ໂຕໂຢຕ້າ ເປີດຕົວລົດກະບະ ໄຮລັກສ ຣີໂວ້ ລຸ້ນໃໝ່ ຜ່ານທາງສື່ສັງຄົມອອນລາຍ.

553

ໂຕໂຢຕ້າ ໄດ້ຈັດງານເປີດຕົວລົດກະບະອະເນກປະສົງ ໄຮລັກສ ຣີໂວ້ (Hilux Revo) ລຸ້ນໃໝ່ຫຼ້າສຸດເມື່ອວັນທີ 31 ກໍລະກົດ 2020 ທີ່ຜ່ານມາທີ່ຫ້ອງຂາຍໂຕໂຢຕ້າ ສາຂາທົ່ງຂັນຄຳ ໂດຍເປັນການຈັດງານເປີດຕົວລົດຮູບແບບໃໝ່ຜ່ານທາງສື່ສັງຄົມອອນລາຍ. ທ່ານ ມາຊາອາກິ ຄາວາບາຕະ, ອຳນວຍການຂອງ ບໍລິສັດ ໂຕໂຢຕ້າ ລາວ ຈຳກັດ ກ່າວວ່າ: ຂ້າພະເຈົ້າຂໍສະແດງຄວາມຍ້ອງຍໍຊົມເຊີຍຕໍ່ທຸກໆພາກສ່ວນທີ່ກ່ຽວຂ້ອງຮ່ວມກັນປະກອບສ່ວນເຂົ້າໃນການປ້ອງກັນ ແລະ ຄວບຄຸມການແຜ່ລະບາດຂອງພະຍາດໂຄວິດ-19. ດ້ວຍເຫດນີ້, ບໍລິສັດຈຶ່ງຕັດສິນໃຈຈັດງານເປີດຕົວລົດ ໂຕໂຢຕ້າ ໄຮລັກສ ຣີໂວ້ ລຸ້ນໃໝ່ຫຼ້າສຸດ ໂດຍຜ່ານທາງສື່ສັງຄົມອອນລາຍເພື່ອປະຕິບັດຕາມມາດຕະການປ້ອງກັນການແຜ່ລະບາດຂອງເຊື້ອພະຍາດໂຄວິດ-19, ຫຼີກລຽງການຊຸມນຸມກັນຂອງຄົນຈຳນວນຫຼາຍ.

ໂຕໂຢຕ້າ ໄຮລັກສ ຣີໂວ້ ແມ່ນລົດກະບະອະເນກປະສົງທີ່ຄອງອັນດັບໜຶ່ງຂອງຕະຫຼາດໃນ ສປປ ລາວ ເປັນເວລາຫຼາຍປີ ເຊິ່ງພວກເຮົາມີຄວາມພາກພູມໃຈຫຼາຍທີ່ຈະເປີດຕົວລົດລຸ້ນໃໝ່ທີ່ທຸກທ່ານລໍຄອຍມາພ້ອມກັບເຕັກໂນໂລຊີຂອງໂຕໂຢຕ້າທີ່ເປັນນະວັດຕະກຳໃໝ່, ຮູບຊົງພາຍນອກທີ່ສະດຸດຕາ ແລະ ການອອກແບບພາຍໃນທີ່ທັນສະໄໝ ພ້ອມທີ່ຈະຕອບສະໜອງຄວາມຕ້ອງການ ແລະ ອຳນວຍຄວາມສະດວກໃຫ້ແກ່ຊີວິດຂອງຜູ້ຂັບຂີ່.

  ຂໍ້ມູນຂອງໂຕໂຢຕ້າ ໃຫ້ຮູ້ວ່າ: ໂຕໂຢຕ້າ ໄຮລັກສ ຣີໂວ້ ລຸ້ນໃໝ່ນີ້ ມີການພັດທະນາປັບປຸງຈາກອັນເກົ່າທີ່ເຄີຍມີຢູ່ແລ້ວ 4 ຈຸດສຳຄັນ ເຊັ່ນ: 1). ດ້ານການອອກແບບພາຍນອກ ແລະ ຈຸດປ່ຽນພາຍໃນ; 2). ສະມັດຖະນະການຂັບຂີ່; 3). ດ້ານຄວາມສະດວກສະບາຍ; 4). ດ້ານຄວາມປອດໄພ. ສໍາລັບລາຍລະອຽດລູກຄ້າສາມາດເຂົ້າເບີ່ງລົດໂຕຈິງ ຫຼື ສອບຖາມລາຍລະອຽດຕ່າງໆ ໄດ້ທີ່ຫ້ອງຂາຍໂຕໂຢຕ້າທຸກສາຂາທົ່ວປະເທດ.

ເນື້ອໃນເພີ່ມເຕີມຂອງລົດ TOYOTA Hilux Revo ໃໝ່ ເຊິ່ງໂດດເດັ່ນທຸກຈຸດ ມາພ້ອມຄວາມແຮງ ແລະ ປະຫຍັດນ້ຳມັນ.

☑️ ເຄື່ຶອງຈັກ GD Super Power Generation 2 ແຮງຂຶ້ນ, ປະຫຍັດນ້ຳມັນຂຶ້ນ.
☑️ ໜ້າຈໍໃຫຍ່ຂຶ້ນ “ຂະໜາດ 8 ນິ້ວ” ລຸ້ນໃໝ່ ເຊື່ອມຕໍ່ລະບົບ Apple Car Play / Android Auto ແລະ Miracast.


☑️ ຊ່ວງລ່າງປັບປຸງໃໝ່ High-Tensile Steel ນິ່ມ ສະບາຍສຸດໆ.
☑️ ລະບົບເຊັນເຊີ້ຫນ້າ-ຫລັງ (Clearance Sonar) 6 ຈຸດ ມືໃໝ່ກໍ່ປອດໄພ.
☑️ ລະບົບຊ່ວຍປ້ອງກັນການອອກລົດຜິດວິທີ (Drive-Start Control) ສະບາຍໃຈໄດ້.
☑️ ລະບົບຊ່ວຍການລົງທາງລາດຊັນ (Downhill Assist Control) ປອດໄພຫາຍຫວ່ງ.
☑️ ພວງມາໄລພາວເວີ້ ປັບປຸງໃໝ່ Variable Flow Control ນິ່ມກວ່າ ສະດວກກວ່າ.

(ເນື້ອໃນ-ພາບ: ບໍລິສັດ ໂຕໂຢຕ້າ)