ກຸ່ມບໍລິສັດ ພົງຊັບທະວີ ມອບເຄື່ອງຊ່ວຍຫາຍໃຈຄົບຊຸດ 5 ເຄື່ອງ ມູນຄ່າ 1,4 ຕື້ກວ່າ ໃຫ້ລັດຖະບານ

548

ໃນວັນທີ 5 ພຶດສະພາ 2020 ທີ່ຫ້ອງວ່າການສຳນັກງານນາຍົກລັດຖະມົນຕີ ໄດ້ມີ ກຸ່ມບໍລິສັດພົງຊັບທະວີ ຈຳກັດຜູ້ດຽວ ໄດ້ນຳເອົາອຸປະກອນເຄື່ອງຊ່ວຍຫາຍໃຈຄົບຊຸດ ຈຳນວນ 5 ເຄື່ອງ ເຊິ່ງນຳເຂົ້າຈາກ ສ.ເກົາຫຼີ ມອບໃຫ້ແກ່ລັດຖະບານ ເພື່ອກຽມພ້ອມຮັບໃຊ້ໃນການຊ່ວຍເຫຼືອຜູ້ປ່ວຍພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ຫຼື ໂຄວິດ-19 ລວມມູນຄ່າ 1.480.000.000 ກີບ. ມອບໂດຍ ທ່ານ ນາງ ວຽງສະຫວັນ ເສນາພວນ ຮອງປະທານກຸ່ມບໍລິສັດພົງຊັບທະວີ ຈຳກັດຜູ້ດຽວ ແລະ ຕາງໜ້າລັດຖະບານຮັບໂດຍ ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ທັງເປັນຫົວໜ້າຄະນະສະເພາະກິດຕ້ານ, ຄວບຄຸມ ແລະ ແກ້ໄຂພະຍາດໂຄວິດ-19.

ເນື່ອງໃນໂອກາດດັ່ງກ່າວ ທ່ານ ສົມດີ ດວງດີ ກໍໄດ້ກ່າວຂອບໃຈມາຍັງ ກຸ່ມບໍລິສັດ ພົງຊັບທະວີ ທີ່ໄດ້ປະກອບສ່ວນຊື້ອຸປະກອນດັ່ງກ່າວ ແລະ ເຫັນວ່າການຊ່ວຍເຫຼືອໃນຄັ້ງນີ້ບໍ່ແມ່ນເທື່ອທຳອິດ ແລະ ວັດຖຸດັ່ງກ່າວຈະເປັນມູນມັງໃຫ້ແກ່ລັດ ກໍຄືສາທາລະນະສຸກນຳໄປໃຊ້ໃຫ້ຍາວນານ ບໍ່ສະເພາະແຕ່ຮັບໃຊ້ໄລຍະການລະຍາດຂອງພະຍາດໂຄວິດ-19 ເຄື່ອງຊ່ວຍຫາຍໃຈຂະແໜງສາທາລະນະສຸກ ກໍຍັງມີຫຼາຍບ່ອນທີ່ຍັງບໍ່ພຽງພໍ ເຊິ່ງທາງຄະນະຈະຈັດສົ່ງເຄື່ອງເຫຼົ່ານີ້ໃຫ້ແກ່ໂຮງໝໍທີ່ມີຄວາມຕ້ອງການ ແລະ ເໝາະສົມ ເພື່ອໃຫ້ເກີດປະໂຫຍດສູງສຸດ.

ຂໍ້​ມູນ​ຂ່າເສດ​ຖະ​ກິດ​ການ​ຄ້າ