ທະນາຄານກາງ ແລະ ທະນາຄານການຄ້າ ມອບເງິນ1ຕື້ກີບໃຫ້ລັດຄວບຄຸມໂຄວິດ19

585

ທະນາຄານ ແຫ່ງ ສປປ ລາວ ແລະ ທະນາຄານການຄ້າຕ່າງປະເທດລາວ ມະຫາຊົນມອບເງິນໃຫ້ຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂພະຍາດໂຄວິດ -19 ພາກສ່ວນລະ 500 ລ້ານກີບເພື່ອປະກອບສ່ວນເຂົ້ນໃນການເຄື່ອນໄຫວປ້ອງກັນ ແລະ ຄວບຄຸມ ແລະ ແກ້ໄຂ ພະຍາດ ໂຄວິດ -19


ເຊິ່ງຕ່າງໜ້າທະນາຄານ ແຫ່ງ ສປປ ລາວກ່າວມອບໂດຍທ່ານ ພຸດທະໄຊ ສີວິໄລ ຮອງຜູ້ວ່າການທະນາຄານແຫ່ງ ສປປ ລາວແລະ ຕາງໜ້າທະນາຄານການຄ້າຕ່າງປະເທດລາວ ມະຫາຊົນກ່າວມອບໂດຍທ່ານ ບົວວັນ ສີມະລີວົງ ຮອງຜູ້ອໍານວຍການທະນາຄານການຄ້າຕ່າງປະເທດລາວມະຫາຊົນ, ກ່າວຮັບໂດຍທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນາສຸກ, ຮອງຫົວໜ້າຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂພະຍາດໂຄວິດ -19 ໂດຍຊ່ອງໜ້າພະນັກງານທີ່ກ່ຽວຂ້ອງທັງສອງຝ່າຍ.

ໂອກາດນີ້ ທ່ານ ບຸນກອງ ສີຫາວົງ ໄດ້ກ່າວສະແດງຄວາມຂອບໃຈສອງທະນາຄານມີຄວາມເປັນຫ່ວງເປັນໃຍນໍາພໍ່ແມ່ປະຊາຊົນທີ່ໄດ້ໃຫ້ການຊ່ວຍເຫຼືອ ແລະ ໃຫ້ສັນຍາວ່າ ຈະນໍາເອົາເງິນຈໍານວນດັ່ງກ່າວນີ້ ໄປນໍາໃຊ້ໃຫ້ເກີດຜົນປະໂຫຍດສູງສຸດ. ພິທີດັ່ງກ່າວໄດ້ຈັດຂຶ້ນໃນວັນທີ 04 ພຶດສະພາ 2020, ຢູ່ທີ່ ສໍານັກງານນາຍົກລັດຖະມົນຕີ.