ປກສ ແຂວງສະຫວັນນະເຂດ ສໍາເລັດແຜນປະຕິບັດຄໍາສັ່ງ06/ນຍໂດຍພື້ນຖານ

607

ໃນວັນທີ 28 ເມສາ 2020ນີ້ ທ່ານພັອ ສົມໝາຍ ພົມມະຈັນຫົວໜ້າ ກອງບັນຊາການ ປກສ ແຂວງສະຫວັນນະເຂດ ໄດ້ສັງລວມແຜນການຈັດຕັ້ງຜັນຂະຫຍາຍມະຕິ ຄຳສັ່ງ,ແຈ້ງການຂອງສູນກາງແລະແຂວງວາງອອກໃນແຕ່ລະໄລຍະ ເຊິ່ງທ່ານໄດ້ສຳພາດຕໍສື່ມວນຊົນວ່າ: ໂດຍປະຕິບັດຕາມຄໍາສັ່ງເລກທີ06/ນຍຂອງນາຍົກລັດຖະມົນຕີ ຄະນະພັກ-ຄະນະບັນຊາ ກອງບັນຊາການ ປກສແຂວງໄດ້ກຳນົດແບບແຜນວິທີເຮັດວຽກຢ່າງລະອຽດແລະເປັນລະບົບ,ເພື່ອໃຫ້ທຸກເລົ່າລົບວິຊາສະເພາະຈັດຕັ້ງປະຕິບັດດ້ວຍຄວາມຮັບພິຊອບສູງແລະໄດ້ຈັດຕັ້ງຄະນະຮັບພິຊອບຕິດຕາມເຝົ້າລະວັງ ແລະສະກັດກັ້ນຕ້ານເຊື້ອພະຍາດໂຄວິດ-19 ຂຶ້ນ


ໄດ້ອອກແຈ້ງການໃຫ້ບັນດາກົມກອງອ້ອມຂ້າງແລະບັນດາ ປກສ ເມືອງທົ່ວແຂວງ,ເພີ່ມທະວີການໂຄສະນາສຶກສາອົບຮົມແນວຄິດໃຫ້ກຳລັງຂອງຕົນແລະພໍ່ແມ່ປະຊາຊົນໃນທົ່ວແຂວງມີຄວາມອຸ່ນອ່ຽງທຸ່ນທ່ຽງແລະຢູ່ໃນທ່າກຽມພ້ອມປ້ອງກັນເຝົ້າລະວັງເຊື້ອພະຍາດໂຄວິດ-19ຕະຫຼອດ24ຊົ່ວໂມງ ແລະເຫັນໄດ້ວ່າຕະຫຼອດສອງໄລຍະຜ່ານມາ ການກວດກາໃນແຕ່ລະຈຸດປ້ອງກັນເຊື້ອພະຍາດໂຄວິດ-19ໃນທົ່ວແຂວງແມ່ນໄດ້ເອົາໃຈໃສ່ຢ່າງເຄັ່ງຄັດແລະເຂັ້ມງວດແລະກວດກາບໍມີຜູ້ຕິດເຊຶ້ອໂຄວິດ-19.

ທ່ານຍັງກ່າວຕື່ມອີກວ່າ:ການຈັດຕັ້ງປະຕິບັດຕາມທິດທາງແຜນການ,ໂດຍນຳເອົາເນື້ອໃນທັງໝົດຂອງຄຳສັ່ງຂອງນາຍົກລັດຖະມົນຕີ,ເປັນທິດທາງ,ເປັນບ່ອນອີງໃຫ້ແກ່ການຈັດຕັ້ງປະຕິບັດເພື່ອໃຫ້ສອດຄ່ອງຂອງໜ້າທີ່ວິຊາສະເພາະຂອງ ປກສ ແຂວງ,ໃນໄລຍະການຈັດຕັ້ງປະຕິບັດ,ພວກເຮົາໄດ້ແຕ່ງຕັ້ງອະນຸກຳມະການສະເພາະກິດຂັ້ນ ປກສ ແຂວງຂຶ້ນ,ເປັນກຳລັງໜູນໃນການຈັດຕັ້ງປະຕິບັດການຕ້ານການແຜ່ລະບາດຂອງພະຍາດໂຄວິດ-19,ເຮັດໜ້າທີ່ປ້ອງກັນຄວາມສະຫງົບຄວາມເປັນລະບຽບຮຽບຮ້ອຍໃຫ້ແກ່ສັງຄົມ,ໃນການປະຕິບັດຕົວຈິ່ງຂອງກຳລັງພວກເຮົາໄດ້ແບງເປັນ 3 ຈຸຄື:ຈັດຕັ້ງຄະນະປະຈຳການຂອງ ປກສ ແຂວງ

ແຕ່ງຕັ້ງຈຸປະສານສົມທົບກັບໄອຍະການ ແລະລົງບັນດາເມືອງເພື່ອໃຫ້ບັນດາເມືອງກ້ຽມພ້ອມໃນການຈັດຕັ້ງປະຕິບັດ ແລະ ແຕ່ງຕັ້ງຈຸຮັບຜິດຊອບໃນການຈັດວາງລະບຽບການຕ່າງໆ,ໂດຍສະເພາະແມ່ນການຈັດຕັ້ງປ້ອງກັນເວນຍາມ ແລະ ປະສານສົມທົບກັບສາທາ,ໄອຍະການໃນການກວດກາຕິດຕາມສະພາບການຢ່າງເປັນລະບົບ,ການສັງລວມໃນການປະຕິບັດໜ້າທີ່ເລີ່ມແຕ່ໄລຍະທີ 1ຫາ ໄລຍະທີ 2 ກໍາລັງຂອງພວກເຮົາໄດ້ເອົາໃຈໃສ່ປະຕິບັດໜ້າທີ່ມີຄວາມສຳເລັດໂດຍພື້ນຖານ,ໂດຍຍ້ອນຄະນະພັກ-ຄະນະບັນຊາມີຄວາມເປັນເອກະພາບຕະຫຼອດເຖິ່ງນາຍ ແລະ ພົນຕຳຫຼວດ,ເປັນເອກະພາບເປັນໜຶ່ງດ່ຽວມີຄວາມອົດທົນສູ້ຊົນຜານຜາ ແລະໄດ້ຮັບການຮ່ວມມືແລະສະໜັບສະໜູນຈາກພາກສ່ວນຕ່າງໆ