JDB ມອບເງິນ 800 ລ້ານກີບ ຊຸກຍູ້ກອງປະຊຸມໃຫຍ່ ຄັ້ງທີ XI ຂອງພັກ ທີ່ຈະຈັດຂຶ້ນ 13​-15 ມັງກອນນີ້

412

ທະນາຄານຮ່ວມພັດທະນາ ຫຼື JDB ໄດ້​ມອບ​ເງິນ​ປະກອບສ່ວນ​ຊຸກຍູ້​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ​ຄັ້ງ​ທີ XI ຂອງ​ພັກ ​ປະຊາຊົນ ​ປະຕິວັດ​ລາວ ທີ່​ຈະ​ເປີດ​ຂຶ້ນ​ໃນ​ລະຫວ່າງ​ວັນ​ທີ 13-15 ມັງກອນ 2021

ພິທີ​ມອບ​-​ຮັບ​ເງິນ​ດັ່ງກ່າວ​ ໄດ້​ຈັດ​ຂຶ້ນ​ໃນ​ວັນ​ທີ 7 ມັງກອນ 2021 ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ ຕາງໜ້າ​ໃຫ້​ພັກ ແລະ ລັດຖະບານ​ ກ່າວ​ຮັບ​ໂດຍ​ ທ່ານ ສົມ​ດີ ດວງດີ ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​ການເງິນ ແລະ ມອບໂດຍ ທ່ານ ເອກະພັນ ພະພິທັກ ປະທານສະພາບໍລິຫານທະນາຄານຮ່ວມພັດທະນາ

ທ່ານ ສົມດີ ດວງດີ ໄດ້ສະແດງຄວາມຂອບໃຈ ແລະ ຊົມເຊີຍມາຍັງ ທ່ານປະທານ ທະນາຄານຮ່ວມພັດທະນາທີ່ໄດ້ມີສ່ວນຮ່ວມມີຄວາມຕື່ນຕົວສູງປະກອບສ່ວນຊຸກຍູ້ ກອງປະຊຸມໃຫຍ່ຂອງພັກຕະຫຼອດມາ ຍາມໃດກໍ່ໄດ້ເຮັດພາລະກິດເພື່ອປະເທດຊາດ ແລະ ສັງຄົມ ໄດ້ຊຸກຍູ້ກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ່ XI ຂອງພັກປະຊາຊົນ ປະຕິວັດລາວໃນຄັ້ງນີ້ ແລະ ຈາກນັ້ນ ທ່ານ ເອກະພັນ ພະພິທັກ ກໍ່ໄດ້ສະແດງຂອບໃຈ ແລະ ສະແດງຄວາມຍິນດີ ທີ່ໄດ້ສ້າງຜົນງານປະກອບສ່ວນ ຍຸກຍູ້ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ່ XI ຂອງພັກປະຊາຊົນ ປະຕິວັດລາວ ໃຫ້ປະກົດຜົນເປັນຈິງ