ໜ່ວຍພັກຄະນະຄຸ້ມຄອງ ເຂດເສດຖະກິດພິເສດສາມຫຼ່ຽມຄຳ ຮັບສະມາຊິກໃໝ່

486
ວັນທີ 22 ພຶດສະພານີ້ ໜ່ວຍພັກຄະນະຄຸ້ມຄອງ ເຂດເສດຖະກິດພິເສດສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ໄດ້ຈັດພິທີຮັບສະມາຊິກໃໝ່ ຈໍານວນ 1 ສະຫາຍ ຂຶ້ນຢູ່ທີ່ຫ້ອງປະຊຸມຄະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ ໂດຍການເປັນປະທານຂອງ ສະຫາຍ ນາງ ທອງຄູນ ພົນທອງສີ ເລຂາໜ່ວຍພັກ ຄະນະຄຸ້ມຄອງເຂດເສດຖະກິດພິເສດແຂວງບໍ່ແກ້ວ ມີສະມາຊິກພັກພາຍໃນໜ່ວຍ ແລະ ມະຫາຊົນຜູ້ກ້າວໜ້າເຂົ້າຮ່ວມ.
   
ພິທີມະຫາຊົນຜູ້ກ້າວໜ້າ ໄດ້ຜ່ານໃບຄໍາຮ້ອງຂໍເຂົ້າເປັນສະມາຊິກໃໝ່ ຈາກນັ້ນ ສະມາຊິກພັກສົມບູນຜູ້ຕິດຕາມກໍໄດ້ຂຶ້ນຢັ້ງຢືນ ໂດຍໄດ້ຕິດຕາມໃນໄລຍະ 1 ປີ ຜ່ານມາ ເຫັນວ່າຜູ້ກ່ຽວມີຄວາມຈູບຈ້າວຫ້າວຫັນຕໍ່ໜ້າທີ່ວຽກງານ, ມີຄວາມບຸກບືນຝຶກຝົນຫຼໍ່ຫຼອມຕົນເອງ, ມີຄວາມເຫັນດີເຫັນພ້ອມຕໍ່ກົດລະບຽບຂອງພັກ ກໍ່ຄືກົດໝາຍຂອງລັດທີ່ໄດ້ວາງອອກ ຈາກນັ້ນ ພິທີກໍ່ໄດ້ຜ່ານມະຕິຕົກລົງຂອງ ຄະນະປະຈໍາພັກແຂວງ ວ່າດ້ວຍການອະນຸມັດຮັບເອົາມະຫາຊົນຜູ້ກ້າວໜ້າ ເຂົ້າເປັນສະມາຊິກພັກປະຊາຊົນປະຕິວັດລາວ ເຊິ່ງໄດ້ຕົກລົງເຫັນດີຮັບເອົາ ສະຫາຍ ສະຫຼອງໄຊ ແກ້ວສົມພອນ ຮັກສາການຮອງຫົວໜ້າຂະແໜງສັງລວມ ຄະນະຄຸ້ມຄອງເຂດເສດຖະກິດພິເສດແຂວງບໍ່ແກ້ວ ເຂົ້າເປັນສະມາຊິກພັກສໍາຮອງຂອງພັກປະຊາຊົນປະຕິວັດລາວ ເພື່ອເຄື່ອນໄຫວ ແລະ ເປັນກຳລັງແຮງຢູ່ພາຍໃນໜ່ວຍພັກ ພ້ອມທັງມອບມະຕິຕົກລົງໃຫ້ແກ່ມະຫາຊົນຜູ້ກ້າວໜ້າ.
ພິທີ ສະຫາຍ ນາງ ທອງຄູນ ພົນທອງສີ ເລຂາໜ່ວຍພັກຄະນະຄຸ້ມຄອງ ເຂດເສດຖະກິດພິເສດສາມຫຼ່ຽມຄຳ ແຂວງບໍ່ແກ້ວ ໄດ້ມີຄຳເຫັນໂອ້ລົມ ເນັ້ນໝັກຫຼາຍບັນ“ຫາ ເປັນຕົ້ນ ໃຫ້ເອົາໃຈໃສ່ຝຶກຝົນຫຼໍ່ຫຼອມຕົນເອງ, ປະຕິບັດກົດ ລະບຽບພັກຢ່າງເຂັ້ມງວດ ຖືເອົາ 5 ຫຼັກການ 3 ທິດນຳຂອງພັກວ່າງໄວ້ ເອົາໃຈໃສບຸກບື້ນຕົນເອງໃຫ້ກາຍເປັນສະມາຊິກພັກທີ່ດີເດັ່ນ ແລະ ເປັນແບບຢ່າງໃກ້ແກ່ມະຫາຊົນຮຸ່ນຕໍ່ໄປ.
ພາບ – ຂ່າວ: ອຸໄທ ພູມມາ.