ຖວທ ເຊັນສັນກັບ ບໍລິສັດ ດາວທຽມລາວ ຮັບ-ສົ່ງສັນຍານວິທະຍຸ-ໂທລະພາບ ຜ່ານດາວທຽມລາວ ແຊັດ 1

749

ໃນວັນທີ 26 ພຶດສະພາ 2020 ທີ່ນະຄອນຫລວງວຽງຈັນ, ກົມສື່ມວນຊົນ, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແລະ ບໍລິສັດ ດາວທຽມລາວ ເອເຊຍ-ປາຊີຟິກ ຈຳກັດ ໄດ້ເຊັນສັນຍາການບໍລິການ ຮັບ-ສົ່ງສັນຍານວິທະຍຸ-ໂທລະພາບ ຜ່ານດາວທຽມລາວ ແຊັດ 1 ເພື່ອບໍລິການສົ່ງສັນຍານໂທລະພາບແຫ່ງຊາດ ຊ່ອງ ທຊລ 1 ແລະ ສັນຍານຄື້ນວິທະຍຸກະຈາຍສຽງແຫ່ງຊາດ ລະບົບ AM ແລະ FM.

ພິທີດັ່ງກ່າວຕາງໜ້າເຊັນສັນຍາໃນຄັ້ງນີ້ ໂດຍ ທ່ານ ປິ່ນປາຖະໜາ ພັນທະມາລີ ຫົວໜ້າກົມສື່ມວນຊົນ ກະຊວງ ຖວທ ແລະ ທ່ານ ຕິງ ຢົງບິງ ອຳນວຍການໃຫຍ່ ບໍລິສັດດາວທຽມລາວ ເອເຊຍ-ປາຊີຟິກ, ໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ກິແກ້ວ ໄຂຄຳພິທູນ ລັດຖະມົນຕີ ກະຊວງ ຖວທ, ທ່ານ ທັນສະໄໝ ກົມມະສິດ ລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ.

ຂ່າວ: ຂປລ