ສະມາຄົມນັກທຸລະກິດຍິງແຂວງສະຫວັນນະເຂດ ມອບເຄື່ອງມູນຄ່າ 11ລ້ານກີບໃຫ້ຄະນະສະເພາະກິດຕ້ານໂຄວິດ19

509

ໃນຕອນເຊົ້າຂອງວັນທີ 15 ພຶດສະພາ 2020 ນີ້ ທ່ານ ນາງ ວິລາວັນ ພົມວິຫານ ພ້ອມດ້ວຍສະມາຄົມນັກທຸລະກິດຍິງແຂວງ,ທະນາຄານແຫ່ງ ສປປ ລາວ ພາກກາງ ສາຂາສະຫວັນນະເຂດ ແລະ ພະແນກການອ້ອມຂ້າງແຂວງ ໄດ້ ນຳເອົາພັດລົມ,ນຳດື່ນແລະ ອາຫານ ຊິ່ງພັດລົມມີຈຳນວນ 44 ຊຸດ ມູນຄ່າ 11 ລ້ານກີບ

ມາມອບໃຫ້ຄະນະສະເພາະກິດ ນະຄອນ ໄກສອນ ພົມວິຫານເພື່ອນໍາໃຊ້ລວມແລະແຈກຢາຍໃຫ້ບັນດາແຮງງານຜູ້ຖືກກັກກັນບໍລິເວນ ຢູ່ສູນສະໜາມກິລາຫລັກ4.ໄດ້ຈັດຂຶ້ນຢູ່ທີ່ ສູນສະໜາມກິລາຫລັກ4 ນະຄອນ ໄກສອນ ພົມວິຫານ ແຂວງສະຫັວນນະເຂດ ເພື່ອເປັນການປະກອບສ່ວນເຂົ້າໃນວຽກງານປ້ອງກັນຄວບຄຸມ ແລະ ແກ້ໄຂການລະບາດຂອງພະຍາດໂຄວິດ19 ກ່າວຮັບເຄື່ອງດັ່ງກ່າວ ໂດຍ ທ່ານ ປອ ແສງທອງ ວັງແກ້ວມະນີ ເຈົ້ານະຄອນ ໄກສອນ ພົມວິຫານ ພ້ອມດ້ວຍຄະນະນຳ ຂອງນະຄອນເຂົ້າຮ່ວມເປັນສັກຂີພິຍານນຳ

ການປະກອບສ່ວນພັດລົມ,ນໍ້າດື່ມ ແລະ ອາຫານໃນຄັ້ງນີ້ ຖືວ່າເປັນການປະກອບສ່ວນສຳຄັນ ເຂົ້າໃນວຽກງານປ້ອງກັນການລະບາດຂອງພະຍາດໂຄວິດ19 ເຖິງແມ່ນວ່າ ສປປ ລາວ ຈະສາມາດຄວບຄຸມການແຜ່ລະບາດໄດ້ແລ້ວກໍ່ຕາມ ແຕ່ ຖ້າເບິ່ງສະຖານະການຂອງການແຜ່ລະບາດໃນທົ່ວໂລກ ລວມທັງໃນກຸ່ມປະ
ສະນັ້ນເພື່ອສືບຕໍ່ເຝົ້າລະວັງ ແລະ ຕິດຕາມສະພາບການແຜ່ລະບາດຂອງພະຍາດໂຄວິດ19 ທາງນະຄອນ ໄກສອນ ພົມວິຫານ ກໍໄດ້ກະກຽມສູນກັກກັນຊົ່ວຄາວເພື່ອຮອງຮັບກຸ່ມແຮງງານລາວທີ່ຈະກັບຄືນປະເທດ ເວົ້າລວມ ເວົ້າສະເພາະແມ່ນທົ່ວນະຄອນ ເຊິ່ງມີແຮງງານລາວມີຈໍານວນ 298ຄົນຍິງ120 ຄົນໃນໄລຍະນີ້ ຜ່ານດ່ານຊ່ອງເມັກ ຫຼື ລັກລອບຂ້າມທາງເຮືອນ້ອຍ ໃນຂອບເຂດນະຄອນ ໄກສອນ ພົມວິຫານ ແມ່ນຕ້ອງໄດ້ເຂົ້າສູນກັກກັນທັງໝົດ ເພື່ອຕິດຕາມອາການໃນຂັ້ນຕໍ່ໄປ ເປັນການຫລີກລ້ຽງຕໍ່ການນຳເອົາເຊື້ືອພະຍາດໂຄວິດ19 ມາແຜ່ລະບາດສູ່ ປະຊາຊົນພາຍໃນແຂວງສະຫວັນນະເຂດ, ທັງເປັນການເພີ່ມມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດໃຫ້ໄວໃນແຕ່ລະວັນ.