ຢູນິເທວ ສາຂາແຂວງອັດຕະປື ມອບຊີມັງໃຫ້ກອງບັນຊາການທະຫານເມືອງພູວົງ

493

ໃນລະຫວ່າງວັນທີ 29 ເມສາ 2020 ນີ້ ຢູ່ທີ່ກອງບັນຊາການທະຫານເມືອງ ພູວົງໄດ້ມີພິທີມອບເຄື່ອງຊ່ວຍເຫຼືອເປັນສີມັງ ຈໍານວນ 5 ໂຕນ ລວມມູນຄ່າ 3.500.000 ກີບໃຫ້ກອງບັນຊາການທະຫານເມືອພູວົງ ໃຫ້ກຽດມອບ ໂດຍທ່ານ ຈັນທະວີໄຊ ທໍາມະວົງ ອຳນວຍການບໍລິສັດສະຕາໂທລະຄົມ (ຢູນິເທວ) ສາຂາແຂວງອັດຕະປື, ກ່າວຮັບໂດຍທ່ານ ພັທ ບຸນຍົມ ພົນອາມາດ ຫົວໜ້າຫ້ອງການກອງບັນຊາການທະຫານເມືອງພູວົງ ໂດຍຊ່ອງຫນ້າພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.

ທ່ານ ຫົວຫນ້າກອງບັນຊາການທະຫານເມືອງ ກໍ່ໄດ້ໃຫ້ກຽດຕີລາຄາສູງ ແລະ ກ່າວຄໍາຂອບ ໃຈຢ່າງລົ້ນເຫລືອຕໍ່ບໍລິສັດສະຕາໂທລະຄົມສາຂາແຂວງອັດຕະປື ທີ່ໄດ້ໃຫ້ການສະຫນັບສະຫນູນຊ່ວຍເຫືລອໃນຄັ້ງນີ້ ເຖິງວ່າບໍ່ຫລາຍກໍສະແດງນໍ້າໃຈ, ຄວາມເປັນຫ່ວງເປັນໃຍຂອງບໍລິສັດ ທີ່ມີເຊິ່ງກັນແລະກັນ ເພື່ອຈະນຳມາພັດທະນາວຽກງານຂອງກອງບັນຊາການທະຫານນັບມື້ດີຂື້ນເທື່ອລະກ້າວ.

ຂ່າວ: ວັດທະນາ