ສຳເລັດພິທີຮັບສົບຂອງພໍ່ຕູ້ພວງ ໃຊ້ເວລາໄປ-ກັບ 7 ຊົ່ວໂມງ

133

ຈາກຈຸດທີ່ພໍ່ຕູ້ຫລົງໄປໃນປ່າເລີກເທີງພູ 7 ກິໂລ ໃຊ້ເວລາຢ່າງຂື້ນພູ ໄປ-ກັບ 7 ຊົ່ວໂມງພໍດີ ຖືວ່າທີ່ສຸດຂອງຄວາມລຳບາກເສັ້ນທາງລຳບາກຫລາຍ ພາກັນທຸລັກທຸເລອິດເມື່ອຍພໍສົມຄວນ, ມີການພັດຫລົງກັນເປັນບາງຊ່ວງ ແຕ່ກໍຜ່ານຜ່າອຸປະສັກທັງຫລາຍເຫລົ່ານັ້ນມາໄດ້ ພຣະອາຈານພ້ອມດ້ວຍເຈົ້າໜ້າທີ່, ອາສາສະໝັກ ແລະລູກຫລານພໍ່ຕູ້ພວງ ໄດ້ຂື້ນໄປທຳພິທີນຳສົບທີ່ໄຮ້ວີນຍານຂອງພໍ່ຕູ້ລົງມາບຳເພັນກຸສົນທີ່ວັດສີບຸນເຮືອງ ເມືອງສີໂຄດຕະບອງ, ນະຄອນຫຼວງວຽງຈັນ ຢ່າງສົມບູນແບບແລ້ວ

ລູກຫລານໄດ້ເຮັດຢ່າງສຸດຄວາມສາມາດແລ້ວພໍ່ຕູ້ພວງເພາະວ່າຄົນທົ່ວປະເທດ, ທົ່ວໂລກໃຈຈົດໃຈຈໍ່ມີຄວາມຫວັງຂໍໃຫ້ພໍ່ຕູ້ລອດຊີວິດ ແຕ່ສັງຂານບໍ່ທ່ຽງ ເກີດແກ່ເຈັບຕາຍເປັນສັດຈະທັມ ວັນນີ້ຄົບ 4 ເດືອນພໍດີ ນັບແຕ່ມື້ພໍ່ຕູ້ຫລົງໃນປ່າ ທີ່ເຂດນ້ຳປ່ຽນ ສັນພູເຂົາຄວາຍ ເມືອງປາກງື່ມ ນະຄອນຫລວງວຽງຈັນ ແຕ່ກໍຫນ້າເສົ້າໃຈແກ່ຜູ້ເປັນລູກຫລານຍາດຕິພີ່ນ້ອງຂອງເຈົ້າທີ່ໄດ້ຮັບຮູ້ວ່າພໍ່ຕູ້ພວງເສຍຊີວິດແລ້ວໂດຍບໍ່ມີວັນກັບຄືນມາ ຂໍໃຫ້ພໍ່ຕູ້ພວງຈົ່ງໄປສູ່ສຸຂະຕິ

ຂໍ້ມູນຈາກ: ພຣະອາຈານ ດວງຕາ ວົງກົດຣັຕຕະນະ
ວັນທີ 02/02/2021