ເມືອງນ້ຳບາກ ປະກາດພະນັກງານເຂົ້າຮັບເບ້ຍບຳນານ 

642
ເມືອງນ້ຳບາກ, ແຂວງຫຼວງພະບາງ ໄດ້ຈັດພິທີປະກາດພະນັກງານ-ລັດຖະກອນອອກພັກຜ່ອນຮັບເບັ້ຍບຳນານ ຈັດຕັ້ງບາງຂະແໜງການ ແລະ ການປະຕິບັດລົງວິໄນພະນັກງານ, ລັດຖະກອນຈຳນວນໜື່ງ. ໂດຍມີທ່ານ ຫຸມເພັງ ໂທທິທຳ ຮອງເລຂາພັກເມືອງ, ປະທານກວດກາພັກ-ລັດເມືອງນ້ຳບາກ, ມີຄະນະປະຈຳເມືອງ,ຫົວໜ້າ- ຮອງຫົວໜ້າກອງບັນຊາການປ້ອງກັນຊາດ, ປ້ອງກັນຄວາມສະຫງົບ,ສານປະຊາຊົນເຂດ2, ໄອຍະການປະຊາຊົນເຂດ2, ຫົວໜ້າ-ຮອງຫົວໜ້າຫ້ອງການ ແລະ ລັດວິສາຫະກິດພາຍໃນເມືອງເຂົ້າຮວ່ມ.
ທ່ານ ອາຄົມ ສັນຕິສຸກ ຫົວໜ້າຫ້ອງການພາຍໃນເມືອງ ໄດ້ຜ່ານຂໍ້ຕົກລົງຂອງທ່ານເຈົ້າແຂວງເລກທີ 21/ຈຂ-ຫຼບ, ລົງວັນທີ 5 ກຸມພາ 2020. ວ່າດວ້ຍການອານຸມັດ ໃຫ້ທ່ານ ນາງ ບຸນທັນ ສີລາເພັດ ອອກຜັກຜ່ອນຮັບເບ້ຍບຳນານ, ຜ່ານມະຕິຕົກລົງຂອງຄະນະປະຈຳພັກເມືອງນ້ຳບາກ ເລກທີ028 ວ່າດວ້ຍການແຕ່ງຕັ້ງ ນາງ ທັດສະນີ ແສງສະຫວັດ ພະນັກງານຫ້ອງການສະຫະພັນແມ່ຍິງ ຂື້ນມາເປັນຮອງປະທານສະຫະພັນແມ່ຍິງເມືອງ,ມະຕິຕົກລົງຂອງຄະນະປະຈຳພັກເມືອງນ້ຳບາກ ເລກທີ 017 ວ່າດວ້ຍການຍົກຍ້າຍ ທ່ານ ບຸນທຽບ ລາດສະວົງ ຮອງປະທານສະຫະພັນກຳມະບານເມືອງ ໄປຮັບໜ້າທີ່ໃໝ່ເປັນຮອງຫົວໜ້າຄະນະໂຄສະນາອົບຮົມເມືອງ,
ມະຕິຕົກລົງຂອງຄະນະປະຈຳພັກເມືອງວ່າດວ້ຍການແຕ່ງຕັ້ງ ເລຂາ, ຮອງເລາຂາ ແລະ ຜູ້ກວດກາພັກ ຂອງໜວ່ຍພັກສຳນັກງານຈຳນວນໜື່ງ ພ້ອມທັງຜ່ານຂໍ້ຕົກລົງຂອງທ່ານເຈົ້າເມືອງນ້ຳບາກ ເລກທີ 111, ລົງວັນທີ 26 ມີນາ 2020 ວ່າດວ້ຍການປະຕິບັດລົງວິໄນພະນັກງານ, ລັດຖະກອນທີ່ປະລະການປະຕິບັດໜ້າທີ່ວຽກງານ ຈຳນວນ 1 ຄົນ, ປະຕິບັດລົງວິໄນພະນັກງານທີ່ພົວພັນກັບສິ່ງເສບຕິດ ຈຳນວນ 1 ຄົນ ເພື່ອໄລ່ອອກການເຊິ່ງແມ່ນພະນັກງານ-ລັດຖະກອນ ໂດຍບໍ່ໄດ້ຮັບນະໂຍບາຍໃດໆ.
ຂ່າວ: ພອນສັກ ສິງດາລັກ ( ນັກຂ່າວເມືອງນ້ຳບາກ )