ສະກາຍຊຸບເປີມາກເກັດ ໄດ້ເປີດສາຂາໃໝ່ ຢູ່ບ້ານສະພັງມຶກ ນະຄອນຫຼວງວຽງຈັນ.

600

ບໍລິສັດສະກາຍຊຸບເປີມາເກັດເປັນໜຶ່ງໃນການຈຳໜ່າຍເຄື່ອງຍ່ອຍອຸປະໂພກບໍລິໂພກ ແລະເຄື່ອງໃຊ້ຄົວເຮືອນອຸປະກອນອື່ນໆການບໍລິການຂາຍວ່ອງໄວດ້ວຍລະບົບການຊຳລະທັນສະໄໝ ແລະມີກິດຈະກຳສົ່ງເສີມການຂາຍດ້ວຍສ່ວນຫຼຸດທຸກເດືອນ ແລະ ທຸກເທສະການໃຫ້ແກ່ລູກຄ້າ. ປັດຈຸບັນ ໄດ້ກຽມເປີດສາຂາໃໝ່ພ້ອມມີສິນຄ້າສ່ວນຫຼຸດຫຼາຍຢ່າງ.

  ທ່ານ ນາງ ຫຼ້າພາວັນ ອິນເມືອງໄຊ ຜູ້ບໍລິຫານບໍລິສັດ ສະກາຍຊຸບເປີມາເກັດ ໃຫ້ສຳພາດວ່າບໍລິສັດສະກາຍຊຸບເປີມາເກັດສ້າງຕັ້ງຂຶ້ນປີ 2015 ຊຶ່ງໃຫ້ບໍລິການລູກຄ້າທຸກກຸ່ມລວມທັງພາຍໃນ ແລະ ຕ່າງປະເທດເປັນຮ້ານຄ້າສະດວກຊື້ ດ້ວຍເຄື່ອງມືທັນສະໄໝໃນການຂາຍໃຊ້ລະບົບຄອມພີວເຕີ ຊຳລະບໍລິການໃຊ້ຈ່າຍ.

ພ້ອມນັ້ນ, ຍັງໄດ້ເນັ້ນການບໍລິການຂາຍໃຫ້ມີຄວາມວ່ອງໄວໃຫ້ຄວາມໜັ້ນໃຈແກ່ລູກຄ້າ ແລະ ຕັ້ງລາຄາສິນຄ້າຢູ່ໃນຄວາມເໝາະສົມເພື່ອໃຫ້ເປັນຈຸດເດັ່ນຂອງຜະລິດຕະພັນພາຍໃນຮ້ານປະຈຸ ບັນມີ 4 ສາຂາຄືສາຂາສູນການຄ້າລາວໄອເຕັກສາຂາຕັ້ງຢູ່ສີໄຄສາຂາແຂວງສະຫວັນນະເຂດ ລະ ສາຂາສະພັງມຶກ.

   ປັດຈຸບັນ ສາຂາໃໝ່ແມ່ນຕັ້ງຢູ່ບ້ານສະພັງມຶກ ນະຄອນຫຼວງວຽງຈັນ ໄດ້ມີຄວາມພ້ອມແລ້ວໃນວັນທີ 28 ສິງຫາ 2020 ແມ່ນໄດ້ເລີ່ມເປີດບໍລິການໄດ້ມີກິດຈະກຳແຈກຂອງຂວັນລາງວັນ ແລະ ມີສິນຄ້າສ່ວນຫຼຸດເກືອບທຸກລາຍການເປັນຕົ້ນເມື່ອຊື້ສິນຄ້າຄົບວົງເງິນ 1 ແສນກີບຂຶ້ນໄປຈະມີບັດສະມາຊິກ VIP ໃຫ້.

ນອກນັ້ນ, ຍັງມີສິນຄ້າສ່ວນຫຼຸດຫຼາຍລາຍການເຊັ່ນເຄື່ອງໃຊ້ເຮືອນຄົວເຄື່ອງດື່ມເຂົ້າໜົມອາຫານ ແລະອື່ນໆພິເສດໄປກວ່ານັ້ນຍັງໄດ້ຈັດກິດຈະກຳໃຫ້ລູກຄ້າກົດພຽງແຕ like, ກົດ share ເຟສບຸກຮ້ານສະກາຍຊຸບເປີມາເກັດ Sky  Supermarket Groupຄົບຮອດ 30 like ແລ້ວບັນທຶກໜ້າຈໍມາແລກເອົານໍ້າດື່ມໄປເລີຍ 1 ແຟັກ ຢູ່ທີ່ຮ້ານສະການຊຸບເປີ້ມາເກັດຂາສາໄອເຕັກມໍ.

ທັງໝົດນີ້, ແມ່ນບໍລິສັດສະກາຍຊຸບເປີມາເກັດເປັນຜູ້ເບິ່ງແຍ່ງບໍລິການຈຳໜ່າຍເຄື່ອງອຸປະໂພກບໍລິໂພກທີ່ໄດ້ຄຸນນະພາບໃຫ້ແກ່ສົງຄົມ ແລະ ສິ່ງທີ່ໂດດເດັ່ນໄປກວ່ານັ້ນ ການສ້າງກິດຈະກຳສິນຄ້າທຸກປະເພດແມ່ນເປັນການຄືນກຳໄລໃຫ້ລູກຄ້າໃນໂອກາດບຸນຫໍ່ເຂົ້າສະຫຼາກຈະມາເຖິງນີ້. ທ່ານໃດຢາກໄດ້ເຄື່ອງໃຊ້ອຸປະກອນໃນລາຄາຖືກກໍ່ໄປເບິ່ງໄດ້ທີ່ຮ້ານສະກາຍຊຸບເປີມາດເກັດສາຂາສະພັງມຶກຕິດຕໍ່ທາງເຟສບຸກຮ້ານສະກາຍຊຸບເປີມາເກັດ.