ນາຍົກຫວຽດນາມ ຫງວຽນ ຊວນຝຸກວາງພວງມາລາສົບພົນເອກ ສີສະຫວາດ ແກ້ວບຸນພັນ

981

ໃນວັນທີ 13 ພຶດສະພາ 2020, ສະຫາຍ ຫງວຽນ ຊວນຝຸກ ນາຍົກລັດຖະມົນຕີແຫ່ງ ສາທາລະນະລັດ ສັງຄົມນິຍົມຫວຽດນາມ, ໄດ້ຕາງໜ້າພັກ-ລັດ
ຖະບານ ແລະ ປະຊາຊົນຫວຽດນາມ ເດີນທາງມາວາງພວງມາລາ ເພື່ອໄວ້ອາໄລຕໍ່ການຈາກໄປຂອງສະຫາຍພົນເອກ ສີສະຫວາດ ແກ້ວບຸນພັນ ອະດິດກໍາມະການສູນກາງພັກສະໄໝທີ I, II, III, IV, V, VI, VII ແລະ VIII,

ອະດິດເລຂາທິການສູນກາງພັກສະໄໝທີ III ແລະ IV, ອະດິດກໍາມະການກົມການເມືອງສູນກາງພັກສະໄໝທີ IV, VI, VII ແລະ VIII, ອະດິດນາຍົກລັດຖະມົນຕີ, ອະດິດຮອງປະທານປະເທດ, ອະດິດປະທານສູນກາງແນວລາວສ້າງຊາດ, ອະດິດຫົວໜ້າເສນາທິການສູງສຸດກອງທັບປະຊາຊົນລາວ, ອະດິດລັດຖະມົນຕີປະຈໍາສໍານັກງານນາຍົກລັດຖະມົນຕີ, ອະດິດລັດຖະມົນຕີກະຊວງປ້ອງກັນຄວາມສະຫງົບ

ອະດິດເລຂາຄະນະພັກປະທານຄະນະປົກຄອງກໍາແພງນະຄອນວຽງຈັນ, ອະດິດລັດຖະມົນຕີກະຊວງກະສິກໍາແລະປ່າໄມ້ແລະອະດິດເລຂາທິການສູນກາງຊາວໜຸ່ມປະຊາຊົນປະຕິວັດລາວເພື່ອສະແດງເຖິງຄວາມຮູ້ບຸນຄຸນແລະອາໄລອາວອນຢ່າງສຸດຊຶ້ງຕໍ່ການຈາກໄປຂອງສະຫາຍພົນເອກສີສະຫວາດແກ້ວບຸນພັນຢ່າງບໍ່ມີມື້ຫວນກັບຄືນມາ.ສະຫາຍພົນເອກ ສີສະຫວາດ ແກ້ວບຸນພັນ ແມ່ນນັກຮົບປະຕິວັດທີ່ອົງອາດກ້າຫານ

ທີ່ໄດ້ຮ່ວມສໍາພັນສູ້ຮົບຄຽງບ່າຄຽງໄລ່ກັບທະຫານນັກຮົບປະຕິວັດຫວຽດນາມ ເພື່ອຕໍ່ສູ້ກູ້ຊາດຕ້ານກັບພວກຈັກກະພັດລ່າເມືອງຂຶ້ນແບບເກົ່າ ແລະ ໃໝ່, ສະຫາຍພົນເອກ ສີສະຫວາດ ແກ້ວບຸນພັນ ບໍ່ພຽງແຕ່ເປັນຜູ້ທີ່ເຄົາລົບຮັກ ຂອງກໍາລັງປະກອບອາວຸດ ແລະ ປະຊາຊົນລາວບັນດາເຜົ່າເທົ່ານັ້ນ, ແຕ່ຍັງແມ່ນຜູ້ທີ່ເຄົາລົບນັບຖືຈາກພັກ-ລັດຖະບານ, ກໍາລັງປະກອບອາວຸດ ແລະ ປະຊາຊົນ ສສ.ຫວຽດນາມ ນໍາດ້ວຍ.