ເມືອງພີນ ເປີດຂະບວນການ ສັກວັກຊິນກັນມະເຮັງປາກມົດລູກ

693

ຂປລ. ເມື່ອບໍ່ດົນມນີ້, ເມືອງພີນ ແຂວງສະຫວັນນະເຂດ ໄດ້ເປີດຂະບວນການສັກວັກຊິນກັນມະເຮັງປາກມົດລູກ ໂດຍບໍ່ເສຍຄ່າໃຫ້ແກ່ເດັກນ້ອຍຍິງໃນເກນອາຍຸເປົ້າໝາຍ ຢູ່ໂຮງຮຽນມັດທະຍົມສົມບູນພີນ ໂດຍການເປັນປະທານຂອງທ່ານ ສາລີ ວິນລາວັນ ເຈົ້າເມືອງພີນ, ມີ ທ່ານ ຄຳກອງ ທູນສົມບັດ ຫົວໜ້າຫ້ອງການສຶກສາທິການ ແລະກິລາເມືອງພີນ, ມີຫົວໜ້າ-ຮອງຫົວໜ້າຫ້ອງການ, ຜູ້ອໍານວຍການ ມສ ພີນ ແລະ ພາກສ່ວນກ່ຽວຂ້ອງ ເຂົ້າຮ່ວມ

ທັງນີ້ ກໍເພື່ອເປັນການປ້ອງກັນພະຍາດມະເຮັງປາກມົດລູກ ບໍ່ໃຫ້ເກີດກັບເດັກນ້ອຍແມ່ຍິງທົ່ວປະເທດ ໂດຍສະເພາະ ແມ່ນເດັກນ້ອຍພາຍໃນເມືອງພີນ.


ໃນພິທີເປີດຂະບວນການດັ່າງກ່າວ, ບັນດາແພດໝໍ ກໍຄື ພາກສ່ວນກ່ຽວຂ້ອງ ກໍໄດ້ໃຫ້ຮູ້ເຖິງຄວາມຮ້າຍແຮງ ແລະ ວິທີປ້ອງກັນພະຍາດມະເຮັງປາກມົດລູກ ເພື່ອໃຫ້ພໍ່ແມ່ປະຊາຊົນມີຄວາມຮັບຮູ້ເຂົ້າໃຈເພີ່ມຂຶ້ນ ແລະ ນຳເອົາລູກຫລານຂອງຕົນ ມາສັກວັກຊິນປ້ອງກັນພະຍາດດັ່ງກ່າວ
ຂ່າວ: ເມືອງພີນ