ໄຟຟ້າລາວ ເຜີຍສາເຫດເບື້ອງຕົ້ນໄຟດັບໃນຄືນຜ່ານມາ ເປັນເພາະລະບົບສາຍສົ່ງຂັດຂ້ອງ

721

ໃນຄ່ຳຄືນຂອງວັນທີ 24 ພຶດສະພາ 2020 ຜ່ານມາ ໄດ້ເກີດເຫດໄຟຟ້າດັບຢູ່ຫຼາຍເຂດໃນນະຄອນຫລວງວຽງຈັນ ແລະ ຕ່າງແຂວງຈໍານວນໜຶ່ງ ຢ່າງກະທັນຫັນ ໂດຍບໍ່ຮູ້ເຫດຜົນ, ເຮັດໃຫ້ສັງຄົມ ຈົມຢູ່ໃນຄວາມມືດ ແລະ ຄວາມຮ້ອນອົບເອົ້າປະມານ 30 ນາທີ.

ຮູບ​ປະ​ກ​ອບ ເຫດ​ລົດ​ເກາະ​ສາຍ​ໄຟ​ຄື​ນ​ຜ່ານ​ມາ

ໃນຕອນເຊົ້າວັນທີ 25 ພຶດສະພາ ຕາມການສຳພາດ ທ່ານ ຈັນສົມ ພິລາລົມ ຮອງຝ່າຍປະຕິບັດການໄຟຟ້ານະຄອນຫລວງວຽງຈັນ ຕໍ່ກັບໜັງສືພິມລາວພັດທະນາ ໃຫ້ຮູ້ວ່າ: ສາເຫດເບື້ອງຕົ້ນໄຟຟ້າດັບມອດໃນຄໍ່າຄືນຜ່ານມານີ້ ເນື່ອງມາຈາກລະບົບໄຟຟ້າຈາກເຂື່ອນນ້ຳງື່ມ ແລະ ສາຍສົ່ງໄຟຟ້າຈາກປະເທດໄທ ຂັດຂ້ອງ ຈຶ່ງເຮັດໃຫ້ໄຟຟ້າດັບມອດເປັນວົງກ້ວາງໃນນະຄອນຫຼວງວຽງຈັນ ແລະ ຕ່າງແຂວງຈຳນວນໜຶ່ງເຊັ່ນ: ແຂວງ ວຽງຈັນ, ຫລວງພະບາງ, ໄຊສົມບູນ ແລະ ແຂວງ ອື່ນໆ ກໍໄດ້ຮັບຜົນກະທົບໄປຕາມໆກັນ.

ພາບ​ປະ​ກອບ ເຫດ​ລົດ​ເກາະ​ສາຍ​ໄຟ​ຄືນ​ຜ່ານ​ມາ

ພວກເຮົາໄດ້ໃຊ້ເວລາກູ້ຄືນລະບົບເກືອບ 1 ຊົ່ວໂມງ ຈຶ່ງສາມາດ ກະຈາຍໄຟຟ້າໃຫ້ສັງຄົມໄດ້ປົກກະຕິ, ສ່ວນສາເຫດບໍລິສັດໄຟຟ້າລາວ ກຳລັງສືບສວນ-ສອບສວນ
ຂ່າວ: ໜັງສືພິມລາວພັດທະນາ