ໂຄງການກໍ່ສ້າງຊົນລະກະເສດ ທົ່ງຮາບ-ທ່າງ່ອນ ຈະໃຫ້ສໍາເລັດພາຍໃນ 12 ເດືອນ

581

ໂຄງການກໍ່ສ້າງຊົນລະກະເສດ ທົ່ງຮາບ-ທ່າງ່ອນ ເມືອງໄຊທານີ ນະຄອນຫຼວງວຽງຈັນ ເປັນໂຄງການຊົນລະປະທານທີ່ໄດ້ຮັບທຶນຊ່ວຍເຫຼືອຈາກລັດຖະບານຍີ່ປຸ່ນ ໃນມູນຄ່າທັງໝົດ 4 ລ້ານ ​5 ແສນໂດລາສະຫາລັດ. ໃນນີ້, ມີທືນສົມທົບຈາກລັດຖະບານ ຈໍານວນ 10 ເປີເຊັນ. ຫຼ້າສຸດ, ໄດ້ມີພິທີລົງນາມເຊັນສັນຍາກໍ່ສ້າງຢ່າງເປັນທາງການໃນວັນທີ 23 ເມສາ 2020 ຜ່ານມາ, ທີ່ກົມຊົນລະປະທານ ກະຊວງກະສິກຳ-ປ່າໄມ້.

ເຊິ່ງໃຫ້ກຽດລົງນາມຂອງ ທ່ານ ​ບຸນຄໍ້າ ສີດາວົງ ຫົວໜ້າກົມຊົນລະປະທານ ກະຊວງກະສິກຳ ແລະ ປ່າໄມ້ ກັບທ່ານ ​ແຫຼວຄຳ ວົງສາວັນທອງ ຜູ້ອຳນວຍການໃຫຍ່ບໍລິສັດອິນຊີພັດທະນາກໍ່ສ້າງ ຈຳກັດຜູ້ດຽວ ໂດຍມີຜູ້ຕາງໜ້າຈາກກະຊວງການເງິນ ກະຊວງແຜນການ ແລະ ການລົງທຶນ ແລະ ແຂກຖຶກເຊີນເຂົ້າຮ່ວມ.

ໂຄງການດັ່ງກ່າວແມ່ນໄດ້ຮັບທືນຊ່ວຍເຫຼືອຈາກລັດຖະບານຍີ່ປຸ່ນ ໃນມູນຄ່າທັງໝົດ 4 ລ້ານ ​5 ແສນໂດລາສະຫາລັດ. ໃນນີ້, ມີທືນສົມທົບຈາກລັດຖະບານ ຈໍານວນ 10 ເປີເຊັນ ໂດຍໃຊ້ເວລາໃນການຈັດຕັ້ງປະຕິບັດຈະໃຫ້ສໍາເລັດການກໍ່ສ້າງພາຍໃນ 12 ເດືອນ.