ແຂວງກອນຕູມ ສສ ຫວຽດນາມ ມອບ​ເຄື່ອງ​ຊວ່ຍ​ປ້ອງກັນພະຍາດໂຄວິດ -19ໃຫ້ສາທາແຂວງເຊກອງ

727

​ໃນ​ຕອນ​ບ່າຍ ​ຂອງວັນ​ທີ 29 ເມ​ສາ 2020 ​ຜ່ານມາ ຢູ່ທີ່ດ່ານສາກົນເບີອີ ແຂວງກອນຕູມ ສສ ຫວຽດນາມ. ​ທ່ານ ຫງຽນ ວັນ ຮວາ ຮອງເລຂາພັກ ຄະນະກຳມະການປະຊາຊົນແຂວງກອນຕູມ ສາທາລະນະລັດສັງຄົມນິຍົມຫວຽດນາມ, ໄດ້​ສະ​ໜອງອຸປະກອນການປ້ອງກັນພະຍາດໂຄວິດ-19 ​ໃຫ້ ພະ​ແນກ​ສາ​ທາ​ລະ​ນະ​ສຸກ​ແຂວງເຊກອງ ເພື່ອ​ນຳ​ໃຊ້​ເຂົ້າ​ໃນ​ວຽກ​ງານ​ສະ​ກັດ​ກັ້ນ ແລະ ຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ອັກ​ເສບ​ປອດ​ຈາກ​ເຊື້ອ​ຈຸ​ລະ​ໂລກ​ສາຍ​ພັນ​ໃໝ່​ ໂຄວິດ-19

ເຄື່ອງ​ທີ່​ນຳ​ມາ​ຊວ່ຍ​ເຫຼືອຄັ້ງນີ້​ປະ​ກອບ​ມີໜ້າກາກອານາໄມ,ກໍຣາມິນB,ກຼໍຣີນ,ຊຸດກັນຕິເຊື້ອ,ແວ່ນຕາ,ສົບມືກວດພະຍາດ,ນ້ຳຢາຂ້າເຊື້ອໄວຣັດ,ນ້ຳຢາລ້າງຄໍ,ເຄື່ອງກວດພະຍາດ(ສະເຕ),ເຄື່ອງວັດແທກຄວາມດັນເລືອດ,ອຸປະກອນເຈາະເລືອດ,ຖົງໃສ່ຕູ້ກໍລະນີ,ຈັກຜົ່ນຢາແລະເຄື່ອງແທກອຸນຫະພູມ.ລວມ​ມູນ​ຄ່າ 200 ລ້ານ​ດົ໋ງ. ກ່າວມອບ ​ໂດຍ​ແມ່ນ ທ່ານ ຫງຽນ ວັນ ຮວາ ຮອງເລຂາພັກ ຄະນະກຳມະການປະຊາຊົນແຂວງກອນຕູມ ສາທາລະນະລັດສັງຄົມນິຍົມຫວຽດນາມ ແລະ ຕ່າງ​ໜ້າ​ກ່າວ​ຮັບ ທ່ານ ພອນເພັດ ຄິວລະວົງ ປະທານສະພາປະຊາຊົນແຂວງ ທັງເປັນປະທານຄະນະສະເພາະກິດ ປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ອັກເສບປອດສາຍພັນໃຫມ່ ໂຄວິດ19 ແຂວງເຊກອງ ພ້ອມດ້ວຍ​ພາກ​ສ່ວນ​ທີ່​ກ່ຽວ​ຂ້ອງ​ທັງ​ສອງ​ຝ່າຍ​.

ໃນ​ໂອ​ກາດ​ດັ່ງ​ກ່າວ, ທ່ານ ພອນເພັດ ຄິວລະວົງ ປະທານສະພາປະຊາຊົນແຂວງ ທັງເປັນປະທານຄະນະສະເພາະກິດ ປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ອັກເສບປອດສາຍພັນໃຫມ່ ໂຄວິດ-19 ຂັ້ນແຂວງເຊກອງ. ກໍ່ໄດ້ຕ່າງ​ໜ້າ​ໃຫ້ພະ​ນັກ​ງານ​ແພດ​ໝໍ ແລະ ປະ​ຊາ​ຊົນທົ່ວແຂວງເຊກອງ .ຂື້ນມອບ​ໃບ​ຍ​ອ້ງ​ຍໍ ໃຫ້​ທ່ານ ຫງຽນ ວັນ ຮວາ ຮອງເລຂາພັກ ຄະນະກຳມະການປະຊາຊົນ ແຂວງກອນຕູມ ສາທາລະນະລັດສັງຄົມນິຍົມຫວຽດນາມ ພ​ອ້ມ​ນັ້ນ​ ທ່ານ ​ໄດ້​ສະ​ແດງ​ຄວາມ​ຂອບ​ໃຈ​ມາ​ຍັງ​ຄະນະອຳນາດການປົກຄອງແຂວງກອນຕູມ ທີ່​ມີ​ຄວາມ​ເປັນ​ຫວ່ງ​ເປັນ​ໃຍ ຕໍ່​ຊິ​ວິດ ສຸ​ຂະ​ພາບ​ຂອງ​ ​ພະ​ນັກ​ງານ​ແພດ​ໝໍ​ ,ຄະ​ນະ​ສະ​ເພາະ​ກິດ​ກຳ​ລັງ​ປະ​ຕິບັດ​ໜ້າ​ທີ່​ປ​ອ້ງ​ກັນ ພະ​ຍາດ​ໂຄວິດ -19 ແລະ ປະ​ຊາ​ຊົນ ​ເຂົ້າ​ໃນ​ການ​ປ​ອ້ງ​ກັນ​​ຕົນ​ເອງ,ກຽມ​ພ​ອ້ມ​ຮັບ​ມື​ກັບ​ການ​ລະ​ບ​າດ​ຂອງ​ພະ​ຍາດ​ໂຄວິດ-19 ແລ​ະ ​ຢືນ​ຢັນ​ວ່າ​ອຸ​ປະ​ກອນ​ດັ່ງກ່າວທີ່​ໄດ້​ຮັບ​ການ​ຊວ່ຍ​ເຫຼືອ​ໃນ​ຄັ້ງ​ນີ້​ຈະ​ຖືກ​ນຳ​ໃຊ້​ເຂົ້າ​ໃນ​ການ​ສະ​ກັດ​ກັ້ນ ແລະ ຕ້ານ​ພະ​ຍາດ​ໂຄວິດ-19 ຢູ່​ແຂວງ​ເຊກອງ ຢ່າງ​ມີ​ປະ​ສິດ​ທິ​ຜົນ.

ຂ່າວ-ພາບ:ເພັດສົມພອນ