ປະກາດແຕ່ງຕັ້ງຮອງຫົວໜ້າກອງບັນຊາການທະຫານແຂວງຫລວງນໍ້າທາ

904

ໃນການປະກາດການແຕ່ງຕັ້ງຮອງຫົວຫນ້າກອງບັນຊາການ ຜູ້ຊີ້ນໍາວຽກງານພາລາທິການທະຫານແຂວງຫຼວງນໍ້າທາ ເຊີ່ງຈັດຂື້ນໃນວັນທີ່ 7 ພືດສະພາ 2020 ຢູ່ທີ່ສະໂມສອນກອງບັນຊາການທະຫານແຂວງ, ໂດຍການເປັນປະທານຂອງ ທ່ານ ພົນຕີ ປອ ວົງຄຳ ພົມມະກອນ ຄະນະປະຈໍາພັກກະຊວງປອ້ງກັນປະເທດ ຫົວໜ້າກົມໃຫຍ່ພາລາທິການກອງທັບ, ມີທ່ານ ຈັນທອງ ແກ້ວປະເສີດ ກໍາມະການປະຈຳພັກແຂວງ ຫົວຫນ້າຄະນະຈັດຕັ້ງແຂວງ, ທ່ານ ພົນຈັດຕະວາ ອີ່ນແກ້ວ ມະນີຈັນ, ກຳມະການພັກແຂວງ, ຫົວໜ້າກອງບັນຊາການທະຫານແຂວງຫຼວງນໍ້າທາ ມີກຳມະການພັກແຂວງ,ອົງການຈັດຕັ້ງທີ່ກ່ຽວຂ້ອງຂັ້ນແຂວງ, ຮອງຫົວໜ້າກົມແຜນການກົມໃຫຍ່ພາລາທິການກອງທັບ, ຕະຫຼອດຮອດຫົວໜ້າ-ຮອງຫົວໜ້າພະແນກ 5 ຫ້ອງອ້ອມຂ້າງເຂົ້າຮ່ວມ.

ໃນພີທີ ທ່ານ ພັນໂທ ບົວຄຳ ພົມມະໄຊ ຮອງຫົວຫນ້າກົມແຜນການ ກົມໃຫຍ່ພາລາທິການກອງທັບ ໄດ້ຜ່ານຂໍ້ຕົກລົງຂອງລັດຖະມົນຕີປ້ອງກັນປະເທດ ເລກທີ 1244 /ກປທ , ລົງວັນທີ 25 ກຸມພາ 2020 ວ່າດ້ວຍການແຕ່ງຕັ້ງຄະນະກອງບັນຊາການ ແລະ ຄະນະຫ້ອງຂອງກອງບັນຊາການທະຫານແຂວງຫຼວງນໍ້າທາໂດຍປະຕິບັດຕາມກົດໝາຍນາຍທະຫານກອງທັບປະຊາຊົນລາວສະບັບປັບປຸງໃນພາກທີ II ໝວດທີ 4 ມາດຕາ 26 ວ່າດ້ວຍການແຕ່ງຕັ້ງ, ຍົກຍ້າຍນາຍທະຫາຍ, ກະຊວງປ້ອງກັນປະເທດຕົກລົງແຕ່ງຕັ້ງ ພັນໂທ ຄຳເປີງ ໄຊທະວີ ເປັນຮອງ,ຮັບຜປິດຊອບວຽກງານພາລາທິການ ທັງເປັນຫົວໜ້າຫ້ອງພາລາທິການ,ທ່ານ ພັນໂທ ກໍາມະນີ ມິດລະແສນ ເປັນຮອງຫົວຫນ້າຫ້ອງພາລາທິການ ແລະ ຂໍ້ຕົກລົງຂອງກົມໃຫຍ່ການເມືອງກອງທັບ ເລກທີ 618 / ກມທ ລົງວັນທີ 11 ກຸມພາ 2020 ວ່າດ້ວຍການແຕ່ງຕັ້ງຮອງຫົວຫນ້າພະແນກຂົນສົ່ງຂອງກອງບັນຊາການທະຫານແຂວງຫຼວງນໍ້າທາ, ກົມໃຫຍ່ການເມືອງກອງທັບຕົກລົງແຕ່ງຕັ້ງ ທ່ານ ພັນຕີ ຄຳພອນ ລໍຫວັນວົງສາ ເປັນຮອງຫົວໜ້າພະແນກຂົນສົ່ງຂອງກອງບັນຊາການທະຫານແຂວງຫລວງນໍ້າທາ.

ໂອກາດດັ່ງກ່າວທ່ານ ພົນຕີ ປອ ວົງຄຳ ພົມມະກອນ ຄະນະປະຈຳພັກກະຊວງ ຫົວໜ້າກົມໃຫຍ່ພາລາທິການກອງທັບຍັງໄດ້ໂອ້ລົມເຊີ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຫຼາຍດ້ານຂອງອ້າຍນ້ອງນາຍ ແລະ ພົນທະຫານທີ່ຍາດມາໄດ້ໃນໄລຍະຜ່ານມາ ແລະ ທ່ານໄດ້ເນັ້ນໜັກໃຫ້ຜູ້ທີ່ໄດ້ຮັບການແຕ່ງຕັ້ງໃນຄັ້ງນີ້ຈົ່ງພ້ອມກັນເຊີດຊູນໍ້າໃຈອັນແຮງກ້າຊີ້ນຳ-ນຳພາອ້າຍນ້ອງໃນຂອບເຂດຄວາມຮັບຜິດຊອບຂອງຕົນໃຫ້ມີປະສິດຕິພາບສູງ ແລະ ມີຜົນສຳເລັດໃນທຸກດ້ານ.