ສະຫາຍ ອ່ອນຈັນ ຄຳພາວົງ ຖຶກຄັດເລືອກເປັນຫົວໜ້າພະແນກການເງີນແຂວງຊຸດໃໝ່

710

ວັນທີ 15 ພຶດສະພາ 2020 ຢູ່ທີ່ສະໂມສອນແຂວງ ໄດ້ຈັດກອງປະຊຸມໃຫ່ຍ ຂອງຄະນະພັກຮາກຖານພະແນກການເງິນແຂວງຫລວງນ້ຳທາຄັ້ງທີ I, ໂດຍການເປັນປະທານ ສະຫາຍ ອ່ອນຈັນ ຄຳພາວົງ ກຳມະການປະຈຳພັກແຂວງ ເລຂາຄະນະພັກຮາກຖານພະແນກການເງິນແຂວງ ເຂົ້າຮ່ວມສະຫາຍ ບຸນຍີ່ ແກ້ວຄູນເມືອງ ຮອງເລຂາພັກແຂວງຮອງເຈົ້າແຂວງໆຫລວງນ້ຳທາ ມີບັນດາສະຫາຍຕາງໜ້າໜ່ວຍພັກອ້ອມຂ້າງພະແນກ , ສາມອົງການຈັດຕັ້ງມະຫາຊົນ ຕະຫຼອດຮອດຜູ້ແທນສົມບູນ-ສຳຮອງພາຍໃນພະແນກເຂົ້າຮ່ວມ.

   ສະຫາຍ ອອ່ນຈັນ ຄຳພາວົງ ກຳມະການປະຈຳພັກແຂວງ ເລຂາຄະນະພັກຮາກຖານພະແນກການເງິນແຂວງ ໄດ້ຜ່ານບົດລາຍງານການເມືອງ ຂອງຄະນະພັກຮາກຖານພະແນກການເງິນແຂວງ ແຕ່ປີ 2016 – 2019 ແລະ ທິດທາງແຜນການ 5 ປີຕໍ່ຫນ້າ ຄະນະພັກຮາກຖານພະແນກການເງິນແຂວງໄດ້ຖືເອົາວຽກງານສຶກສາອົບຮົມການເມືອງແນວຄິດໃຫ້ແກ່ຖັນແຖວສະມາຊິກພັກ ພະນັກງານພາຍໃນຂະແໜງການຕົນ ດ້ວຍການເຊື່ອມຊືມມະຕິກອງປະຊຸມໃຫ່ຍຄັ້ງທີ 10 ຂອງພັກ,ມະຕິກອງປະຊຸມໃຫ່ຍຄັ້ງທີ 7 ແຜນພັດທະນາເສດຖະກິດສັງຄົມ 5 ປີຄັ້ງທີ 8 ຂອງອົງຄະນະພັກແຂວງ ເຊື່ອມຊືມບັນດາເອກະສານສຳຄັນຂອງພັກ ແລະ ມູນເຊື້ອປະຫວັດຂອງພັກ ຂອງຊາດ ໃຫ້ແກ່ສະມາຊີກພັກພະນັກງານ ລັດຖະກອນໄດ້ຮັບຮູ້ເຂົ້າໃຈຢ່າງເລີກເຊີ່ງ ຄະນະພັກຮາກຖານພະແນກການເງີນແຂວງ ມີຄະນະພັກ 5 ສະຫາຍ, ມີ 4 ໜ່ວຍພັກຂື້ນກັບຄື: ໜ່ວຍພັກພະແນກການເງີນ,ໜ່ວຍພັກສວຍສາອາກອນ,ໜ່ວຍພັກກອງຄຸ້ມຄອງພາສີ 1 ແລະ ໜ່ວຍພັກຄັງເງີນແຫ່ງຊາດປະຈຳແຂວງ .

ຄະນະພັກຮາກຖານພະແນກການເງີນແຂວງ, ມີສະມາຊິກພັກທັງໝົດ 96 ສະຫາຍ, ຍີງ 31 ສະຫາຍ, ສຳຮອງ 4 ສະຫາຍ, ໄດ້ຮັບໃບຢັ້ງຢືນໜ່ວຍພັກເຂັ້ມແຂງ-ຮູ້ນຳພາຮອບດ້ານ 5 ປີຕິດຕໍ່ກັນ ວຽກງານວິຊາສະເພາະໄດ້ເອົາໃຈໃສ່ຊີ້ນຳ-ນຳພາ ແລະ ຈັດຕັ້ງປະຕິບັດຕາມພາລະບົດບາດ ສິດ ແລະ ໜ້າທີ່ຂອງຕົນ ໃນການຄຸ້ມຄອງວຽກງານການເງີນ-ການບັນຊີແຫ່ງລັດ ໃຫ້ບັນລຸຕາມຄາດໝາຍ ຫຼື ລືນຄາດໝາຍ.

ດ້ານລາຍຮັບງົບປະມານ ປະຕິບັດລາຍຮັບໄດ້ 1.611 ຕື້້ກວ່າກີບ ເທົ່າກັບ 102,97% , ລາຍຮັບຂອງສູນກາງ ປະຕິບັດໄດ້ 1.156 ຕື້້ກວ່າກີບ ເທົ່າກັບ 99,45% , ລາຍຮັບພູດທ້ອງຖີ່ນ ປະຕິບັດໄດ້ເກືອບ 500 ຕື້ກີບ ເທົ່າກັບ 113,14% ເກີນແຜນທັງໝົດ 59 ຕື້ກວ່າກີບ, ດ້ານລາຍຈ່າຍງົບປະມານ ປະຕິບັດໄດ້ທັງໝົດ 1.427 ຕື້ກວ່າກີບ ເທົ່າກັບ 95,35% ສໍາລັບທິດທາງແຜນການ 5 ປີຕໍ່ໜ້າແມ່ນຈະໄດ້ສືບຕໍ່ຜັນຂະຫຍາຍຈັດຕັ້ງປະຕິບັດມະຕິກອງປະຊູມໃຫຍ່ຂອງພັກແຕ່ລະຂັ້ນ ເຫັນໄດ້ຄວາມສຳຄັນຂອງແຜນພັດທະນາເສດຖະກິດ-ສັງຄົມຂອງແຂວງສ້າງບັນດາໜ່ວຍພັກ ສະມາຊິກພັກໃຫ້ມີຄວາມປອດໃສເຂັ້ມແຂງ ແລະ ໜັກແໜ້ນ ປັບປຸງແຜນວິທີນຳພາ ວິທີເຮັດວຽກຕາມກົນໄກຄຸ້ມຄອງ ຫັນເຂົ້້າສູ່ລະບົບທັນສະໄໝເທື່ອລະກ້າວ, ການເກັບລາຍຮັບເຂົ້າງົບປະມານແຫ່ງລັດໃຫ້ມີຄວາມໂປ່ງໃສ ວ່ອງໄວຊັດເຈນ ແລະ ການອະນຸມັດລາຍຈ່າຍງົບປະມານຄັງເງີນຜ່ານລະບົບເຄືອຂ່າຍຄອມຜີວເຕີ ເຊື່ອມຕໍ່ລະຫວ່າງສູນກາງກັບແຂວງ ລະຫວ່າງແຂວງ ກັບເມືອງໃຫ້ທົ່ວເຖີງ ເພື່ອຄວາມສະດວກ ວ່ອງໄວຊັດເຈນ ແລະ ສາມາດກວດສອບໄດ້.

ກອງປະຊຸມໄດ້ປ່ອນບັດຄັດເລືອກເອົາຄະນະພັກຮາກຖານຊຸດໃໝ່, ມີຜູ້ແທນສົມບຸນ 89 ສະຫາຍ, ຍິງ 28 ສະຫາຍ, ມີຜູ້ສະມັກ 8 ສະຫາຍ , ເລືອກເອົາ 5 ສະຫາຍ , ກອງປະຊູມຄັ້ງປະຖົມມະເລິກໄດ້ເຫັນດີເປັນເອກະພາບ ເລືອກເອົາ ສະຫາຍ ອ່ອນຈັນ ຄຳພາວົງ ກໍາມະການປະຈໍາພັກແຂວງ ເປັນເລຂາຄະນະພັກຮາກຖານພະແນກການເງີນແຂວງຊຸດໃໝ່ , ສະຫາຍ ກອນແສງ ຄັນທະວົງ ຮອງເລຂາພັກ ເປັນປະທ່ານກວດກາພັກເພື່ອຊີ້ນໍາໆພາວຽກງານໃນຕໍ່ໜ້າ.

ກອງປະຊຸມຍັງໄດ້ປ່ອນບັດຄັດເລືອກເອົາຜູ້ແທນສົມບູນ-ສຳຮອງ ເຂົ້າຮ່ວມກອງປະຊູມໃຫຍ່ຄັ້ງທີ 8 ຂອງອົງຄະນະພັກແຂວງຫຼວງນ້ຳທາຈຳນວນ 3 ສະຫາຍ. ໂອກາດທີມີຄວາມໝາຍຄວາມສໍາຄັນ ທ່ານ ບຸນຍີ ແກ້ວຄູນເມືອງ ຮອງເລຂາພັກແຂວງ ຮອງເຈົ້າແຂວງ ກໍ່ໄດ້ມີຄຳເຫັນໂອ້ລົມ ເຊີ່ງກ່ອນອື່ນ ທ່ານໄດ້ສະແດງຄວາມຍ້ອງຍໍຊົບເຊີຍ ຕໍ່ຜົນງານທີ່ຄະນະພັກຊຸດເກົ່າຍາດມາໄດ້ໃນໄລຍະຜ່ານມາ ພ້ອມທັງເນັ້ນໜັກໃຫ້ຄະນະພັກຊຸດໃໝ່ຈົ່ງເອົາໃຈໃສ່ຊີ້ນຳ-ນຳພາສະມາຊີກພັກ ພະນັກງານ ປະຕິບັດຕາມພາລະບົດບາດ ສິດໜ້າທີ່ຂອງຕົນຮັບຜີດຊອບໃຫ້ດີຂື້ນ.

ຂ່າວ: ມຸນຕີ