ກະຊວງປ້ອງປ້ອງກັນປະເທດ ເຜີຍແຜ່ເອກະສານການປ້ອງກັນພະຍາດ ໂຄວິດ-19 ຢູ່ທະຫານແຂວງອຸດົມໄຊ

534

ສະຫາຍ ພັນເອກ ດຣ ນາງ ວັນເພັງ ພວງສາວະດີ ຮອງຫົວໜ້າກົມເສນາຮັກ ກົມໃຫຍ່ພະລາທິການກອງທັບ ພ້ອມດ້ວຍຄະນະສະເພາະກິດປ້ອງກັນ, ສະກັດກັ້ນການແຜ່ລະບາດ ໂຄວິດ-19 ໄດ້ລົງມາເຜີຍແຜ່ເອກະສານການປ້ອງ ກັນ, ຄວບຄຸມ ແລະແກ້ໄຂການແຜ່ລະບາດຂອງພະຍາດໂຄວິດ-19 ຢູ່ກອງບັນຊາການທະຫານແຂວງ ອຸດົມໄຊ, ເຂົ້າຮ່ວມໂດຍມີ ສະຫາຍ ພັນໂທ ຄຳເຜີຍ ໂສມພັນ ຮອງເລຂາພັກ ຫົວໜ້າການທະຫານກອງບັນຊາການທະຫານແຂວງ ອຸດົມໄຊ, ສະຫາຍ ພັນໂທ ດາວວັນດີ ວົງພະຈິດ ຄະນະພັກກອງພົນ ຫົວໜ້າຫ້ອງພະລາທິການກອງພົນທະຮາບທີ3, ມີຄະນະພັກ-ຄະນະບັນຊາກອງບັນຊາການທະຫານແຂວງ ຜົງສາລີ, ຫຼວງນ້ຳທາ, ບໍ່ແກ້ວ, ສາງນ້ຳມັນເລກ3, ໂຮງງານຕັດຫຍີບເລກ2, ກອງບັນຊາການທະຫານແຂວງ ອຸດົມໄຊ, ໂຮງຮຽນທະຫານທ້ອງຖີ່ນ, ໂຮງໝໍທະຫານແຂວງ, ກົມກອງອ້ອມຂ້າງພ້ອມດ້ວຍພະນັກງານວິຊາການເຂົ້າຮ່ວມ.

ເອກະສານທີນຳມາເຜີຍແຜ່ມີ: ແຜນການຮັບມືຕໍ່ກັບການລະບາດຂອງພະຍາດ ໂຄວິດ-19, ຂະບວນການປ້ອງກັນ ແລະ ສະກັດກັ້ນການລະບາດ ໂຄວິດ-19 ໃນບັນດາການຊຸມນຸມຫຼາຍຄົນ ເວລາມີການລະບາດ, ການປ້ອງກັນ ແລະ ສະກັດກັ້ນການລະບາດ ໂຄວິດ-19 ຢູ່ສະຖາບັນທີ່ກັກກັນບໍລິເວນເຕົ້າໂຮມ, ຂະບວນການປ້ອງກັນ ແລະ ສະກັດກັ້ນການແຜ່ເຊື້ອຢູ່ພະແນກປີ່ນປົວຄົນເຈັບເປັນພະຍາດ, ສົງໃສເປັນພະຍາດໂຄວິດ-19, ຂະະບວນການກວດຄັດຕອງຄົນເປັນພະຍາດ, ສົງໃສເປັນພະຍາດ ໂຄວິດ -19ຢູ່ສະຖາບັນປີ່ນປົວ, ການຄັດຕອງ, ຮັບຮູ້ທັນທີບັນດາກໍລະນີເປັນພະຍາດ, ສົງໃສເປັນພະຍາດ ໂຄວິດ-19 ໃນວຽກງານຄັດເລືອກທະຫານໃໝ່, ຂະບວນການເຄື່ອນສົ່ງຄົນເຈັບເປັນພະຍາດ, ສົງໃສເປັນພະຍາດ ໂຄວິດ-19, ແນະນຳ, ຮັກສາ, ຫ້ອມຫໍ່ ແລະ ເຄື່ອນສົ່ງຕົວຢ່າງວິເຄາະໂຄວິດ-19, ແນະນຳວິເຄາະເພື່ອຮັບຮູ້ສາເຫດກໍໃຫ້ເກີດພະຍາດໂຄວິດ-19, ຂະບວນການຕ້ອນຮັບ, ປະຕິບັດການວິເຄາະໂລຫິດວິທະຍາ ແລະ ເຄມີຊີວະຕໍ່ກັບຕົວຢ່າງພະຍາດຂອງຄົນເປັນພະຍາດ, ສົງໃສເປັນພະຍາດໂຄວິດ-19 ແລະ ກະບວນການຈັດການເຂດພະຍາດໂຄວິດ-19 ຢູ່ສະໜາມ.

ຈຸດປະສົງ ເພື່ອເປັນເອກະພາບທາງດ້ານການເມືອງແນວຄິດຢ່າງເປັນລະບົບໃນທົ່ວປະເທດ, ທົ່ວປວງຊົນ ແລະ ທົ່ວກອງທັບ, ແນ່ໃສ່ເຮັດໃຫ້ບໍ່ໃຫ້ມີຜູ້ຕິດເຊື້ອເພີ່ມຂື້ນຢູ່ໃນ ສປປ ລາວເຮົາ ກໍຄືກອງທັບ ພ້ອມທັງນຳໃຊ້ທຸກວິທີທາງຢ່າງເຂັ້ມງວດໃນການປ້ອງກັນ, ສະກັດກັ້ນບໍ່ໃຫ້ພະຍາດລະບາດຈາກປະເທດອືນເຂົ້າສູ່ປະເທດເຮົາ, ບໍ່ໃຫ້ແຜ່ລາມເປັນວົງກ້ວາງເຂົ້າສູ່ຊຸມຊົນ ກໍຄືບັນດາກົມກອງທະຫານ, ຕ້ານ ແລະປ້ອງກັນພະຍາດໂຄວິດ-19 ຢ່າງເຂັ້ມງວດສົມຄູ່ກັບການປ້ອງກັນພະຍາດອື່ນໆ ຮັບປະກັນຊີວິດການເປັນຢູ່ຂອງນາຍ ແລະພົນທະຫານໃຫ້ໄດ້ດີ, ມີສຸຂະພາບແຂງແຮງ, ສາມາດຮ່ຳຮຽນ, ເຮັດໜ້າທີ່ ແລະກຽມພ້ອມສຸ້ຮົບໄດ້ຕະຫຼອດເວລາ, ພ້ອມກັນຜັນຂະຫຍາຍວິທີການຢ່າງເປັນເອກະພາບ, ເຂັ້ມງວດ, ປະຕິບັດສາຍພົວພັນມູນເຊື້ອອັນດີງາມລະຫວ່າງທະຫານກັບປະຊາຊົນໃຫ້ດີ ໂດຍສະເພາະການຮ່ວມມືກັນຢ່າງຕັ້ງໜ້າໃນການປ້ອງກັນແລະຕ້ານພະຍາດທີ່ກຳລັງລະບາດໃນປັດຈຸບັນ.

ໂດຍ: ທະນູວັນ