ມອບ – ຮັບໜ້າທີ່ວຽກງານກໍ່ສ້າງຮາກຖານການເມືອງ ບ້ານໃຫຍ່ປາກທາ

557
ວັນທີ 24 ພືດສະພາ 2020 ນີ້ຢູ່ທີ່ຫ້ອງປະຊຸມບ້ານໃຫຍ່ປາກທາ ເມືອງປາກທາ ແຂວງບໍ່ແກ້ວ ໄດ້ມີພິທີຖອນພະ ນັກງານກໍ່ສ້າງຮາກຖານການເມືອງ ຈຳນວນ 3 ສະຫາຍ ໂດຍການເປັນປະທານຂອງທ່ານ ຊຽງເຮືອງ ພົມມະຈັນ ກຳມະ ການພັກເມືອງ ເລຂາຄະນະພັກຮາກຖານ ນາຍບ້ານໆໃຫຍ່ປາກທາ, ເປັນກຽດເຂົ້າຮ່ວມຂອງທ່ານ ທອງຈັນ ອິນທະພອນ ຄະນະປະຈຳພັກເມືອງ ຜູ້ຊີ້ນຳບ້ານໃຫຍ່ປາກທາ, ມີພະນັກງານຮາກຖານ, ອຳນາດການປົກຄອງ, ແນວໂຮມ, ຊາວໜຸ່ມ, ແມ່ຍິງບ້ານ ເຂົ້າຮ່ວມ.
ພິທີທ່ານ ຄຳໜູນ ສີຫານຸວົງ ກຳມະການພັກເມືອງ ພະນັກງານກໍ່ສ້າງຮາກຖານການເມືອງ ໄດ້ຜ່ານບົດສະຫຼຸບວຽກ ງານກໍ່ສ້າງຮາກຖານການເມືອງຕິດພັນກັບວຽກງານສາມສ້າງ ແລະ ທິດທງແຜນການປີ 2020-2021 ເຊິ່ງບ້ານໃຫຍ່ປາກທາປະກອບມີ 4 ຄຸ້ມ, ມີ 376 ຫຼັງຄາເຮືອນ, ມີປະຊາ ກອນ 1,636 ຄົນ, ຍິງ 797 ຄົນ ປະກອບມີ 3 ເຜົ່າທີ່ດຳລົງຊີວິດຢູ່ຮ່ວມກັນຄື: ເຜົ່າລາວລຸ່ມ, ເຜົ່າລື້ ແລະ ເຜົ່າກຶມມຸ ອາຊີບຕົ້ນຕໍຂອງປະຊາຊົນພາຍໃນກຸ່ມບ້ານສ່ວນໃຫຍ່ແມ່ນຄ້າຂາຍ-ບໍລິການ, ປູກພືດເປັນສິນຄ້າຢູ່ລຽບຕາມແຄມແມ່ນ້ຳຂອງ.
ນອນນັ້ນຍັງໄດ້ຢືດຖືການປູກເຂົ້າ, ການລ້ຽງສັດ ແລະ ຫັດຖະກຳຈັກສານຕ່າງໆ ຕະຫຼອດໄລຍະຜ່ານມາຄະນະພັກ, ພະນັກງານກໍ່ສ້າງຮາກຖານໄດ້ຖືເອົາການສືກສາອົບຮົມການເມືືອງແນວຄິດເປັນກົກ, ປັບປຸງແບບແຜນການນຳພາວິທີເຮັດວຽກຊີ້ນຳໆພາປະຊາຊົນຈັດຕັ້ງປະຕິບັດວຽກງານຕາມຄວາມຮັບຜິດຊອບສູງ, ພ້ອມກັນນັ້ນຜູ້ເຂົ້າ ຮ່ວມກໍ່ໄດ້ປະກອບຄຳຄິດຄຳເຫັນຕໍ່ກັບບົດສະຫຼຸບ ແລະ ທິດທາງແຜນການເພື່ອເປັນບ່ອນອິງໃນການ ຈັດຕັ້ງປະຕິ ບັດໃຫ້ມັນສອດຄອງກັບສະພາບຕົວຈິງ.
ຈາກນັ້ນ ກໍ່ໄດ້ຜ່ານຂໍ້ຕົກບລົງຂອງທ່ານເຈົ້າເມືອງປາກທາ ວ່າດ້ວຍການແຕ່ງຕັ້ງຮອງນາຍບ້ານໆໃຫຍ່ປາກທາ ໃນນີ້ເຫັນດີແຕ່ງຕັ້ງ ທ່ານ ສົມຫວັງ ຍົນທະຈິດ ເປັນຮອງນາຍບ້ານ ໂອກາດດຽວກັນນີ້ ໜ່ວຍງານບໍລິການທະນາຄານນະໂຍບາຍຍັງໄດ້ມອບພັດລົມ ຈຳນວນ 3 ໜ່ວຍ ໃຫ້ກັບອຳນາດການປົກ ຄອງບ້ານໃຫຍ່ປາກທາ ລວມມູນຄ່າ 1 ລ້ານກີບ.
ພິທີທ່ານ ທອງຈັນ ອິນທະພອນ ຄະນະປະຈຳພັກເມືອງ ຜູ້ຊີ້ນຳບ້ານໃຫຍ່ປາກທາໄດ້ມີຄຳເຫັນເນັ້ນໜັກບາງບັນຫາເປັນຕົ້ນໃຫ້ຄະນະບ້ານສືບຕໍ່ເອົາໃຈໃສ່ສືກສາອົບຮົມການເມືອງແນວຄິດໃຫ້ປະຊາຊົນຮັບຮູ້ເຂົ້າໃຈຢ່າງເລິກເຊີ່ງເຖິງຖອງ, ວຽກງານປ້ອງກັນຊາດ – ປ້ອງກັນຄວາມສະຫງົບຕ້ອງແບ່ງຄວາມຮັບຜິດຊອບໃຫ້ລະອຽດໃນການຈັດຕັ້ງປະຕິບັດວຽກງານຕ່າງໆພາຍໃນບ້ານ, ດ້ານເສດຖະກິດຕ້ອງຖືເອົາການປູກການລ້ຽງເປັນຕົ້ນຕໍຄຽງຄູ່ກັບການສ້າງສາພັດທະນາເສດຖະກິດຄອບຄົວເພື່ອເຮັດໃຫ້ມີທ່າກ້າວຂື້ນຢ່າງບໍ່ຢຸດຢັ້ງ ແລະ ລົບລ້າງຄວາມທຸກຍາກເທື່ອລະກ້າວ.
ພາບ-ຂ່າວ: ວັນນະເດດ ວິໄລຄຸນ.