ໂອນວຽກຄຸ້ມຄອງເງີນອຸດໜູນບໍານານ-ເສຍອົງຄະໄປຂື້ນກັບ 2 ກອງບັນຊາການ.

666

ພິທີມອບ – ໂອນວຽກງານການຄຸ້ມຄອງວຽກງານນະໂຍບາຍອຸດໜູນບໍານານ ແລະ ເສຍອົງຂະ ນາຍ ແລະ ພົນທະຫານ, ນາຍ ແລະ ພົນຕຳຫຼວດ ທີ່ຂື້ນກັບພະແນກແຮງງານ ແລະ ສະຫວັດດີການ ສົມຄົມແຂວງໄປຂື້ນກັບກອງບັນຊາການປກຊ ແລະ ປກສ ແຂວງ. ຈຸດປະສົງກໍ່ເພື່ອອຳນວຍຄວາມສະດວກໃນການຄຸ້ມຄອງໃນການຈັດຕັ້ງປະຕິບັນຂອງວຽກງານພະນັກງານນາຍ ແລະ ພົນທະຫານ, ນາຍ ແລະ ພົນຕຳຫຼວດທີ່ໄດ້ຮັບນະໂຍບາຍເງີນອຸດໜູນບຳນານ  ແລະ ເງີນເສຍອົງຄະ. ທັງນີ້ກໍ່ເພື່ອເປັນການອຳນວຍຄວາມສະດວກໃນຈັດຕັ້ງຂອງວຽກງານດັ່ງກ່າວໃຫ້ປະກົດຜົນເປັນຈິງ.

ໂອກາດນີ້, ທ່ານ ຕູ້ຍ ແກ້ວມະນີກອນ ຫົວໜ້າພະແນກແຮງງານ ແລະ ສະຫວັດດີສັງຄົມແຂວງ ໄດ້ຂຶ້ນຜ່ານມະຕິຕົກລົງຂອງຄະນະເລຂາສູນກາງພັກ ແລະ ຂໍ້ຕົງລົງຂອງແຂວງວ່າດ້ວຍການມອບ – ໂອນນາຍ ແລະ ພົນທະຫານ, ນາຍ ແລະ ພົນຕຳຫຼວດ ທີ່ໄດ້ຮັບເງີນນະໂຍບາຍ, ເງີນອຸດໜູນໄປຂື້ນກັບ 2 ກອງບັນຊາການປກຊ ແລະ ປກສ ແຂວງ.

ໃຫ້ກຽດຂຶ້ນມອບໂດຍທ່ານ ຕູ້ຍ ແກ້ວມະນີກອນ ຫົວໜ້າພະແນກແຮງງານ ແລະ ສະຫວັດດີການສັງຄົມ ກັບທ່ານ ພັນໂທ ບຸນມີ ຫົວໜ້າກອງບັນຊາການທະຫານແຂວງ ແລະ ທ່ານ ພັນເອກ ອິນສົມ ຫົວໜ້າກອງບັນຊາການ ປກສ ແຂວງ; ເຂົ້າຮ່ວມເປັນສັກຂີພິຍານໂດຍ ທ່ານ ສົມລິດ ສີພາວັນ ປະທານສະພາປະຊາຊົນແຂວງ, ມີບັນດາຕາງກອງບັນນຊາການ ປກສ ແລະ ປກຊ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

[ຂ່າວ: ບຸນເພັດ]