ນຳສົ່ງແຮງງານລາວ 103 ຄົນ ທີ່ມາຈາກປະເທດສຸມສ່ຽງເຂົ້າສູນກັ່ນກອງຢູ່ຫຼັກ 27

464

ໃນວັນທີ 04 ພຶດສະພາ 2020 ເຈົ້າໜ້າທີ່ຕໍາຫຼວດ ປກສ ນະຄອນຫຼວງວຽງຈັນ ໄດ້ນຳລົດ CA 2 ຄັນລົດ ໄປຮັບຕ້ອນແຮງງານລາວທີ່ເດີນທາງມາແຕ່ປະເທດທີ່ມີຄວາມສ່ຽງ ມີທັງໝົດ 103 ຄົນ ຍິງ 44 ຄົນ ເພື່ອນໍາສົ່ງເຂົ້າສູນກັັ່ນກອງຢູ່ຫຼັກ 27,

ເພື່ອໄຈ້ແຍກບຸກຄົນທີ່ມີຄວາມສ່ຽງຕິດເຊື້ອພະຍາດໂຄວິດ-19; ໃນກໍລະນີເບື້ອງຕົ້ນຖ້າກວດກາພົບອາການທີ່ຕິດຊື້ອແມ່ນຈະຖືກນຳສົ່ງໄປໂຮງໝໍທັນທີ, ຖ້າບໍ່ພົບເຊື້ອແມ່ນຈະໃຫ້ພັກອາໄສຢູ່ໃນສູນກັ່ນກອງ ຫຼັກ 27 ເພື່ອຕິດຕາມກວດຫາເຊື້ອພະຍາດຈົນຄົບ 14 ວັນ, ຖ້າບໍ່ມີອາການແມ່ນໃຫ້ກັບໄປກັກກັນຕົນເອງຢູ່ບ້ານຕື່ມອີກ 14 ວັນ.

ຕໍ່ກັບບັນຫາຂອງເຊື້ອພະຍາດໂຄວິດ-19 ເຈົ້າໜ້າທີ່ ປກສ ນະຄອນຫຼວງວຽງຈັນ ຂໍຄວາມຮ່ວມມືນໍາປະຊາຊົນລາວທີ່ເດີນທາງມາແຕ່ປະເທດທີ່ມີຄວາມສ່ຽງ ແມ່ນໃຫ້ປະຕິບັດຕາມຄຳແນະນຳຂອງເຈົ້າໜ້າທີ່ທຸກພາກສ່ວນຢ່າງເຄັງຄັດ. ທັງນີ້, ກໍເພື່ອບໍ່ໃຫ້ມີການລະບາດ ແລະ ມີຜູ້ຕິດເຊື້ອພະຍາດເພີ່ມ ຫຼື ແຜ່ລະບາດອອກເປັນວົງກວ້າງ ເພື່ອເຮັດໃຫ້ຄົນໃນສັງຄົມລາວໄດ້ກັບມາໃຊ້ຊີວິດຢ່າງເປັນປົກກະຕິໂດຍໄວ.