JDB ມອບເງີນ 50 ລ້ານກີບ ຊຸກຍູ້ກອງປະຊຸມໃຫຍ່ຜູ້ແທນອົງຄະນະພັກ ນະຄອນຫຼວງວຽງຈັນ

406

ໃນວັນທີ 29 ຕຸລາ 2020 ຢູ່ທີ່ຫໍປະຊຸມແຫ່ງຊາດ, ທະນາຄານຮ່ວມພັດທະນາ ຫຼື JDB ໄດ້ມອບເງິນຈໍານວນ 50 ລ້ານກີບ ຊຸກຍູ້ກອງປະຊຸມໃຫຍ່ຜູ້ແທນ ອົງຄະນະພັກ ນະຄອນຫຼວງວຽງຈັນ ຄັ້ງທີ VII ກ່າວມອບໂດຍ ທ່ານ ວິໄລ ສີພະພອນ ຜູ້ອໍານວຍການໃຫຍ່ ພ້ອມດ້ວຍຄະນະຜູ້ບໍລິຫານ ທະນາຄານຮ່ວມພັດທະນາ ແລະ ກ່າວຮັບໂດຍ ທ່ານ ປອ. ອາດສະພັງທອງ ສີພັນດອນ ຮອງເຈົ້າຄອງນະຄອນຫຼວງວຽງຈັນ ແລະ ການນໍາ ນະຄອນຫຼວງວຽງຈັນ ກໍ່ໄດ້ເຂົ້າຮ່ວມເປັນສັກຂີພະຍານ

ເພື່ອເປັນການປະກອບສ່ວນຊຸກຍູ້ ກອງປະຊຸມໃຫຍ່ ຜູ້ແທນອົງຄະນະພັກ ນະຄອນຫຼວງວຽງຈັນ ຄັ້ງທີ່ VII ໃຫ້ມີຜົນສໍາເລັດ, ດ້ວຍບັນຍາກາດທີ່ຟົດຟື້ນ ແລະ ມີເນື້ອໃນສໍາຄັນເລິກເຊີ່ງ, ພາຍຫຼັງດໍາເນີນມາແຕ່ວັນທີ 28-29 ຕຸລາ 2020 ໂດຍການເປັນປະທານຂອງ ທ່ານ ສີນລະວົງ ຄຸດໄພທູນ ກໍາມະການກົມການເມືອງ ສູນກາງພັກ, ເລຂາຄະນະພັກ, ເຈົ້າຄອງນະຄອນຫຼອງວຽງຈັນ, ໃຫ້ກຽດເຂົ້າຮ່ວມ ມີພະນະທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ, ມີບັນດາຜູ້ແທນສົມບູນ ທົ່ວອົງຄະນະພັກ ນະຄອນຫຼວງວຽງຈັນ ຈໍານວນ 357 ທ່ານ, ຍິງ 53 ທ່ານ. ເຊີ່ງເປັນຕົວແທນ ໃຫ້ສະມາຊິກພັກ ທົ່ວນະຄອນຫຼວງວຽງຈັນ ຈໍານວນ 21,800 ຄົນ ເຂົ້າຮ່ວມ

ໃນກອງປະຊຸມ ບັນດາຜູ້ແທນສົມບູນ ໄດ້ພ້ອມກັນຄົ້ນຄວ້າປະກອບຄໍາຄິດຄໍາເຫັນ ຢ່າງເລິກເຊິ່ງ ແລະ ເປັນເອກະສັນ ຮັບຮອງເອົາບົດລາຍງານການເມືອງ ແລະ ແຜນພັດທະນາເສດຖະກິດ-ສັງຄົມ ຂອງນະຄອນຫຼວງວຽງຈັນ, ຮັບຮອງເອົາບົດສໍາຫຼວດການນໍາພາ ຂອງຄະນະບໍລິຫານງານພັກ ນະຄອນຫຼວງວຽງຈັນ ສະໄໝ VI ແລະ ຮັບຮອງເອົາ 3 ທັດສະນະ, 4 ທິດທາງ ແລະ 19 ຄາດໝາຍໃຫຍ່, 8 ແຜນງານ, ໂຄງການບຸກທະລຸ ແລະ 9 ໜ້າທີ່ສໍາຄັນ ຂອງການພັດທະນານະຄອນຫຼວງວຽງຈັນ ໃນໄລຍະ 5 ປີຕໍ່ໜ້າ, ສ້າງນະຄອນຫຼວງວຽງຈັນ ໃຫ້ເປັນຫົວໜ່ວຍຍຸດທູສາດທີ່ເຂັ້ມແຂງ ເປັນສູນກາງການເມືອງຂອງປະເທດ ເປັນໃຈກາງທາງດ້ານການເມືອງ, ເສດເສດຖະກິດ, ວັດທະນະທໍາ-ສັງຄົມ, ຄວາມອັດສະລິຍະ, ວິທະຍາສາດເຕັກໂນໂລຊີ, ການເຊື່ອມໂຍງກັບສາກົນ ແລະ ເປັນສູນລວມຈິດໃຈ ຂອງປະຊາຊົນລາວທັງຊາດ