4 ແຂວງພາກໃຕ້ໄດ້ຮັບເຄື່ອງຊ່ວຍເຫຼືອຈາກແຂວງກອນຕູມ ສສ ຫວຽດນາມ

439

ແຂວງຈຳປາສັກ,ສາລະວັນ,ເຊກອງ ແລະ ແຂວງອັດຕະປື ໄດ້ຮັບເຄື່ອງຊວ່ຍເຫືລອປະເພດອຸປະກອນການແພດຈຳນວນໜື່ງຈາກແຂວງກອນຕູມ ສສ ຫວຽດນາມ ເພື່ອນໍາໃຊ້ເຂົ້າໃນວຽກງານສະກັດກັ້ນການແຜ່ລະບາດຂອງພະຍາດໂຄວິດ-19. ກ່າວມອບໂດຍທ່ານ ຫວງນ ວັນ ຮ່ວາ ຮອງເລຂາປະທານຄະກຳມະການປະຊາຊົນແຂວງກອນຕູມ ສສ ຫວຽດນາມ, ກ່າວຮັບໂດຍທ່ານ ອຸ່ນຫ້ລາ ໄຊຍະສິດ ຮອງເຈົ້າແຂວງ ຮອງປະທານຄະນະສະເພາະກິດປ້ອງກັນ ແລະ ຄວບຄຸມການແຜ່ລະບາດຂອງພະຍາດໂຄວິດ-19 ຂັ້ນແຂວງ ພ້ອມຄະນະນຳ 4 ແຂວງພາກໃຕ້ແລະພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

ອຸປະກອນທາງການແພດທີ່ນຳມາມອບໃນຄັ້ງນີ້ປະກອບມີ: ຜ້າອັດປາກ-ດັງການແພດ 100 ອັນ , ແວ່ນຕາໃສທຳມະດາ 100 ອັນ,ເຈວລ້າງມື 500 ແກ້ວ,ເຈວຂ້າເຊື້ອ 500 ແກ້ວ, ເຄື່ອງແທກຄວາມດັນ 9 ອັນ, ອຸປະກອນເອົາເລືອດວິເຄາະ 100 ຊຸດ ແລະ ອຸປະກອນອື່ນໆຈຳນວນໜື່ງ ລວມມູນຄ່າ 200 ລ້ານດົ້ງ.

ພາຍຫລັງສຳເລັດພິທີ ບັນດາທ່ານຄະນະນໍາທັງ 4 ແຂວງ ຍັງໄດ້ໄປເບີ່ງຈຸດກັ່ນກອ່ງຄົນເຂົ້າ-ອອກ ແລະ ແນະນຳກັບທີ່ກ່ຽວກັບການອະນາໄມຂ້າເຊຶ້ອໃຫ້ພະນັກງານແພດໝໍ ທີ່ປະຈຳຢູ່ດ່ານສາກົນພູເກຶອຕື່ມອີກ. ພິທີດັ່ງກ່າວ ຈັດຂຶ້ນໃນຕອນບ່າຍຂອງວັນທີ 29 ເມສາ 2020 ຜ່ານມາ ທີ່ຫລັກໝາຍ 790 ດ່ານສາກົນເບີອີ.

ຂ່າວ: ບັງອອນ ສທຂ