ທຸ່ມງົບ 727 ລ້ານໂດລາ ສ້າງທ່າບົກ – ທ່ານາແລ້ງ ແລະ ເຂດໂລຈິສຕິກ ນະຄອນຫຼວງວຽງຈັນ

551

ໃນວັນທີ 3 ກໍລະກົດ 2020 ໄດ້ມີພິທີວາງສີລາລືກໂຄງການພັດທະນາ ທ່າບົກ – ທ່ານາແລ້ງ ແລະ ເຂດໂລຈິສຕິກ ນະຄອນຫຼວງວຽງຈັນ ລະ ຫວ່າງ ລັດຖະບານ ສປປ ລາວ ຕາງໜ້າໂດຍກະຊວງແຜນການ ແລະ ການລົງທຶນກັບບໍລິສັດ ວຽງຈັນ ໂລຈິສ ຕິກພາກ ຈຳກັດດ້ວຍງົບລົງທຶນເຖິງ 727 ລ້ານໂດລາສະຫະລັດ.

ເປັນກຽດເຂົ້າຮ່ວມຂອງ ທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ, ທ່ານ ນາງ ຄໍາຈັນ ວົງແສນບູນ ຮອງລັດຖະມົນຕີກະຊວງແຜນການ ແລະ ການລົງທຶນ, ທ່ານ ອ໊ອດ ພົງສະຫວັນ ( ຜູ້ກໍ່ຕັ້ງ ແລະ ປະທານທີ່ປຶກສາກິດຕິມະສັກ ກຸ່ມບໍລິສັດ ພົງສະຫວັນ ), ທ່ານ ຈັນທອນ ສິດທິໄຊ ປະທານ ບໍລິສັດ ວຽງຈັນ ໂລຈິສ  ຕິກພາກ ຈໍາກັດ. ນອກນີ້, ຍັງມີຜູ້ຕາງໜ້າຈາກຂະ ແໜງການທີ່ກ່ຽວຂ້ອງຈາກພາກລັດ ແລະ ຄະນະບໍລິສັດກໍໄດ້ເຂົ້າຮ່ວມ.

ໂຄງການພັດທະນາ ທ່າບົກ – ທ່ານາແລ້ງ ແລະ ເຂດໂລຈິສຕິກ ຄົບວົງຈອນ ນະຄອນຫຼວງວຽງຈັນ ເປັນໂຄງການພັດທະນາເຂດໂລຈິສ ຕິກຄົບວົງຈອນຂອງນະຄອນຫຼວງວຽງຈັນ ພຽງແຫ່ງດຽວທີ່ລວມເອົາ 2 ອົງປະກອບຫຼັກມາໄວ້ຈຸດດຽວກັນ ເພື່ອສ້າງເງື່ອນໄຂຮອງຮັບການເຊື່ອມຈອດ ແລະ ເຊື່ອມໂຍງອະນຸພາກພື້ນ ແລະ ສາກົນທາງດ້ານການຄ້າ ແລະ ການຂົນສົ່ງໃຫ້ເກີດປະໂຫຍດສູງສຸດ ເຊິ່ງໃຫ້ບໍລິການດ້ານໂລຈິສຕິກທີ່ເປັນລະບົບທັນສະໄໝ ຮອງຮັບການຂົນສົ່ງຫຼາຍຮູບແບບການຂົນສົ່ງທາງບົກ, ທາງນ້ຳ ແລະ ທາງລົດໄຟ.

ไม่มีคำอธิบายรูปภาพ

ທັງເປັນຈຸດສຸມສະເພາະກິດຈະການສ້າງມູນຄ່າເພີ່ມ ເຊັ່ນ: ພື້ນທີ່ບໍລິການສູນໂລ  ຈິສຕິກ ເຊິ່ງບັນດາຜູ້ປະກອບການດໍາເນີນທຸລະກິດສາມາດເຄື່ອນໄຫວທຸລະກິດຂົນສົ່ງ, ໂລຈິສຕິກ ແລະ ການແຈກຢາຍສິນຄ້າທັງຜ່ານແດນພາຍໃນ ແລະ ຜ່ານແດນສາກົນ, ພື້ນທີ່ປອດພາສີສໍາລັບການຜະລິດ, ປຸງແຕ່ງ, ປະກອບ, ເກັບຮັກສາລໍຖ້າການນໍາເຂົ້າ – ສົ່ງອອກ ລວມທັງສູນສົ່ງເສີມການຄ້າສາກົນ, ພື້ນທີ່ຈັດເກັບສິນຄ້າປະເພດທາດແຫຼວ ( Tank Farm ), ພື້ນທີ່ສູນສົ່ງເສີມການຄ້າສາກົນ, ພື້ນທີ່ການຜະລິດ, ປຸງແຕ່ງ, ປະກອບ, ເກັບຮັກສາ ລໍຖ້າການນໍາເຂົ້າ – ສົ່ງອອກ, ພື້ນທີ່ສາງເຢັນ. ສໍາລັບສິນຄ້າປະເພດຊີ້ນສັດ, ໝາກໄມ້ ແລະ ພືດຜັກ, ສູນບໍລິການສົ່ງອອກຂອງ SME ແລະ ອື່ນໆ.

ในภาพอาจจะมี ท้องฟ้า และสถานที่กลางแจ้ง

ໂຄງການດັ່ງກ່າວເປັນໂຄງການການທີ່ຮ່ວມກັບລັດຖະບານ ສປປ ລາວ ພາຍໃຕ້ຮູບແບບ BOT ( Built Operate and Transfer ) ໂດຍມີອາຍຸສໍາປະທານ 50 ປີ ແມ່ນຮູບແບບໜຶ່ງໃນການຮ່ວມທຶນພັດທະນາລະຫວ່າງລັດກັບຄູ່ຮ່ວມມື ( PPP ) ເຊິ່ງກະຊວງການເງິນໄດ້ຮັບມອບໝາຍໃຫ້ຖືຫຸ້ນໃນນາມຂອງລັດຖະບານ ສປປ ລາວ.

ໂຄງການທ່າບົກ – ທ່ານາແລ້ງ ແລະ ເຂດໂລຈິສຕິກຄົບວົງຈອນ ນະຄອນຫຼວງວຽງຈັນ ຕັ້ງຢູ່ເຂດບ້ານດົງໂພສີ ເມືອງຫາດຊາຍຟອງ ນະຄອນຫຼວງວຽງຈັນ ມີເນື້ອທີ່ທັງໝົດປະມານ 200 ເຮັກຕາ ( ເບື້ອງຕົ້ນ ) ມູນຄ່າການລົງທຶນຂອງໂຄງການທັງໝົດ ປະມານ 727 ລ້ານໂດລາ; ການກໍ່ສ້າງຈະແບ່ງອອກເປັນ 3 ໄລຍະ ເຊິ່ງໄລຍະທໍາອິດຈະສໍາເລັດໃນ 12 – 14 ເດືອນ.

ในภาพอาจจะมี สถานที่กลางแจ้ง

ພາຍຫຼັງໂຄງການດັ່ງກ່າວສ້າງສໍາເລັດ ສປປ ລາວ ຈະມີໂຄງລ່າງທີ່ທັນສະໄໝຄົບຊຸດສໍາລັບການເຊື່ອມຈອດລະບົບຂົນສົ່ງຫຼາຍຮູບແບບລະດັບສາກົນ, ທາງບົກ, ທາງລົດໄຟ ແລະ ທາງທະເລ, ຍົກລະດັບຂີດຄວາມສາມາດແຂ່ງຂັນໃຫ້ແກ່ວຽກງານຂົນສົ່ງໂລຈິສຕິກ ກໍຄືອໍານວຍຄວາມສະດວກທາງການຄ້າໃຫ້ແກ່ ສປປ ລາວ.