ແຂວງສາລະວັນ ເຊັນ 3 ບົດບັນທຶກຄວາມເຂົ້າໃຈ ເພື່ອການພັດທະນາແຫຼ່ງທ່ອງທ່ຽວ ແລະ ສາງສິນຄ້າ

406

ໃນວັນທີ 13 ພະຈິກ 2020 ນີ້ ໄດ້ມີພິທີເຊັນບົດບັນທຶກຄວາມເຂົ້າໃຈ ເພື່ອສຶກສາສຳຫຼວດຄວາມເປັນໄປໄດ້ເບື້ອງຕົ້ນໂຄງການພັດທະນາ ອຸທິຍານພູຜາສຸກ ເພື່ອພັດທະນາເປັນແຫຼ່ງທ່ອງທ່ຽວແບບອະນຸລັກທຳມະຊາດຄົບວົງຈອນ; ບົດບັນທຶກຄວາມເຂົ້າໃຈ ເພື່ອສຶກສາສຳຫຼວດຄວາມເປັນໄປໄດ້ເບື້ອງຕົ້ນ ເພື່ອກໍ່ສ້າງ ແລະ ພັດທະນາສາງບໍລິການສິນຄ້າຜ່ານແດນຄົບວົງຈອນຢູ່ດ່ານປາກຕະພານ ເຂດຫົວຂົວແມ່ນ້ຳຂອງ ແຫ່ງທີ່ 6 ເມືອງລະຄອນເພັງ, ແຂວງສາລະວັນ ແລະ ບົດບັນທຶກຄວາມເຂົ້າໃຈເພື່ອສຶກສາສຳຫຼວດຄວາມເປັນໄປໄດ້ເບື້ອງຕົ້ນ ເພື່ອກໍ່ສ້າງ ແລະ ພັດທະນາສາງສິນຄ້າຜ່ານແດນຄົບວົງຈອນ ທີ່ດ່ານສາກົນລະໄລເມືອງສະໝ້ວຍ, ແຂວງສາລະວັນ.

ໃຫ້ກຽດເຂົ້າຮ່ວມໃນພິທີເຊັນສັນຍາໂດຍ ທ່ານ ວິຊຽນ ນະວິກຸນ ຄະນະປະຈຳພັກແຂວງ ຮອງເຈົ້າແຂວງໆສາລະວັນ ຜູ້ຊີ້ນໍາວຽກງານເສດຖະກິດ, ທ່ານ ພູທົງ ຄຳມະນີວົງ ຄະນະປະຈຳພັກແຂວງ ຮອງເຈົ້າແຂວງໆສາລະວັນ ຜູ້ຊີ້ນໍາວຽກງານວັດທະນະທຳ-ສັງຄົມ, ທ່ານ ຄະນະສົ່ງເສີມ ແລະ ຄຸ້ມຄອງການລົງທຶນ ແຂວງສາລະວັນ ພ້ອມດ້ວຍຕ່າງໜ້າພະແນກແຜນການ ແລະ ການລົງທຶນ, ພະແນກຖະແຫຼ່ງຂ່າວວັດຖະນະທຳ ແລະ ທ່ອງທ່ຽວ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ, ພະແນກອຸດສະຫາກຳ ແລະ ການຄ້າ, ອົງການປົກຄອງເມືອງສາລະວັນ, ອົງການປົກຄອງເມືອງສະໝ້ວຍ ແລະ ອົງການປົກຄອງເມືອງລະຄອນເພັງ ກັບ ບໍລິສັດ ພີເອັດສແອວ ເຊີວິດ ຈຳກັດຜູ້ດຽວ ແລະ ບໍລິສັດເທບວົງສາ ພາວເວີ ຈຳກັດ.