ກອງບັນຊາການ ທະຫານຊາຍແດນ ແຂວງກວາງຈິ ມອບອຸປະກອນທາງການແພດ ໃຫ້ເມືອງນອງ.

456

ເພື່ອຮັດແໜ້ນສາຍສຳພັນອັນເປັນມູນເຊື້ອຍາວນານ, ຄວາມສາມັກຄີພິເສດ, ມິດຕະພາບ ລະຫວ່າງ ລາວ-ຫວຽດນາມທີ່ມີມາຕັ້ງແຕ່ດົນນານ ແລະ ດ້ວຍຄວາມເປັນຫ່ວງເປັນໄຍ ໃນສະຖານະການ ການແຜ່ລະບາດຂອງພະຍາດອັກເສບປອດສາຍພັນໃໝ່ ຫຼື ໂຄວິດ19 ທີ່ກຳລັງແຜ່ລາມໃນຄະນະນີ້ ໂດຍສະເພາະກໍ່ຄືໃນປະເທດລາວເຮົາ ດັ່ງນັ້ນມາໃນອາທິດທີ່ຜ່ານມານີ້ການນຳ ເມືອງເຮືອງຮວາ ແຂວງກວາງຈິ ສສຫວຽດນາມນຳໂດຍທ່ານ ພັທ ຕັນຕວ໋ນແອັງ ຮອງຫົວໜ້າກອງບັນຊາການທະຫານຊາຍແດນ ແຂວງກວາງຈິ ພ້ອມດ້ວຍຄະນະ.

ໄດ້ນໍາເອົາອຸປະກອນທາງການແພດ, ເຄື່ອງປ້ອງກັນ ຄວບຄຸມຕ້ານ ເຊື້ອພະຍາດໂຄວິດ19ມາມອບໃຫ້ກັບ ການຳຂອງເມືອງນອງເພື່ອມອບຕໍ່ໃຫ້ພາກສ່ວນກ່ຽວຂ້ອງ ພິທີດັ່ງກ່າວຈັດຂຶ້ນຢູ່ທີ່ແຄມນ້ຳເຊໂປນ ເຂດ ບ້ານ ຕະນົວ ເມືອງເຮືອງຮວາ ແຂວງກວາງຈິ ສສ ຫວຽດນາມກັບຝັ່ງເຊ ບ້ານ ແດນວິໄລ ເມືອງນອງ ແຂວງສະຫວັນນະ ໂດຍການໃຫ້ກຽດກ່າວຮັບຂອງທ່ານ ລຳແກ້ວ ແສງໜູທອງ ເລຂາພັກເມືອງ ເຈົ້າເມືອງ-ເມືອງນອງພ້ອມຄະນະ.


ຈຳນວນເຄື່ອງທີ່ນຳມາມອບໃນຄັ້ງນີ້ມີ: ຜ້າອັດປາກແພດຈຳນວນ 1000 ອັນ, ເຈວລ້າງມື 36 ກັອງ, ຊຸດປ້ອງກັນພະຍາດທາງການແພດ 100ຊຸດ, ຊົບມື 100ຊຸດ,ຜ້າອັດປາກແພທີ່ມີຄຸນນະພາບດີ ຈຳນວນ 1000 ອັນ, ເຄື່ອງວັດແທກອຸນຫະພູມ 1ອັນ (ວັດແທກໄຂ້) ແລະເຂົ້າສານຈ້າວຈໍານວນ 2ໂຕນ ລວມມູນຄ່າທັງໝົດ 19 ລ້ານກວ່າກີບ ທັງນີ້ກໍ່ເພື່ອຊ່ວຍເຫຼືອແບ່ງເບົາບັນເທົາທຸກໃຫ້ແກ່ ພໍ່ແມ່ປະຊາຊົນເຂດ ບ້ານແດນວິໄລ ແລະໄດ້ແຈກຢາຍໃຫ້ກຳລັງ ປກຊ-ປກສ, ຕາມຈຸດກວດ, ຈຸດຍາມຕ່າງໆທີ່ກຳລັງປະຕິບັດໜ້າທີ່ຢ່າງເຂັ້ມງວດໃນການຕ້ານ ການແຜ່ລະບາດຂອງພະຍາດ ໂຄວິດ19 ເຖິງແມ່ນວ່າເຄື່ອງຈໍານວນດັ່ງກ່າວອາດຈະບໍ່ຫຼວງຫຼາຍ ແຕ່ມັນກໍ່ສະແດງເຖິງຄວາມຈິງໃຈ,ສະແດງເຖິງມູນເຊື້ອທີ່ຍິ່ງໃຫຍ່ ລະຫວ່າງລາວ-ຫວຽດນາມ ສືບຕໍ່ປົກປັກຮັກສາມູນມໍລະດົກອັນລ້ຳຄ່ານີ້ໄວ້ໃຫ້ຊົ່ວລູກ, ຫຼານໄດ້ສືບທອດຕໍ່ໆໄປ.

ທ່ານ ພັທ ຕັນຕວ໋ນແອັງ ຮອງຫົວໜ້າກອງບັນຊາການທະຫານຊາຍແດນ ແຂວງກວາງຈິ ຍັງໄດ້ກ່າວວ່າ: ຊ່ວງໄລຍະວິດກິດຂອງພະຍາດໂຄວິດ19ນີ້ ຊ້ຳພັດເປັນງານບຸນປະເພນີສົງການປີໃໝ່ລາວ ພສ 2563 ຂໍຖືໂອກາດສະແດງຄຳອວຍພອນໃຫ້ແກ່ການນຳເມືອງນອງຈົ່ງມີພະລານາໄມທີ່ສົມບູນ ປັດສະຈາກໂລຄາໄພຕ່າງໆ ພ້ອມພາກັນຜ່ານຜ່າພະຍາດດັ່ງກ່າວນີ້ໄປດ້ວຍດີ.