ເຮືອຫຼົ້ມກາງນໍ້າຂອງ 2 ລໍາເສຍຊີວິດ1ສົບ

1190

ສະມາຄົມກູ້ໄຟໄທລາຍງານໃນວັນທີ 4 ພຶດສະພາ 2020 ເວລາ 11:46 ໂມງ ເກີດລົມພາຍຸຜ່ານບໍລິເວນເມືອງທາດພະນົມ ຢ່າງຮຸນແຮງ ແລະ ເມື່ອເວລາ 12:19 ໂມງ ໄດ້ຮັບແຈ້ງວ່າມີເຮືອຊາວບ້ານຫາປາຫຼົ້ມຢູ່ບໍລິເວນກາງແມ່ນໍ້າຂອງ.

ສະມາຄົມກູ້ໄພຝັ່ງໄທ ດັ່ງກ່າວໄດ້ນໍາເອົາເຈັສສະກີອອກກວດສອບ ພົບເຫັນເພດຊາຍນຸ່ງເສື້ອເຫຼືອງຈັບຢູ່ກັບເຮືອທີ່ປີ້ນຂວໍ້າ ກູ້ໄພຈຶ່ງນໍາພາຊາຍເສື້ອເຫຼືອງເຂົ້າໄປຝັ່ງດ້ວຍຄວາມປອດໄພ ປາກົດວ່າເປັນປະຊາຊົນລາວທີ່ອອກມາຫາປາ ແລ້ວມາປະເຊີນກັບຟອງນໍ້າແຮງເຮັດໃຫ້ເຮືອຂວໍ້າ ຕໍ່ມາກໍມີຍາດພີ່ນ້ອງໄປຮັບເອົາກັບຄືນຝັ່ງ ສປປ ລາວ

ຕໍ່ມາບໍ່ນານກໍມີເຫດເຮືອປີ້ນຂວໍ້າອີກລໍາໜຶ່ງ ເຊິ່ງມີປະຊາຊົນໄທ 2 ຄົນອອກມາຫາປາ. ຄົນ 1 ແມ່ນອາໄສຈັບຢູ່ກັບເຮືອ ແລະ ອີກຄົນ 1 ຈົມນໍ້າຕາຍ ທີ່ບໍລິເວນທ້າຍເຂື່ອນ ມ. 18 ທ້າຍຫາດແຫ່ ຕາແສງນໍ້າກໍ່າ ເມືອງທາດພະນົມ ແຂວງນະຄອນພະນົມ

ຂໍຂອບໃຈກູ້ໄພຝັ່ງໄທ
ຂໍສະແດງຄວາມເສຍໃຈມາຍັງຄອບຄົວຜູ້ເສຍຫາຍພ້ອມນີ້ດ້ວຍ