ດ່ານສາກົນພູເກືອຕິດຕັ້ງເຄື່ອງສະແກນອຸນຫະພູມແບບທັນສະໄຫມ

579

ໃນລະຫວ່າງວັນທີ 30 ເມສາ 2020 ຜ່ານມາ ພະແນກສາທາລະນະສຸກແຂວງອັດຕະປື ໄດ້ຕິດຕັ້ງ ເຄື່ອງກວດອຸນຫະພູມ ຫລື ອຸປະກອນ ສະແກນ ອຸ່ນຫະພູມ ແບບທັນສະໄຫມ ທີ່ດ່ານສາກົນພູເກືອ ໂດຍການໃຫ້ກຽດເຂົ້າຮ່ວມຂອງທ່ານ ໜູພາດ ພົມແກ່ນທ້າວ ຮອງຫົວໜ້າພະແນກສາທາລະນະສຸກແຂວງອັດຕະປື ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານ ໜູພາດ ພົມແກ່ນທ້າວ ກ່າວວ່າ: ອຸປະກອນດັ່ງກ່າວແມ່ນໄດ້ຮັບອະນຸຍາດຈາກຄະນະນໍາຂອງແຂວງ ໄດ້ເຫັນດີ ແລະ ເອກະພາບໄປຕິດຕັ້ງຢູ່ດ່ານ ສາກົນພູເກືອ ອີກຢ່າງຫນຶ່ງ ກໍ່ເຫັນໄດ້ຄວາມຈໍາເປັນ ໃນການປ້ອງກັນ, ຄວບຄຸມການແຜ່ລະບາດຂອງ ພະຍາດຄວິດ-19 ດັ່ງນັ້ນ ທາງການນໍາຂອງແຂວງຈຶ່ງໄດ້ເຫັນດີຈັດຊື້ອຸປະກອນ ສະແກນ ອຸນຫະພູມ ທີ່ມີປະສິດທິຜົນສູງ ໃນມູນຄ່າ 1ຮ້ອຍ6ລ້ານກີບ

ເພື່ອມອບໃຫ້ ພະແນກສາທາລະນະສຸກແຂວງ ເປັນເຈົ້່າການປົກປັກຮັກສາ, ລົງຕິດຕັ້ງບ່ອນຈຸດທີ່ຫລໍ່ແຫລມ ເຂົ້າ-ອອກກໍຄືດ່ານສາກົນພູເກືອ ເພື່ອຮັບປະກັນທາງດ້ານມາດຕະຖານ ແລະ ຄຸນນະພາບ ໃນການກວດກາ ອຸນຫະພູມ ມີຄວາມວ່ອງໄວ ແລະ ທັນສະໄຫມ ກວ່າເກົ່າ
ຂ່າວ:ມະນີວອນ