28ວັນມີຄົນຜ່ານຈຸດກວດອຸນນະພູມ ເກືອບ500ຄົນທີ່ເມືອງຕຸມລານ

653

ວັນທີ 6 ພຶດສະພາ 2020ນີ້ ຈຸດກວດກາອຸນຫະພູມເຂດບ້ານນາດູ່ ເມືອງຕຸ້ມລານ ແຂວງສາລະວັນ ໄດ້ຈັດກອງປະຊຸມສະຫຼຸບວຽກງານການຈັດຕັ້ງປະຕິບັດເພີ້ມທະວີມາດຕະການສະກັດກັ້ນ, ປ້ອງກັນການລະບາດຂອງພະຍາດໂຄວິດ 19 ເຊິ່ງຈັດຂຶ້ນຢູ່ຫ້ອງການບ້ານນາວຽງຮ່ອງ ໂດຍໃຫ້ກຽດເຂົ້າຮ່ວມຂອງທ່ານ ວັນເພັງ ອິນທະສອນ ຮອງເຈົ້າເມືອງຕຸ້ມລານ

ທ່ານ ກຸນ ເພັດລາສີ ເລຂາໜ່ວຍພັກ-ນາຍບ້ານໆນາວຽງຮ່ອງໄດ້ຂຶ້ນຜ່ານບົດສະຫຼຸບວຽກ ງານການຈັດຕັ້ງປະຕິບັດເພີ້ມທະວີມາດຕະການສະກັດກັ້ນ, ປ້ອງກັນການລະບາດຂອງພະຍາດໂຄວິດ 19 ຢູ່ຈຸດກວດກາອຸ່ນຫະພູມເຂດບ້ານນາດູ່ ເມືອງຕຸ້ມລານ ຜ່ານການຈັດຕັ້ງປະຕິບັດທັງໝົດ 28 ວັນ ນັບແຕ່ວັນທີ 8 ເມສາ -5 ພຶດສາພາ 2020 ມີຈໍານວນຄົນທີຜ່ານຈຸດກວດກາອຸ່ນຫະພູມທັງໝົດ 485 ຄົນ ຍິງ 110 ຄົນ, ໃນນັ້ນມີຄົນຕ່າງປະເທດ 2 ຄົນ, ແຂວງຄຳມ່ວນ 1 ຄົນ, ແຂວງສະຫວັນນະເຂດ 12 ຄົນ, ຍິງ 6 ຄົນ ແລະ ແຂວງຈໍາປາສັກ 2 ຄົນ ຜ່ານການກວດກາແມ່ນບໍ່ພົບກໍລະນີສົ່ງໄສ

ນອກຈາກນັ້ນທ່ານ ສົມໃຈນຶກ ແກ້ວບຸນມີ ຫົວໜ້າຫ້ອງການແຜນການ ແລະ ການລົງທຶນເມືອງ ມີຄຳເຫັນໃນບາງຈຸດເປັນຕົ້ນແມ່ນ: ອີງຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 524/ ຫສນຍ ວ່າດ້ວຍການສືບຕໍ່ປະຕິບັດບັນດາມາດຕະການໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດ 19 ໃນໄລຍະ 4-17 ພຶດສະພາ 2020.

ໂດຍໃຫ້ໂຈະບັນດາດ່ານທີເຊື່ອມຕໍ່ລະຫວ່າງເມືອງຕໍ່ເມືອງພາຍໃນແຂວງ ສວ່ນບັນດາດ່ານທີເຊື່ອມຕໍ່ລະຫວ່າງເມືອງຕໍ່ເມືອງຕ່າງແຂວງແມ່ນໃຫ້ສຶບຕໍ່ຕັ້ງຈຸດກວດກາອຸ່ນຫະພູມຄືເກົ່າ ພ້ອມດຽວກັນນີ້ຍັງໄດ້ຮັບຟັງການຜ່ານຂໍ້ຕົກລົງເພີ້ມເຕີມຂອງທ່ານເຈົ້າເມືອງຕຸ້ມລານ ສະບັບເລກທີ 142/ຈມ.ຕລ ລົງວັນທີ 30 ເມສາ 2020 ວ່າດ້ວຍການແຕ່ງຕັ້ງຄະນະຊີ້ນຳລວມ ແລະຄະນະ ຮັບຜິດຊອບປະຈຳ ຈຸດກັກກັ້ນ ສຳລັບຜູ້ທີມາຈາກເຂດທີມີຄວາມສ່ຽງຕໍ່ການແຜ່ລະບາດພະຍາດໂຄວິດ 19 ໃນເມືອງຕຸ້ມລານ. ພ້ອມທັງເໜັ້ນໜັກໃຫ້ກໍາລັງປກຊ-ປກສ, ແພດໝໍ ແລະ ຄະນະສະເພາະກິດເອົາໃຈໃສ່ຈັດຕັ້ງປະຕິ ບັດຢ່າງເຄັງຄັດຄືເກົ່າ ເຖິ່ງວ່າຈຸດກວດກາອຸນຫະພູມບາງຈຸດໂຈະຊົວຄາວກໍ່ຕາມ.

ໂດຍ: ວຽງສະຫວັນ ແສນຄຳ