ທະນາຄານຮ່ວມພັດທະນາ ມອບພັນທະອາກອນປະຈໍາປີ 2020 ຈໍານວນ 26 ຕື້ ກວ່າກີບ

316

ໃນຕອນບ່າຍຂອງວັນທີ່ 30 ທັນວາ 2020 ທີ່ກົມສ່ວຍສາອາກອນ ກະຊວງການເງິນ ໄດ້ມີພິທີມອບອາກອນ ຈາກຜົນປະກອບການດໍາເນີນທຸລະກິດຂອງທະນາຄານຮ່ວມພັດທະນາຫຼື JDB ປີ 2020 ຈໍານວນ 26,786,310,237 ກີບ ເປັນກ່ຽດເຂົ້າຮ່ວມໃນພິທີດັ່ງກ່າວມີ ທ່ານ ເອກະພັນ ພະພິທັກ ປະທານສະພາບໍລິຫານ ທະນາຄານຮ່ວມພັດທະນາ, ໂດຍການກ່າວມອບໂດຍ ທ່ານ ວິໄລ ສີພະພອນ ຜູ້ອໍານວຍການໃຫຍ່ ທະນາຄານຮ່ວມພັດທະນາ ແລະ ກ່າວຮັບໂດຍ ທ່ານ ປອ ພູທະນູເພັດ ໄຊສົມບັດ ຫົວໜ້າກົມຊ່ວຍສາອາກອນ ກະຊວງການເງິນ, ມີຄະນະກົມກະຊວງການເງິນ ແລະຄະນະຜູ້ບໍລິຫານ ທະນາຄານຮ່ວມພັດທະນາ ກໍ່ໄດ້ເຂົ້າຮ່ວມເປັນສັກຂີພະຍານໃນຄັ້ງນີ້

ການມອບພັນທະອາກອນ ຂອງທະນາຄານຮ່ວມພັດທະນາ ໃນຄັ້ງນີ້ ເປັນຈໍານວນເງິນ ໃນລະດັບຕົ້ນໆ ຂອງທະນາຄານທຸລະກິດ ໃນ ສປປ ລາວ ເຊີ່ງສະທ້ອນໃຫ້ເຫັນ ການຕື່ນຕົວ ໃນການມອບພັນທະ ໃນນັ້ນມີອາກອນກໍາໄລລ່ວງໜ້າ ງວດ 2 ຈໍານວນ 14 ຕື້ ກີບ. ເປັນການປະຕິບັດພັນທະຢ່າງເອົາໃຈໃສ່ ຂອງທະນາຄານຮ່ວມພັດທະນາ ໃນການປະກອບສ່ວນ ເຂົ້າໃນການພັດທະນາເສດຖະກິດຂອງລາວ ສະໜັບສະໜູນຊ່ວຍເຫຼືອສັງຄົມຕະຫຼອດມາ, ພາຍໃຕ້ການຊີ້ນໍາ ຢ່າງໄກ້ຊິດຈາກພັກລັດ ກໍ່ຄືທະນາຄານແຫ່ງສປປລາວ ເຮັດໃຫ້ທະນາຄານຮ່ວມພັດທະນາ ໄດ້ຮັບຄວາມເຊື່ອໝັ້ນຈາກສັງຄົມ ໃນທົ່ວປະເທດ ແລະ ການຕັດສິນໃຈສູງ ຂອງຄະນະຜູ້ບໍລິຫານ ທີ່ກ້າລົງທຶນໃສ່ການພັດທະນາ ໃຫ້ກາຍເປັນທະນາຄານທີ່ທັນສະໄໝ ໄດ້ທຸ້ມເທເຫື່ອແຮງ ສະຕິປັນຍາ ພັດທະນາ ທະນາຄານ JDB ໃຫ້ມີການເຕີບໃຫຍ່ ຂະຫຍາຍຕົວ ແລະ ບໍລິການລູກຄ້າ ດ້ວຍມາດຕະຖານສາກົນ

ເພື່ອເປັນການຕ້ອນຮັບປີໃໝ່ ສົ່ງທ້າຍປີເກົ່າ ທະນາຄານຮ່ວມພັດທະນາ ກໍ່ໄດ້ມີການປະກອບສ່ວນ ເຂົ້າໃນການຊ່ວຍເຫຼືອສັງຄົມຢ່າງຕໍ່ເນື່ອງ ຂໍອວຍພອນໄຊ ມາຍັງການນໍາ ພັກ-ລັດ ແລະ ລູກຄ້າທຸກຄົນຈົ່ງມີສຸຂະພາບເຂັັ້ມແຂງ ມີຄວາມສໍາເລັດໃນໜ້າທີ່ການງານຂອງທ່ານ JDB ມີຄວາມພາກພູມໃຈ ທີ່ໄດ້ມີໂອກາດໄດ້ຮັບໃຊ້ສັງຄົມ ໄດ້ຮັບການສະໜັບສະໜູນຈາກສັງຄົມ ແລະ ເປັນກໍາລັງໃຈໃຫ້ຕະຫຼອດມາ ຈື່ງເຮັດໃຫ້ ທະນາຄານຮ່ວມພັດທະນາ ມີຜົນການດໍາເນິນທຸລະກິດທີ່ເຕີບໃຫຍ່ຂະຫຍາຍຕົວ ຢ່າງບໍ່ຢຸດຢັ້ງ ແລະ ມີຜົນກຳໄລ ຢ່າງໜ້າເຜີ່ງພໍໃຈ

ປັດຈຸບັນ ທະນາຄານຮ່ວມພັດທະນາ ໄດ້ຮ່ວມມືກັບຫຼາຍອົງກອນ ແລະ ຫລາຍບໍລິສັດ ເພື່ອບໍລິການດ້ານການເງິນ ທີ່ຄົບວົງຈອນ ໃຫ້ກັບລູກຄ້າທຸກລະດັບ ຢ່າງເທົ່າທຽມກັນ ປະຕິບັດນະໂບຍາຍ ຕ່າງຝ່າຍ ມີຜົນປະໂຫຍດ ຕາມຄໍາຂັວນ ທີ່ວ່າ “ເຕີບໃຫຍ່ໄປພ້ອມກັນ“