ບໍລິສັດ ຈະເລີນເຊກອງ ກຣູບ ມອບເງິນ 250ລ້ານ ກີບ ຊ່ວຍແຂວງຈໍາປາສັກ ຕ້ານໂຄວິດ-19

675

ວັນທີ 4 ພຶດສະພາ 2020 ນີ້ຢູ່ຫ້ອງວ່າການແຂວງຈໍາປາສັກ ທ່ານ ປອ. ວິໄລວົງ ບຸດດາຄໍາ ເຈົ້າແຂວງຈໍາປາສັກ ໃຫ້ກຽດຮັບເງິນ ຈາກບໍລິສັດ ຈະເລີນເຊກອງ ກຣູບ ຈໍາກັດຜູ້ດຽວ ຈໍານວນ 250.000.000 ກີບທີ່ນໍາມາມອບຊ່ວຍແຂວງຈໍາປາສັກ ນໍາໃຊ້ເຂົ້າໃນການປ້ອງກັນ, ຕອບຕ້ານການລະບາດຂອງພະຍາດ ໂຄວິດ-19

ໂອກາດນີ້ທ່ານ ປອ. ວິໄລວົງ ບຸດດາຄໍາ ກໍໄດ້ກ່າວສະແດງຄວາມຊົມເຊີຍຕໍ່ບໍລິສັດດັ່ງກ່າວ ແລະ ຢືນຢັນຈະນໍາໃຊ້ເງິນຈໍານວນທັງໝົດ ເຂົ້າໃນວຽກງານການຕອບຕ້ານພະຍາດ ໂຄວິດ-19 ໃຫ້ເກີດປະໂຫຍດສູງສຸດ ເປັນຕົ້ນ: ນໍາໃຊ້ຊື້ວັດຖຸດິບຜະລິດຜ້າອັດປາກ-ອັດດັງ, ຊື້ອຸປະກອນຮັບໃຊ້ທີ່ຈໍາເປັນ ແລະ ນໍາໃຊ້ເຂົ້າໃນການນະໂຍບາຍຕ່າງໆ.

ໃຫ້ກຽດເຂົ້າຮ່ວມໃນພິທີມອບ-ຮັບ ຄັ້ງນີ້ມີທ່ານ ບົວລິນ ວົງພະຈັນ ຮອງເຈົ້າແຂວງ ຈໍາປາສັກ ພ້ອມການນໍາຂອງແຂວງ ແລະ ຜູ້ຕາງໜ້າຂອງບໍລິສັດ ຈະເລີນເຊກອງ ກຣູບ ຈໍາກັດຜູ້ດຽວ.