ມອບ-ຮັບອັດຖິທະຫານຫວຽດນາມກັບຄືນປະເທດ

439

ປະຕິບັດຕາມນະໂຍບາຍຂອງສອງພັກ,ສອງລັດລາວ-ຫວຽດນາມ,ກ໋ຽວກັບການຊອກຫາ,ຂຸດຄົ້ນ,ທ້ອນໂຮມອັດຖິທະຫານອາສາສະມັກ ແລະ ຊ່ຽວຊານຫວຽດນາມທີ່ເສຍສະຫຼະຊິວິດໃນປາງສົງຄາມຢູ່ພື້ນທີ່ຂອງແຂວງສະຫວັນະເຂດ,ເພື່ອກັບຄືນປະເທດໃນລະດູແລ້ງສົກປີ 2019-2020,ໂດຍການເຂົ້າຮ່ວມພິທີມອບຮັບອັດຖິຄັ້ງນີ້ມີ ສະຫາຍ ພົນຈັດຕະວາ ຈະເລີນ ວົງວິໄຊ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ ຮອງຄະນະປະຕິບັດງານພິເສດແຂວງສະຫວັນະເຂດ,ມີສະຫາຍ ພັນໂທ ຫງວຽນວັນຈ້ອງ ຫົວໜ້າການທະຫານກອງປະຕິບັດງານພິເສດ 584 ພ້ອມດ້ວຍຄະນະວິຊາການສອງຝາ່ຍເຂົ້າຮ່ວມ.

ໃນພິທີສະຫາຍ ພັນໂທ ຫງວຽນວັນຈ້ອງ ຫົວໜ້າກອງຂຸດຄົ້ນ 584 ໄດ້ຂື້ນຜ່ານບົດສະຫຼຸດໃນການຊອກຫາ,ຂຸດຄົ້ນ,ທ້ອນໂຮມອັດຖິທະຫານອາສາສະມັກ ແລະ ຊ່ຽວຊານຫວຽດນາມທີ່ເສຍສະຫຼະຊິວິດໃນປາງສົງຄາມຢູພື້ນທີ່ຂອງແຂວງສະຫວັນະເຂດເຊີ່ງມີທັງຂໍ້ສະດວກ ແລະ ຂໍ້ຍຸ້ງຍາກແຕ່ກໍ່ສາມາດຊອກໄດ້ 21 ສົບໃນລະດູແລ້ງສົກ 2019-2020 ນີ້ ຍ້ອນຄະນະປະຕິບັດງານພິເສດ 2 ແຂວງສະຫວັນະເຂດ-ກວາງຈິໄດ້ເອົົາໃຈໃສ່ຊີ້ນຳຢ່າງໄກ້ສິດໃນການຊອກຄົ້ນຕາມຕົວເມືອງທີ່ມີເປົ້າໝາຍ,ອຳນາດການປົກຄອງໃນແຕ່ລະເມືອງທີ່ລົງຊອກຄົ້ນແມ່ນໃຫ້ຄວາມຮ່ວມມື ແລະ ສະໜອງຂໍ້ມູນຂ່າວສານໄດ້ເປັນຢ່າງດີໂດຍສະເພາະແມ່ນກອງບັນຊາການທະຫານເມືອງໃນຍແຕ່ລະເມືອງ ໃນນັ້ນເມືອງອາດສະພັງທອງມີ 12 ອັດຖິ,ເມືອງຈຳພອນ 2 ອັດຖິ,ເມືອງອາດສະພອນ 7 ອັດຖິລວມເປັນ 21 ອັດຖິ.

ຈາກນັ້ນ ສະຫາຍ ພົນຈັດຕະວາ ຈະເລີນ ວົງວິໄຊ ຫົວໜ້າກອງບັນຊາການທະຫານແຂວງ ຮອງຫົວໜ້າຄະນະສະເພາະກິດແຂວງສະຫວັນະເຂດ ໄດ້ມີຄຳຄິດຄຳເຫັນເຊິ່ງສະຫາຍໄດ້ກ່າວວ່າການມອບ-ຮັບອັດຖິທະຫານອາສາສະມັກ ແລະ ຊ່ຽວຊານຫວຽດນາມໃນປີນີ້ແມ່ນບໍ່ໄດ້ເຮັດຄືເກົ່າເພາະອິງໃສ່ສະພາບການແຜ່ລະບາດຂອງພະຍາດໂຄວິດ 19 ຢ່າງຮ້າຍແຮງໃນທົ່ວໂລກກໍ່ຄືໃນປະເທດເຮົາດັ່ງນັ້ນມາໃນວັນທີ 3 ພຶດສະພາ 2020 ຄະນະປະຕິບັດງານພິເສດສະຫວັນະເຂດ – ກວາງຈິຈິ່ງໄດ້ຈັດພິທີມອບ-ຮັບຢ່າງເປັນທາງການຢູ່ທີ່ກອງຂຸດຄົ້ນ 584 ຕັ້ງຢູ່ບ້ານແກ້ງຄັນເມືອງວິລະບູ ແຂວງສະຫວັນະເຂດ,ຕອນທ້າຍກໍ່ໄດ້ພ້ອມກັນເຊັນບົດບັນມອບຮັບອັດຖິ ແລະ ມອບຂອງຂວັນໃຫ້ກັນ ແລະ ກັນຕື່ມອີກ.

ກວດຂ່າວໂດຍ ບກ ທະຫານແຂວງ ພາບຂ່າວ ພານິດ ພິລາວົງ