຸດທ້າຍຂອງການ ຈ່າຍເງິນຄ່າຊົດເຊີຍໃຫ້ປະຊາຊົນທີ່ໄດ້ຮັບຜົນກະທົບຢູ່ແຂວງຫລວງນໍ້າທາ ເພາະມີງົບປະມານ ແລະ ແຜນການເບີກຈ່າຍລະອຽດແລ້ວ.

ຜູ້ປະສານງານໂຄງການກໍ່ສ້າງທາງລົດໄຟລາວ-ຈີນ ແຂວງຫລວງນໍ້າທາ ໃຫ້ຮູ້ຕື່ມວ່າ: ປະຊາຊົນຈຳນວນໜຶ່ງທີ່ໄດ້ຮັບຜົນກະທົບຈາກໂຄງການກໍ່ສ້າງທາງລົດໄຟລາວ-ຈີນຢູ່ແຂວງຫລວງນໍ້າທາ ຈະໄດ້ຈັດເຂົ້າໄປຢູ່ບ້ານຈັດສັນທີ່ທາງລັດຖະບານໄດ້ກະກຽມໃຫ້ ຊຶ່ງຈະເລີ່ມລົງມືກໍ່ສ້າງພາຍໃນ /ເດືອນເມສາ ແລະ ຄາດວ່າເດືອນພະຈິກ ປີ 2021 ຈະໃຫ້ສຳເລັດ 100% ພ້ອມທັງການຍົກຍ້າຍປະຊາຊົນເຂົ້າໄປຢູ່ແບບຖາວອນ ຊຶ່ງມີທັງໝົດ 159 ຫລັງ, ຕັ້ງຢູ່ຫ່າງຈາກບ້ານນາເຕີຍ ໄປທາງທິດຕາເວັນຕົກປະມານ 2 ກິໂລແມັດ.
Cr: ບຸນຕຽງ ຈັນທະວົງ