ສະຫາຍ ທອງລຸນ ສີສຸລິດ ໄດ້ຮັບເລືອກຕັ້ງເປັນເລຂາ ທິການໃຫຍ່ຄະນະບໍລິຫານງານສູນກາງພັກ ສະໄໝທີ XI

157

ກອງປະຊຸມຄັ້ງປະຖົມມະລືກຂອງຄະນະບໍລິຫານງານສູນກາງພັກປະຊາຊົນປະຕິວັດລາວ ສະໄໝທີ XI ເປັນເອກະສັນເລືອກຕັ້ງ ສະຫາຍ ທອງລຸນ ສີສຸລິດ ເປັນເລຂາທິການໃຫຍ່ຄະນະບໍລິຫານງານສູນກາງພັກ ສະໄໝທີ XI, ສະຫາຍ ບຸນທອງ ຈິດມະນີ ເປັນຜູ້ປະຈຳການຄະນະເລຂາທິການສູນກາງພັກ.

ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ ໄດ້ສໍາເລັດລົງຢ່າງຈົບງາມ ໃນວັນທີ 15 ມັງກອນ 2020 ພາຍຫຼັງດຳເນີນກອງປະຊຸມມາເປັນເວລາ 3 ວັນ ພາຍໃຕ້ຄຳຂວັນ “ ຍົກສູງ ຄວາມສາມາດນໍາພາຂອງພັກ, ເພີ່ມທະວີຄວາມສາມັກຄີເປັນປຶກແຜ່ນຂອງປະຊາຊົນໃນຊາດ, ຮັບປະກັນສະຖຽນລະພາບດ້ານການເມືອງຢ່າງໜັກແໜ້ນ, ຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນປ່ຽນການພັດທະນາເສດຖະກິດ – ສັງຄົມ ໄປສູ່ຄຸນນະພາບໃໝ່ຢ່າງແຂງແຮງ, ຍົກລະດັບຄຸນນະພາບຊີວິດຂອງປະຊາຊົນໃຫ້ສູງຂຶ້ນ, ສືບຕໍ່ນຳພາ ປະເທດຊາດພົ້ນຈາກສະຖາ ນະພາບດ້ອຍພັດທະນາ ແລະ ກ້າວສູ່ຈຸດໝາຍສັງຄົມນິຍົມ ”.

ກອງປະຊຸມຄັ້ງນີ້ມີຜູ້ແທນສົມບູນເຂົ້າຮ່ວມທັງໝົດ 768 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກທົ່ວປະເທດ 348.686 ສະຫາຍ ແລະ ແຂກຖືກເຊີນ 147 ສະຫາຍທີ່ຕາງໜ້າໃຫ້ແກ່ພາກສ່ວນຕ່າງໆທັງພາກລັດ ແລະ ເອກະຊົນ ກໍຄືປະຊາຊົນລາວບັນດາເຜົ່າເຂົ້າຮ່ວມ.

ในภาพอาจจะมี 1 คน, ดอกไม้

ກອງປະຊຸມໄດ້ເລືອກຕັ້ງເອົາຄະນະບໍລິຫານງານສູນກາງພັກ ສະໄໝທີ XI ທີ່ປະກອບດ້ວຍກຳມະການສົມບູນສູນກາງພັກ 71 ສະຫາຍ ( ຍິງ 12 ສະຫາຍ ) ແລະ ກຳມະການສຳຮອງສູນກາງພັກ 10 ສະຫາຍ ( ຍິງ 2 ສະຫາຍ ) ເພື່ອເປັນແກ່ນສານນໍາພາທົ່ວພັກ, ທົ່ວລັດ, ທົ່ວກໍາລັງປະກອບອາວຸດ ແລະ ທົ່ວປວງຊົນ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ ໃຫ້ມີຜົນສໍາເລັດໃໝ່, ສ້າງບາດກ້າວບຸກທະລຸໃນການພັດທະນາໃຫ້ເປັນຈິງ ແລະ ນໍາພາປະເທດຊາດກ້າວຂຶ້ນຢ່າງໜັກແໜ້ນຕໍ່ໄປ.

ในภาพอาจจะมี 2 คน, ผู้คนอยู่บนเวที, ผู้คนกำลังยืน และสถานที่ในร่ม

ກອງປະຊຸມຄັ້ງປະຖົມມະລືກຂອງຄະນະບໍລິຫານງານສູນກາງພັກ ສະໄໝທີ XI ທີ່ດຳເນີນໃນຕອນເຊົ້າວັນທີ 15 ມັງກອນ 2021 ໄດ້ເລືອກຕັ້ງກົມການເມືອງສູນກາງພັກ, ເລຂາທິການໃຫຍ່ຄະນະບໍລິຫານງານສູນກາງພັກ, ຄະນະເລຂາທິການສູນກາງພັກ, ຜູ້ປະຈໍາການຄະນະເລຂາທິການສູນກາງພັກ. ພ້ອມນັ້ນ, ກໍເລືອກຕັ້ງເອົາປະທານ, ຮອງປະທານຄະນະກວດກາສູນກາງພັກ ດັ່ງນີ້:

ກົມການເມືອງສູນກາງພັກປະກອບມີ 13 ສະຫາຍ

1. ສະຫາຍ ປອ ທອງລຸນ ສີສຸລິດ

2. ສະຫາຍ ປອ ພັນຄໍາ ວິພາວັນ

3. ສະຫາຍ ນາງ ປານີ ຢາທໍ່ຕູ້

4. ສະຫາຍ ປອ ບຸນທອງ ຈິດມະນີ

5. ສະຫາຍ ປອ ໄຊສົມພອນ ພົມວິຫານ

6. ສະຫາຍ ພົນເອກ ຈັນສະໝອນ ຈັນຍາລາດ

7. ສະຫາຍ ປອ ຄໍາພັນ ພົມມະທັດ

8. ສະຫາຍ ປອ ສິນລະວົງ ຄຸດໄພທູນ

9. ສະຫາຍ ສອນໄຊ ສີພັນດອນ

10. ສະຫາຍ ສຈ ປອ ກິແກ້ວ ໄຂຄໍາພິທູນ

11. ສະຫາຍ ພົນໂທ ວິໄລ ຫຼ້າຄໍາຟອງ

12. ສະຫາຍ ນາງ ສີໃສ ລືເດດມູນສອນ

13. ສະຫາຍ ສະເຫຼີມໄຊ ກົມມະສິດ

ຄະນະເລຂາທິການສູນກາງພັກ ປະກອບມີ 9 ສະຫາຍ

1. ສະຫາຍ ປອ ທອງລຸນ ສີສຸລິດ

2. ສະຫາຍ ປອ ບຸນທອງ ຈິດມະນີ

3. ສະຫາຍ ປອ ຄໍາພັນ ພົມມະທັດ

4. ສະຫາຍ ນາງ ສີໃສ ລືເດດມູນສອນ

5. ສະຫາຍ ປອ ຄໍາພັນ ເຜີຍຍະວົງ

6. ສະຫາຍ ປອ ອານຸພາບ ຕຸນາລົມ

7. ສະຫາຍ ຮສ ປອ ທອງສະລິດ ມັງໜໍ່ເມກ

8. ສະຫາຍ ປອ ນາງ ສູນທອນ ໄຊຍະຈັກ

9. ສະຫາຍ ປອ ນາງ ວຽງທອງ ສີພັນດອນ

ກອງປະຊຸມເລືອກຕັ້ງເອົາ ສະຫາຍ ປອ ບຸນທອງ ຈິດມະນີ ເປັນຜູ້ປະຈຳການຄະນະເລຂາທິການສູນກາງພັກ.

ກອງປະຊຸມຄັ້ງປະຖົມມະລືກຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປັນເອກະສັນກັນຢ່າງສົມບູນ ເລືອກຕັ້ງ ສະຫາຍ ປອ ທອງລຸນ ສີສຸລິດ ເປັນເລຂາທິການໃຫຍ່ຄະນະບໍລິຫານງານສູນກາງພັກ ສະໄໝທີ XI.

ກອງປະຊຸມໄດ້ເລືອກຕັ້ງເອົາປະທານ ແລະ ຮອງປະທານຄະນະກວດກາສູນກາງພັກ; ໃນນັ້ນເຫັນດີເປັນເອກະພາບເລືອກເອົາ ສະຫາຍ ປອ ຄໍາພັນ ພົມມະທັດ ເປັນປະທານຄະນະກວດກາສູນກາງພັກ ແລະ ເລືອກຮອງປະທານຄະນະກວດກາສູນກາງພັກ 6 ສະຫາຍ ດັ່ງນີ້:

1. ສະຫາຍ ວິໄລວັນ ບຸດດາຄຳ

2. ສະຫາຍ ສີໄນ ມຽງລາວັນ

3. ສະຫາຍ ສຸກຄຳເພັດ ເຮືອງບຸດສີ

4. ສະຫາຍ ດາວບົວລະພາ ບາວົງເພັດ

5. ສະຫາຍ ໄຊຄຳ ອຸ່ນມີໄຊ

6. ສະຫາຍ ວັນໄຊ ຊົງຊາຢູ