ກຳມະບານຮາກຖານຊາວໜຸ່ມແຂວງບໍ່ແກ້ວ ເປີດກອງປະຊຸມໃຫຍ່ຄັ້ງທີ II.

763
ກອງປະຊຸມໃຫ່ຍກຳມະບານຮາກຖານຊາວໜຸ່ມແຂວງ ຄັ້ງທີ່ II ໄດ້ໄຂຂຶ້ນຢາງເປັນທາງການໃນວັນທີ 14 ພຶດສະພາ 2020 ນີ້ ໂດຍການເປັນປະທານຂອງ ສະຫາຍ ອຸໄທ ສິລິປັນຍາ ປະທານກຳມະບານຮາກຖານຊາວໜຸ່ມແຂວງ, ເຂົ້າຮ່ວມໂດຍ ສະຫາຍ ສົມພອນ ໄຊວິທູນ ຮອງປະທານສະຫະພັນກຳມະບານແຂວງ, ສະຫາຍ ອຸ່ນແສງ ທູນອິນໃຈ ເລຂາໜ່ວຍພັກ,ເລຂາຄະນະບໍລິຫານງານຊາວໜຸ່ມແຂວງ, ມີແຂກຮັບເຊີນຕະຫຼອດຮອດສະມາຊິກກຳມະບານພາຍໃນຮາກຖານເຂົ້າຮ່ວມ.
ສະຫາຍ ອຸໄທ ສິລິປັນຍາ ປະທານກຳມະບານຮາກຖານຊາວໜຸ່ມແຂວງ ໄດ້ສະຫຼຸບການເຄື່ອນໄຫວຈັດຕັ້ງປະຕິບັດວຽກງານກຳມະບານອັນໄດ້ຍົກໃຫ້ເຫັນດ້ານດີຜົນງານ ແລະ ດ້ານອ່ອນຂໍ້ຄົງຄ້າງ ແລະ ບາງບົດຮຽນທີ່ຖອດຖອນໄດ້ ຕະຫຼອດໄລຍະ 3 ປີ ຜ່ານມາ ແລະ ທິດທາງແຜນການໃນຕໍ່ໜ້າ; ເຊິ່ງກຳມະບານຮາກຖານຊາວໜຸ່ມແຂວງໄດ້ເຄື່ອນໄຫວຕາມພາລະບົດບາດຂອງຮາກຖານຢ່າງຕັ້ງໜ້າໃນການເຕົ້າໂຮມຄວາມສາມັກຄີພາຍໃນ ແລະ ພາຍນອກຢ່າງແໜ້ນແຟ້ນ ແລະ ໄດ້ຖືເອົາວຽກງານການສຶກສາອົບຮົມການເມືອງ – ແນວຄິດເປັນຫຼັກໃນການຊີ້ນຳໆພາສະມາຊິກກຳມະບານ, ໄດ້ເຊືອມຊືມແນວທາງນະໂຍບາຍຂອງພັກ-ລັດຢ່າງເລີກ ເຊິ່ງເຂົ້າໃນການປັບປຸງກົງຈັກການຈັດຕັ້ງໃຫ້ຕິດພັນກັບຂະບວນການຂໍ້ແຂ່ງຂັນ 5 ເປັນເຈົ້າຂອງສະຫະພັນກຳມະບານລາວວາງອອກ.
ສະຫາຍ ອຸ່ນແສງ ທູນອິນໃຈ ເລຂາໜ່ວຍພັກ, ເລຂາຄະນະບໍລິຫານງານຊາວໜຸ່ມແຂວງ ໄດ້ມີຄຳເຫັນຊີ້ນຳກອງປະຊຸມໃຫຍ່ກຳມະບານຮາກຖານຊາວໜຸ່ມແຂວງ ຢ່າງເປັນຂະບວນຟົດຟື້ນ, ເຕັມໄປດ້ວຍຄວາມເບີກບານມວນຊືື່ນຢ່າງຊຸດອົກຊຸດໃຈ ພ້ອມກັນຄັດເລືອກເອົາຄະນະຊຸດໃໝ່ໃຫ້ໄດ້ຕາມມາດຖານ ແລະ ຄາດໝາຍທີກຳໜົດໄວ້.
 ຈາກນັ້ນກອງປະຊຸມໄດ້ປ່ອນບັດຄັດເລືອກເອົາຄະນະກຳມະບານຮາກຖານຊຸດໃໝ່, ຜ່ານການປອນບັດ ແລະ ດຳເນີນກອງປະຊຸມປະຖົມມະລຶກໄດ້ເອກະສັນເລືອກເອົາ ສະຫາຍ ນາງ ກຽງຄຳ ພົມມະຈັກ ເປັນປະທານ, ສະຫາຍ ສົມຫວັງ ພອນວິໄລ ແລະ ສະຫາຍ ສົມສັກ ໄຊໄລຄຳ ເປັນຮອງປະທານ.ທັງສາມສະຫາຍຈະເປັນຜູ່ສືບຕໍ່ນຳພາຄະນະປະຕິບັດວຽກງານສືບຕໍ່ໄປ.
ໂອກາດນີ້ ສະຫາຍ ສົມພອນ ໄຊວິທູນ ຮອງປະທານສະຫະພັນກຳມະບານແຂວງ ຍັງໃຫ້ກຽດໂອ້ລົມຕໍ່ກອງປະຊຸມໃຫຍ່ເພື່ອເປັນຊີ້ທິດເຍືອງທາງໃນການຈັດຕັ້ງປະຕິບັດວຽກງານກຳມະບານກໍ່ຄືພາລະບົດບາດ, ໜ້າທີ່ ແລະ ສິດທິຂອງອົງການຈັດຕັ້ງກຳມະບານລາວໂດຍສະເພາະ ແມ່ນປະຕິບັດຄຳຂວັນ 5 ເປັນເຈົ້າຂອງສູນກາງສະຫະພັນກຳມະບານລາວວາງອອກໃຫ້ເຂັ້ມງວດ.
ຂ່າວ – ພາບ : ສຸວັນ ໜາວເຢັງຊົງ