7 ໜ້າວຽກ ໂຄງການ GMS1 ຢູ່ແຂວງ ສະຫວັນນະເຂດກໍ່ສ້າງສຳເລັດ 100%

209

ໂຄງການ GMS1 ປະກອບດ້ວຍ 7 ໜ້າວຽກ ກວມເອົາ 3 ຕົວເມືອງຂອງ ແຂວງສະຫວັນນະເຂດ ໄດ້ເລີ່ມລົງມືຈັດຕັ້ງປະຕິບັດ ແຕ່ປີ 2013 ມາຮອດປະຈຸບັນ ໄດ້ລົງມືກໍ່ສ້າງສຳ ເລັດ 100%; ສ່ວນໜ້າ ວຽກທີ່ຍັງເຫຼືອປະກອບມີ ວຽກປິດສະໜາມຂີ້ ເຫຍື້ອເກົ່າ, ວຽກຝຶກອົບຮົມພະນັກງານ ແລະ ຜູ້ເກັບຂີ້ເຫຍື້ອ, ຝຶກອົບຮົມ ການນຳໃຊ້ກົນຈັກ.

ຄະນະຊີ້ນຳໂຄງການ (PSC) ໄດ້ຈັດກອງປະຊຸມເພື່ອສະຫຼຸບລາຍງານການຈັດ ຕັ້ງປະຕິບັດປະຈຳປີ 2020 ແລະວາງແຜນການໃນປີ 2021 ສຳລັບໂຄງການພັດ ທະນາຕົວເມືອງຕາມແລວ ເສດຖະກິດຕາເວັນອອກ-ຕາເວັນຕົກອະນຸພາກພື້ນແມ່ ນ້ຳຂອງ ເງິນກູ້ຍືມເລກທີ 2931 ແລະເງິຊ່ວຍເຫຼືອລ້າເລກທີ 0313/0314(ໂຄງການ GMS1) ຂຶ້ນໃນທ້າຍອາທິດຜ່ານມາ ທີ່ຫ້ອງປະຊຸມຫ້ອງວ່າການປົກຄອງແຂວງສະຫວັນນະເຂດກອງປະຊຸມມີຂຶ້ນ ພາຍໃຕ້ການເປັນປະທານຂອງທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດ ທັງເປັນປະທານຄະນະຊີ້ນຳໂຄງ ການຂັ້ນແຂວງ, ມີທ່ານ ນາງ ມະນີຈັນ ຊະນະນິຄົມ ຕາງໜ້າ ກົມເຄຫາຜັງເມືອງ ກະຊວງໂຍທາທິການ ແລະ ຂົນສົ່ງ, ບັນດາທ່ານຄະນະຊີ້ນຳໂຄງ ການ, ພະແນກ ຍທຂ ແຂວງ, ຫ້ອງການປະສານງານ, ຄະ ນະຄຸ້ມຄອງໂຄງການ, ທີ່ປຶກ ສາໂຄງການ, ການນຳເມືອງ ເຊໂປນ, ເມືອງພີນ, ນະ ຄອນໄກສອນພົມວິຫານ, ບັນດາບໍລິສັດຜູ້ຮັບເໝົາກໍ່ສ້າງຂອງ ໂຄງການ ແລະພາກສ່ວນກ່ຽວຂ້ອງເຂົ້າຮ່ວມ.

ທ່ານ ທ່ອນແກ້ວ ພຸດທະໄກຍະລາດ ກ່າວວ່າ: ໃນກອງປະຊຸມຄັ້ງນີ້, ພວກເຮົາຈະໄດ້ທົບທວນຄືນຜົນການຈັດຕັ້ງປະຕິບັດໂຄງການ GMS1 ແລະນຳບັນຫາທີ່ຍັງຄ້າງຄາ ມາປຶກສາຫາລື ເພຶ່ອຫາຊ່ອງທາງແກ້ໄຂ ທັງນີ້ກໍເພື່ອເຮັດ ໃຫ້ວຽກໂຄງການດຳເນີນໄປຕາມແຜນການ ແລະສຳເລັດ ຕາມຄາດໝາຍທີ່ວາງໄວ້.

Image may contain: sky, cloud, ocean, plant, tree, outdoor, nature and water

ໂຄງການດັ່ງກ່າວໄດ້ເລີ່ມ ລົງມືແຕ່ປີ 2013 ມາຮອດ ປັດຈຸບັນນີ້ເຫັນວ່າ 7 ໂຄງ ການຍ່ອຍໄດ້ລົງມືກໍ່ສ້າງສຳ ເລັດ 100% ແລະຢູ່ໃນໄລຍະ ຄໍ້າປະກັນ 1 ປີ, ເມື່ອ 7 ໂຄງການຍ່ອຍນີ້ສໍາເລັດມັນ ໄດ້ເຮັດໃຫ້ຕົວເມືອງມີຄວາມ ສວຍງາມ ແລະອຳນວຍຄວາມ ສະດວກໃຫ້ແກ່ການຈະລາ ຈອນໄປມາຫາສູ່ ແລະສົ່ງເສີມ ທ່ອງທ່ຽວພາຍໃນແຂວງ, ທ່ານ ຮອງເຈົ້າແຂວງກ່າວ.

ຈາກນັ້ນທ່ານ ພົມມາ ວົງພະຈິດ ຫົວໜ້າໂຄງການ GMS1 ໄດ້ລາຍງານໃຫ້ຮູ້ວ່າ: ໂຄງການ GMS1 ເປັນ ໂຄງການເງິນກູ້ຢືມ ແລະຊ່ວຍ ເຫຼືອລ້າຈາກທະນາຄານພັດ ທະນາອາຊີ ມີມູນຄ່າທັງໝົດ 47.740.000 ໂດລາ, ໜ້າວຽກ ທີ່ປະຕິບັດລວມມີ 7 ໜ້າວຽກ, ກວມເອົາໃນ 3 ຕົວເມືອງຂອງ ແຂວງສະຫວັນນະເຂດຄື: ນະຄອນໄກສອນພົມວິຫານ, ເທສະບານເມືອງພີນ ແລະ ບ້ານແດນສະຫວັນເມືອງເຊ ໂປນ. ມາຮອດປະຈຸບັນການຈັດ ຕັ້ງປະຕິບັດແຜນຍຸດທະສາດການພັດທະນາເສດຖະກິດ-ສັງຄົມທ້ອງຖິ່ນ ສຳເລັດແລ້ວ 100%; ແຜນການພັດທະນາ ຂີດຄວາມສາມາດບຸກຄະລາກອນສຳເລັດ 91,14%, ການ ຈັດຕັ້ງປະຕິບັດໂຄງການຍ່ອຍ ສຳເລັດ 100%.

ສ່ວນໜ້າ ວຽກທີ່ຍັງເຫຼືອປະກອບມີ ວຽກປິດສະໜາມຂີ້ເຫຍື້ອເກົ່າ, ວຽກຝຶກອົບຮົມພະນັກງານ ແລະ ຜູ້ເກັບຂີ້ເຫຍື້ອ, ຝຶກອົບຮົມ ການນຳໃຊ້ກົນຈັກ ແລະອຸປະ ກອນຕ່າງໆ, ຜູ້ຄຸ້ມຄອງ ແລະ ບໍລິຫານສະໜາມຂີ້ເຫຍື້ອແມ່ນ ຍັງບໍ່ທັນໄດ້ຖືກແຕ່ງຕັ້ງເທື່ອ, ສຳລັບບັນຫາທີ່ນຳສະເໜີ ແລະປຶກສາຫາລືປະກອບມີ: ວຽກຄຸ້ມຄອງ ແລະບໍລິຫານ ສວນສາທາລະນະແຄມຂອງ-ສວນສາທາລະນະໄກສອນ ພົມວິຫານ, ວຽກຄຸ້ມຄອງ ແລະບໍລິຫານສະຖານີປ້ຳດູດ ນ້ຳຫ້ວຍລົງກົງ; ວຽກຄຸ້ມຄອງ ແລະບໍລິຫານໜອງບຳບັດ ນ້ຳເປື້ອນຫ້ວຍລົງກົງ ແລະ ການປ່ອຍນ້ຳເປື້ອນຂອງ ຮ້ານອາຫານ “ຮ້ານຊີ້ນດາດ” ຊຶ່ງເອກະຊົນໄດ້ສຳປະທານ ສາລາຊົມວິວແຄມຂອງແລະ ໄດ້ປ່ອຍນ້ຳໃຊ້-ນ້ຳເປື້ອນລົງ ພື້ນອາຄານ ຊຶ່ງອາດເຮັດໃຫ້ ນຳໄປສູ່ການໄຫຼໜີຂອງຊັ້ນຊາຍທີ່ຖົມໄວ້ ແລະອາດເຮັດໃຫ້ພື້ນຂອງສວນສາທາລະນະ ແລະສະຫຼົບກັນເຈື່ອນອາດ ຍຸບຕົວ ແລະຖະຫຼົ່ມລົງໄດ້ໃນ ອະນາຄົດ ໂດຍທາງທີ່ປຶກສາ ແມ່ນໄດ້ເຮັດບົດລາຍງານຫາ ເຈົ້າຂອງໂຄງການແລ້ວ ເພື່ອຫາທາງແກ້ໄຂດ່ວນ.

ນອກນີ້, ໃນທີ່ປະຊຸມ ຍັງໄດ້ປຶກສາຫາລືໃນວຽກງານສຳຄັນອື່ນໆທີ່ກ່ຽວຂ້ອງ ແນໃສ່ເພື່ອເຮັດໃຫ້ການຈັດຕັ້ງປະຕິບັດໂຄງການ GMS1 ບັນລຸຜົນສຳເລັດຕາມແຜນການລະດັບຄາດໝາຍ ແລະມີປະສິດທິຜົນສູງ.