ກຸ່ມກະດັນ ສຶກສາອົບຮົມໃຫ້ແຮງງານລາວທີ່ກັບມາຈາກການໄປອອກແຮງງານຢູ່ຕ່າງປະເທດ

666

ໃນວັນທີ 29-30 ເມສາ ຜ່ານມານີ້ ກຸ່ມກະດັນ ເມືອງໂຂງ ແຂວງຈຳປາສັກ ແຮງງານລາວຈຳນວນ 228 ຄົນ, ຍິງ 70 ຄົນທີ່ກັບມາຈາກໄປອອກແຮງງານຢູ່ຕ່າງປະເທດໄດ້ພ້ອມກັນເຂົ້າຮ່ວມຮັບການສຶກສາອົບຮົມວຽກງານການເມືອງແນວຄິດ ທັງນີ້ກໍ່ເພື່ອເຮັດໃຫ້ຈຳນວນແຮງງານດ່ັງກ່າວຮັບຮູ້ ແລະ ເຂົ້າໃຈເຖິງລະບຽບກົດໝາຍບ້ານເມືອງ,​ ສິດ ແລະ ພັນທະຕ່າງໆໃນນາມທີ່ເປັນພົນລະເມືອງລາວ.


ການສຶກສາອົບຮົມວຽກງານການເມືອງແນວຄິດໃຫ້ກັບຈຳນວນແຮງງານ 228 ຄົນ, ຍິງ 70 ຄົນໃນຈຳນວນ 6 ບ້ານຄື: ບ້ານດອນແຄ, ຂີ້ນາກ, ກະດັນ, ພຽງດີ,​ ບຶງງາມ ແລະ ບ້ານເສັດສະຫວັນ ຄັ້ງນີ້ໂດຍການໃຫ້ກຽດເຂົ້າຮ່ວມເປັນປະທານ ແລະ ໃຫ້ການໂອລົມຂອງທ່ານ ພັນໂທ ສົມສະໜຸກ ພະໄຊສົມບັດ ຄະນະປະຈຳພັກເມືອງ ຫົວໜ້າກອງບັນຊາການ ປກສ ເມືອງ, ມີຄະນະພັກຮາກຖານກຸ່ມບ້ານ,​ ນາຍບ້ານ ແລະ ຮອງນາຍບ້ານເຂົ້າຮ່ວມ.

ການລົງເຄື່ອນໄຫວສຶກສາອົບຮົມວຽກງານການເມືອງແນວຄິດໃຫ້ກັບກຸ່ມເປົ້າໝາຍຄັ້ງນີ້ປະກອບມີເອກະ ສານສຳຄັນຕ່າງໆຄື: ເອກະສານຜົນຮ້າຍຂອງຢາເສບຕິດ, ສິດ ແລະ ພັນທະຂອງພົນລະເມືອງລາວ, ເອກະສານກ່ຽວກັບການຄວບຄຸມການແຜ່ລະບາດຂອງພະຍາດໂຄວິດ 19 ແລະ ເອກະສານທີ່ສຳຄັນຕ່າງໆອີກຈຳນວນໜຶ່ງ.

ຂ່າວໂດຍ: ພຸດທະສິນ ວົງວິໄລທອງ