ແຂວງບໍ່ແກ້ວ ສອບເສັ່ງຄັດເລືອກເອົາລັດຖະກອນປະຈຳປີ 2020.

539
ວັນທີ 22 ພຶດສະພາ ນີ້ ຢູ່ທີ່ໂຮງຮຽນທິດສະດີການເມືອງ – ການປົກຄອງແຂວງບໍ່ແກ້ວ ໄດ້ມີພິທີສອບເສັ່ງຄັດເລືອກເອົາພະນັກງານລັດຖະກອນໃໝ່ ປະຈຳປີ 2020 ໂດຍການເປັນປະທານຂອງ ທ່ານ ນາງ ດາວ ໄຊເສດຖາ ກຳມະການພັກແຂວງ, ຫົວໜ້າພະແນກພາຍໃນແຂວງ, ມີບັນດາຄະນະພະແນກການ, ຂະແໜງການ, ຕະຫຼອດຮອດພະນັກງານວິຊາການອ້ອມຂ້າງແຂວງເຂົ້າຮ່ວມ.
ການສອບເສັ່ງຄັ້ງນີ້ມີນັກສອບເສັ່ງທັງໝົດ 39 ທ່ານ, ຍິງ 17 ທ່ານ, ຄັດເລືອກເອົາ 11 ທ່ານ ເຊິ່ງເເມ່ນພະນັກງານອາສາສະມັກມາຈາກບັນດາພະແນກການອ້ອມຂ້າງແຂວງ, 4 ອົງການຈັດຕັ້ງມະຫາຊົນ. ເພື໋ອຄັດເລືອກເອົາຕົວເລກລັດຖະກອນຕາມໂກຕາຂອງສູນກາງແບ່ງປັນໃຫ້ແຂວງບໍ່ແກ້ວ ເຊິ່ງຮູບແບບການສອບເສັ່ງແມ່ນແບບປາລະໄນ-ຄວາມຮູ້ທົ່ວໄປ.
ໂອກາດນີ້ ທ່ານ ນາງ ດາວ ໄຊເສດຖາ ປະທານພິທີ ຍັງໄດ້ເນັ້ນໜັກໃຫ້ນັກສອບເສັ່ງ ຈົ່ງພ້ອມກັນເອົາໃຈໃສ່ປະຕິບັດກົດລະບຽບກົດລະບຽບການສອບເສັ່ງຢ່າງເຄັງຂັດ ຖືເອົາຄວາມຮູ້ ແລະ ຄວາມສາມາດທີ່ຕົນໄດ້ສຶກສາຮໍ່າຮຽນເຂົ້າໃນການສອບເສັ່ງໃນຄັ້ງໄດ້ຕາມລະດັບຄາດໝາຍ ແລະ ເຊື່ອໝັ້ນວ່າບັນດານັກສອບເສັ່ງທຸກຄົນຈະປະຕິບັດຕາມຄະນະອານຸກຳມະການທີ່ໄດ້ກຳນົດໄວ້ຢ່າງເຂັ້ມງວດ.
ຂ່າວ – ພາບ: ບຸນເພັດ ໄຊຍະວົງ