ກັກແຮງງານທີ່ມາສ້າງທາງລົດໄຟລາວ-ຈີນ 14 ວັນ

533

ໂດຍປະຕິບັດຕາມທິດຊີ້ນຳຂອງທ່ານຮັກສາການຫົວໜ້າກອງບັນຊາການ ປກສ ນະຄອນຫຼວງວຽງຈັນ ໃນວັນທີ 02 ພຶດສະພາ 2020 ເຈົ້າໜ້າທີ່ຄຸ້ມຄອງຄົນຕ່າງປະເທດ ປກສ ນະຄອນຫຼວງວຽງຈັນ

ໄດ້ເຂົ້າປະຕິບັດໜ້າທີ່ຄຸ້ມຄອງບັນດາຜູ້ຊ່ຽວຊານ ແລະ ກຳມະກອນ (ຄົນຕ່າງປະເທດ) ທີ່ມາອອກແຮງງານສ້າງເສັ້ນທາງລົດໄຟ ລາວ-ຈີນ ເຂົ້າມາກັກກັນຢູ່ສະຖານທີ່ໂຮງແຮມດອນຈັນພາເລດ ເພື່ອຄຸ້ມຄອງ ແລະ ຕິດຕາມໃຫ້ຄົບຕາມກຳນົດ 14 ວັນ ຕາມຫຼັກການຂອງກະຊວງສາທາລະນະສຸກ ໃນການປ້ອງກັນ ແລະ ເຝົ້າລະວັງຕິດຕາມຫາເຊື້ອພະຍາດໂຄວິດ-19

ຖ້າຄົບກໍານົດບໍ່ພົບເຫັນອາການທີ່ຕິດເຊື້ອແມ່ນຈະໄດ້ອະນຸຍາດໃຫ້ອອກໄປປະຕິບັດໜ້າທີ່ຂອງເຂົາເຈົ້າຄືເກົ່າ ແຕ່ຖ້າມີອາການສົງໄສແມ່ນຈະນຳສົ່ງໂຮງໝໍມິດຕະພາບ 150 ຕຽງທັນທີ, ທັງນີ້ກໍເພື່ອເຮັດໃຫ້ສັງຄົມລາວເຮົາພົ້ນຜ່ານວິກິດນີ້ໄປໄດ້ດີ.
ຮູບ ແລະ ຂໍ້ມູນຈາກ ປກສ ນວ