ພະແນກ ປທສ ແຂວງບໍ່ແກ້ວ ປະກາດແຕ່ງຕັ້ງສັບຊ້ອນພະນັກງານຫຼາຍຕໍາແໜ່ງ.

646

ໃນວັນທີ 05 ພຶດສະພາ 2020 ພະແນກໄປສະນີໂທລະຄົມມະນາຄົມ ແລະ ການສື່ສານແຂວງບໍ່ແກ້ວ ໄດ້ມີພິທີປະກາດແຕ່ງຕັ້ງຮອງພະແນກເພີ່ມ 1 ທ່ານ ແລະ ຫົວໜ້າຂະແໜງ 02 ທ່ານ, ຮອງຂະແໜງ 05 ທ່ານ ຍິງ 1 ທ່ານ ໂດຍເປັນກຽດເຂົ້າຮ່ວມຂອງ ທ່ານ ເພັງສອນ ແກ້ວວິໄລ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ, ທ່ານ ທອງຈັນ ພົມມະຫານ ຫົວໜ້າພະແນກໄປສະນີໂທລະຄົມມະນາຄົມ ແລະ ການສື່ສານແຂວງ, ມີຄະນະພະແນກຫົວໜ້າ, ຮອງຫົວໜ້າຂະແໜງການ ແລະ ພະນັກກງານລັດຖະກອນເຂົ້າຮ່ວມ.

 ໂອກາດນີ້, ທ່ານ ແກ້ວລາ ນໍລະສິງ ຮອງຫົວໜ້າຄະນະຈັດຕັ້ງແຂວງໄດ້ຜ່ານມະຕິຕົກລົງຂອງຄະນະປະຈຳພັກແຂວງ ວ່າດ້ວຍການຕົກລົງເຫັນດີໃຫ້ ສະຫາຍ ພອນສະໄໝ ພິດທະຈິດ ຫົວໜ້າຂະແໜງໄປສະນີ ແລະ ດັດສົມໂທລະຄົມ ເປັນຮອງພະແນກໄປສະນີໂທລະຄົມມະນາຄົມ ແລະ ການການສື່ສານແຂວງ, ແລະ ເຫັນດີແຕ່ງຕັ້ງພະນັກງານຫົວໜ້າຂະແໜງ 02 ທ່ານ, ຮອງຂະແໜງ 05 ທ່ານ ຄື:

ທ່ານ ບຸນເລີດ ອຸທະຍອດ ເປັນຫົວໜ້າຂະແໜງບໍລິຫານ, ທ່ານ ສາຄອນ ສີລິປັນຍາ ເປັນຫົວໜ້າຂະ ແໜງໄປສະນີ ແລະ ດັດສົມໂທລະຄົມມະນາຄົມ, ທ່ານ ອົ້ນກິ ວົງວິໄລ ເປັນຮອງຫົວໜ້າຂະແໜງບໍລິຫານຈັດຕັ້ງ ແລະ ກວດກາ, ທ່ານ ນາງ ວຽງສະຫວັນ ຈຳປາໂທ ເປັນຮອງຂະແໜງແຜນການ ແລະ ການເງີນ, ທ່ານ ກິດຕະພອນ ນ້ອຍຍອດ ເປັນຮອງຫົວໜ້າຂະແໜງໄປສະນີ ແລະ ດັດສົມໂທລະຄົມມະນາຄົມ (ວຽກງານໄປສະນີ), ທ່ານ ວິລັນ ມະນີລັດ ເປັນຮອງຂະແໜງໄປສະນີ ແລະ ດັດສົມໂທລະຄົມມະນາຄົມ (ວຽກງານຄື້ນຄວາມຖີວິທະຍຸສື່ສານ) ແລະ ທ່ານ ອຸ່ນເມືອງ ພົມປັນຍາ ເປັນຮອງຂະແໜງເຕັກໂນໂລຊີການສື່ສານຂໍ້ມູນ-ຂ່າວສານ.

ໃນຕອນທ້າຍ, ທ່ານ ເພັງສອນ ແກ້ວວິໄລ ໄດ້ມີຄຳເຫັນໂອລົມເນັ້ນໜັກໃຫ້ເປັນດາສະຫາຍທີ່ໄດ້ຮັບໜ້າທີຕຳແໜ່ງໃໝ່ ຕ້ອງເພິ່ມທະວີເອົາໃຈໃສ່ເປັນຕົ້ນແມ່ນຖືເອົາວຽກງານສຶກສາອົບຮົມການເມືອງແນວຄິດຕິດພັນກັບໜ້າທີ່ວິຊາສະເພາະເປັນຕົ້ນແມ່ນແບບແຜນວິທີນຳພາ, ແບບແຜນວິທີເຮັດວຽກ, ພ້ອມກັນຈັດຕັ້ງປະຕິບັດຕາມພາລະບົດບາດສິດ ແລະ ໜ້າທີຕາມການຈັດຕັ້ງຂັ້ນເທິງມອບໝາຍໃຫ້ແລະມີຄວາມຮັບຜິດຊອບສູງຕໍ່ໜ້າທີການເມືອງຢ່າງໜັກແໜ້ນ.

(ເນື້ອໃນ-ພາບ: ບຸນເພັດ)