ເຈົ້າແຂວງໄຊຍະບູລີ ລົງເຄື່ອນໄຫວຢ້ຽ​ມຢາມ ແລະ ເຮັດວຽກຢູ່ບໍລິສັດໄຟຟ້າຫົງສາ

604

ໃນວັນທີ 20 ພຶດສະພາ 2020 ທ່ານ ພົງສະຫັວນ ສິດທະວົງ ເຈົ້າແຂວງໆໄຊຍະບູລີ ລົງເຄື່ອນໄຫວຢຽ້ມຢາມ ແລະ ເຮັດວຽກຢູ່ບໍລິສັດໄຟຟ້າຫົງສາ ຈໍາກັດ ມີ ທ່ານ ຄໍາຫຼ້າ ຜິວວັນນາ ເຈົ້າເມືອງຫົງສາ ໃຫ້ກຽດຕ້ອນຮັບໂດຍ ທ່ານ ຄະທາຍຸດ ຊູພູນ ອໍານວຍການໃຫຍ່ບໍລິສັດໄຟຟ້າຫົງສາ ຈຳກັດ, ພ້ອມດວ້ຍຄະນະ ແລະ ພະນັກງານ

ການລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ບໍລິສັດໄຟຟ້າຫົງສາ ໃນຄັ້ງນີ້ ທ່ານເຈົ້າແຂວງໆໄດ້ເຂົ້າຕິດຕາມເບີ່ງການສອ້ມແປງໜ່ວຍຜະລິດກະແສໄຟຟ້າໜ່ວຍທີ່ 3 ແລະ ເບີ່ງຂັ້ນຕອນກາຍເຮັດວຽກຂອງເຄື່ອງສະແກນອຸນຫະພູມທີ່ຕິດຕັ້ງຕາມມາດຕະການປ້ອງກັນການລະບາດຂອງພະຍາດໂຄວິດ-19

ຫຼັງຈາກນັ້ນກໍ່ໄດ້ຮັບຟັງການລາຍງານ ບັນດາໜ້າວຽກທີ່ໄດ້ຈັດຕັ້ງປະຕິບັດໃນໄລຍະຜ່ານມາ ພ້ອມນັ້ນໄດ້ໃຫ້ກໍາລັງໃຈ ແລະ ອວຍພອນໃຫ້ຄະນະນຳ ແລະ ພະນັກງານວິຊາການໃນການເຮັດວຽກພາຍໃນບໍລິສັດປະສົບຜົນສໍາເລັດສາມາດສ້ອມແປງໜວ່ຍຜະລິດກະແສໄຟຟ້າໜ່ວຍທີ່ 3 ກັບມາເດີນເຄື່ອງໄດ້ຕາມປົກກະຕິ ແລະ ຕໍ່ເນື່ອງຕື່ມອີກ.
ພາບ – ຂ່າວ: ບຸນປອນ